3 LEKCIJA
Hin lačho hiros andal e Biblija čačes le Devlestar?
1) Kaskri godži hin andre Biblija?
Lačho hiros, hoj o nipi dživena pro furt pre phuv, hin andal e Biblija. (Žalmy 37:29) La Biblija hin 66 cikneder kňižki, so pisinenas vaj 40 lačhe murša, saven o Del kidňas avri 5 anglune kňižki pisindžas o Mojžiš vaj anglo 3 500 berš. Posledno kňižka pisindžas o apoštol Ján buter sar anglo 1 900 berš. Khatar ile godži, so te pisinel? O Del len ľidžalas prekal peskro svato duchos. (2. Samuelova 23:2) Ada, so pisinenas, na sas andal lengri godži, ale le Devleskri. Alestar dikhas, hoj la Biblija hin ča jekh autoris o Jehovas. Pregenen 2. Timotejovi 3:16; 2. Petra 1:20, 21.
Dikh o videjo Kaskeri goďi hin andre Biblija?
2) Sar šaj džanas, hoj e Biblija hiňi čačes le Devlestar?
Džanas, hoj e Biblija hiňi le Devlestar vašoda, hoj imar anglal phenel presnones, so pes ačhela. Ada ňisavo manuš na džanel. (Jozua 23:14) Ča nekbareder Del džanel te phenel, so le nipen užarel. Pregenen Izaiáš 42:9; 46:10.
Kije kňižka le Devlestar, pes našťi čhiven ňisave aver kňižki. Vašoda e Biblija hiňi nekfeder kňižka. Imar sas vitlačimen milijardi Bibliji. Manuša la šaj genen andro but čhiba. The te Biblija sas pisimen imar čirla, te phenel vareso pal o manuša, čercheňa, džviri vaj phuv, hin ada furt čačipen. The te la pisinenas 40 džene, sa paš peste pasinel. * Ada, hoj amen hin e Biblija, sikavel, hoj o Del amen kamel andal calo jilo. La Biblija hin zor te prekerel le manušen kijo feder. Prekal ada pačas, hoj e Biblija hiňi čačes le Devlestar. Pregenen 1. Tesaloničanom 2:13.
Dikh o videjo Sar džanas, hoj e Biblija hiňi čačes le Devlestar?
3) So phenel e Biblija?
E Biblija phenel, so lačho kamel o Del te kerel prekal o manuša. Dodžanas pes, soske o manuša našade šukar dživipen andro rajos the sar ela o rajos pale kerdo ade pre phuv. Pregenen Zjavenie 21:4, 5.
Andre Biblija hin zakoni, zasadi the godžaver lava. Thiš pes ode pisinel, savo sas o Del ko manuša, so dživenas igen čirla angle amende. Ada sikavel, savi natura le Devles hin dži akana. E Biblija šaj pomožinel feder te sprindžarel le Devles. Sikavel mek, sar šaj aven pašeder peskre jileha kijo Del. Pregenen Žalmy 19:7, 11; Jakub 2:23; 4:8.
4) Sar šaj achaľon la Biblijake?
Kadi brožura tumenge pomožinel te achaľol la Biblijake. Kerel ada avka, sar sikavlas o Ježiš. Ov rado vakerlas pal oda, so presňe pisinel e Biblija the phenelas, so o lava andal e Biblija znameňinen prekal o nipi. Pregenen Lukáš 24:27, 45.
Na arakhena ňič feder sar lačho hiros le Devlestar. The avke pal ada hiros varesave manušenge hin jekh a varesave, sar les šunen, hine choľamen. Ma preačhen te sprindžarel le Devles. Ada tumen ľidžala kijo dživipen pro furt! Pregenen Ján 17:3.
^ 3. ods. Dikhen e brožura Kniha pre všetkých ľudí.
