Xatlan tamakatsin xlakata putum kilhtamaku nalatamayaw kKatiyatni anta wi kBiblia (Salmo 37:29). Biblia kgalhi 66 libros nema tsokgkgolh 40 lakchixkuwin chu wa Dios tiku kalaksakli. Xapulana makkitsis libros wa tsokgli Moisés chu titaxtunita akgtutu mil akgkitsis ciento kata la tsokgka, chu xaʼawatiya libro tsokgli apóstol Juan chu na titaxtunita akgtum mil akgnajatsa ciento kata akxni tsokgli. Tuku wi kBiblia wa xtalakapastakni Dios. Limaklakaskilh xʼespíritu santo xlakata xkamalakpuwanilh tiku tsokgkgolh Biblia (2 Samuel 23:2). Umakgolh lakchixkuwin wilikgolh xtalakapastakni Dios chu ni wa xtalakapastaknikan. Wa xlakata, tuku wi kBiblia xtalakapastakni Jehová. (Kalikgalhtawakga 2 Timoteo 3:16 chu 2 Pedro 1:20, 21.)

Kaʼakxilhti video ¿Tiku matsokgninalh tuku wi kBiblia?

Xlakata Biblia wa kinkamaxkin Dios. Chu liwana katsiyaw pi chuna, xlakata liwana wan tuku aku nala nema latamanin nila wankgo (Josué 23:14). Kajwatiya Dios tiku kgalhi xliputum litliwakga tlan chuna tlawa. (Kalikgalhtawakga Isaías 42:9 chu 46:10.)

Komo wa Dios kinkamaxkin, uma libro lu xlakaskinka. Biblia akglhuwa mil tlawakanit chu kʼakglhuwa ciento tachuwin katlawakanit. Maski makgasa tlawakanit na watiya tuku wankgo científicos. Nachuna 40 lakchixkuwin tiku tsokgkgolh watiya talakapastakni tuku tsokgwilikgolh. * Wa xlakata, akxni likgalhtawakgayaw Biblia litasiya pi Dios kinkapaxkiyan chu la uku chuntiya tlan kinkalakgpaliniyan kilatamatkan. Wa xlakata, lhuwa millón latamanin kanajlakgo pi Biblia wa xTachuwin Dios. (Kalikgalhtawakga 1 Tesalonicenses 2:13.)

Kaʼakxilhti video ¿Tuku xlakata lipawanaw pi xlikana tuku wan Biblia?

Biblia lu tlan tuku lichuwinan. Lichuwinan tuku lakapastaknit natlawa Dios xpalakata latamanin. Lichuwinan pi xapulana kinatlatnikan makgatsankgakgolh paraíso nema xkgalhikgo chu na lichuwinan pi natawilapara uma paraíso. (Kalikgalhtawakga Apocalipsis [Revelación] 21:4, 5.)

Xtachuwin Dios kgalhi limapakgsin chu tastakyaw. Na lichuwinan la kalikatsininit Jehová latamanin, nema limasiya la likatsi. Wa xlakata Biblia kinkamakgtayayan nalakgapasaw. Nachuna, kinkamasiyaniyan la tlan xʼamigo Dios nawanaw. (Kalikgalhtawakga Salmo 19:7, 11; Santiago 2:23, chu 4:8.)

Xlakata xkamakgatakgsnilh wantu xtatsokgnit kxTachuwin Dios, Jesús xlichuwinan akgtum versículo chu xkamasiyani tuku xwamputun uma versículo. Uma folleto nachuna kinkamakgtayayan xlakata tlan naʼakgatekgsaw tuku masiya Biblia. (Kalikgalhtawakga Lucas 24:27, 45.)

Liwana kkatsiyaw pi nakatsiputuna xlakata Dios chu xatlan tamakatsin nema kinkamaxkiman. Pero, makgapitsi latamanin ni lakgatikgo, chu asta lisitsikgo akxni kalitachuwinankan. Pero ni kamasta talakaskin namaxlajwanikgoyan. Chuna la wan Biblia, tiku nakatsinikgo xlakata Dios, tlan nalatamakgo xliputum kilhtamaku. (Kalikgalhtawakga Juan 17:3.)