God saesae leaʼ nin haʼrongoa leaʼ leak maiʼ haʼsia, ni oga tuaʼa ki ka saeleaʼ. (1 Timothy 1:11) Nia neʼe eat ngia tuaʼa ki. Arai hain aʼhe neʼe haʼdoea tuaʼa kera, tuaʼa kera leaʼ hain ka saeleaʼ. Tae neʼe mantan God sulia araiʼang? Nia oga ngwae hain aʼhe kia tua hiri. Ngwae sukul ki donga taik gahmaun huan haʼsaglan araiʼang kira ki.​—Toʼomain Luke 2:1, 4, 5.

 Jehova oga arai hain aʼhe kia maman huan kera. (Hebrew 13:4) Nia aila ain halhal huan aila ngai nia. (Malachi 2:16) Ngwae sukul ki saian kia arai lauʼ diʼia tai usu nam ka kakbara.​—Toʼomain Matthew 19:3-6, 9.

 Jehova saungain ngwae hain aʼhe huan kea ahia kera. (Genesis 2:18) Aʼhe hain ngeal ki kia alugwau an arai. Nia neʼe ka lulua hanga, ihi, ma kual an tua huan tuaʼa nia hain ka haʼmanta kira sulia God. Diʼia ni kwaima an aʼhe nia noaʼ nis manat goʼo toan nia talan. Arai hain aʼhe bolhain kia kwaima ma kia haʼdoea tuaʼa kera. Arai hain aʼhe noaʼ keas olol, ni iontoa huan kea ruan tae an kera huan tuaʼa kera ka saeleaʼ.​—Toʼomain Ephesians 4:31, 32; 5:22-25, 33; 1 Peter 3:7.

 Diʼia koʼo dao toan atoa an tuaʼa koʼo, rao ngangat huan koʼo ka haʼtain kwaimaʼang an koʼo. (1 Corinth 13:4, 5)  Baebol noaʼ kas saea tua toʼtoʼ anga neʼe saian ka ahia arai hain aʼhe huan kea haʼsaga atoa neʼe huil saean tuaʼa kera.​—Toʼomain 1 Corinthians 7:10-13.

 Jehova oga kaul ka saeleaʼ. Ni saea ru leaʼ huan donga lan huan kaul ka saeleaʼ kaidai kaul hiʼ doe. Ni oga kaul ka kwairoʼoe an maʼa hain teaʼ sine kira neʼe liatoʼo ma kia ka mauri tauʼ. Kaul ka dao toan ru leaʼ ki. (Colossae 3:20) Jehova oga kaul ka saeleaʼ huan kaul ka sais tae neʼe ni oga hain donga lan ngeal nia.​—Toʼomain Ecclesiastes 11:9–12:1; Matthew 19:13-15; 21:15, 16.

 Maʼa hain teaʼ, rao ngangat huan lul lan hanga, kual huan tuaʼa, hain ihi huan ngeal ki. (1 Timothy 5:8) Huan ngeal ki ka saeleaʼ haʼmanta kira huan kia kwaima an God hain kia donga tae neʼe ni saea. (Ephesus 6:4) Kaidai koroʼ haʼtain koroʼ kwaima an God, ru neʼe eri saian ka ahia ngela ka kwaima long an God. Ngeal ki kia dao toan ru leaʼ ki diʼia kaul haʼmanta kira sulia tae neʼe Baebol saea.​—Toʼomain Deuteronomy 6:4-7; Proverbs 22:6.

 Kaidai koroʼ radua hain koroʼ ka baʼatahea ngeal ki, ru neʼe eri kwaet kira ka saeleaʼ. Haʼsaga long kira sine ru neʼe eri saian ka ahia kira huan noaʼ kia sais ru neʼe kwaet kira kas saeleaʼ. (Proverbs 22:15) Maʼa hain teaʼ noaʼ kaus balubalua kaidai kaul haʼsaga ngeal ki.​—Toʼomain Colossians 3:21.

 Witnis Jehova ki, kira toan buak huan ahi lan maʼa, teaʼ hain ngeal ki. Buak neʼe ki ala sulia tae neʼe Baebol saea.​—Toʼomain Psalm 19:7, 11.