Ṭhen 10
A Hmaanmi Biaknak Zeitindah Hngalh Khawh A Si?
1. A hmaanmi biaknak pakhat lawng maw a um?
Jesuh nih a zultu pawl kha a hmaanmi biaknak pakhat lawng a um tiah a cawnpiak hna. Mah cu zungzal nunnak a phanmi lam he aa lo. Jesuh nih mah lam cu “mi tlawmte lawnglawng nih an hmuh” tiah a ti. (Matthai 7:14) Pathian nih Baibal ningin a zulmi biaknak lawng a cohlan. Mah biaknak ah a ummi vialte cu an zumhnak aa khat.—Johan 4:23, 24; 14:6; Efesa 4:4, 5 rel.
Pathian nih Biaknak Vialte hi a Cohlang maw? timi video kha zoh
2. Jesuh nih a hmaan lomi Khrihfa hna he aa tlaiin zeidah a chim?
Khrihfabu chung in nal profet an chuak lai tiah Jesuh nih a rak chimchung. Annih cu a lenglei in zoh ahcun a hmaanmi Khrihfa an lo. Asinain an sining taktak kha hngalh khawh a si ko. Zeitin in dah? An ziaza le an tuahsernak in hngalh khawh a si. A hmaanmi biaknak lawng nih mi kha ziaza ṭha a ngeihter khawh hna.—Matthai 7:13-23 rel.
3. A hmaanmi Khrihfa cu zeitindah hngalh khawh an si?
An i thleidannak panga hi zoh hmanh:
-
Baibal kha Pathian Bia a si tiin an cohlan. A hmaanmi Khrihfa hna cu Baibal phunglam ningin nun an i zuam. Cucaah a hmaanmi biaknak cu minung ruahnak ah hram aa bunhmi biaknak he an i dang. (Matthai 15:7-9) A hmaanmi Khrihfa hna cu an chimmi Baibal biatak ning in an nung.—Johan 17:17; 2 Timote 3:16, 17 rel.
-
Matthai 6:9) Na umnak hmun ah ahote nih dah Pathian min kha mi an chimh hna?—Johan 17:6; Rom 10:13, 14 rel.
Pathian min, Jehovah kha an upat. Jesuh nih Pathian min kha mi a chimh hnanak thawng in a upat. Pathian kong a chimh hna i Pathian min thianter si ko seh tiin thlacam awk zong a chimh hna. ( -
Pathian Pennak kong an chim. Pathian nih Jesuh kha Pennak kong thawngṭha chim awkah a thlah. Pathian Pennak lawng hi minung caah ruahchan awk tlak a si. Mah kong kha Jesuh nih a thih tiang a chim. (Luka 4:43; 8:1; 23:42, 43) A zultu pawl zong nih an chim ve lai tiah a ti. Mi pakhatkhat nih Pennak kong aan chimh ahcun anih cu zei biaknak dah a si hnga?—Matthai 24:14 rel.
-
Hi vawlei ṭhalo ta an si lo. Annih cu nainganzi le mipi buainak ah an i tel lo. (Johan 17:16; 18:36) Cun ṭih a nungmi, hi vawlei lungput le ziaza zong an ngei lo.—Jeim 4:4 rel.
-
Pakhat le pakhat an i daw. Miphun kip upat awk an si kha Baibal in an hngalh. A hmaan lomi biaknak nih raltuknak kha biatak tein tha an pek tawn nain a hmaanmi biaknak nih cun cutin an tuah lo. (Mikah 4:1-3) Mah canah, an caan le an thazaang kha midang bawmhnak le thapeknak ah mahzawn ruat loin an hman.—Johan 13:34, 35; 1 Johan 4:20 rel.
4. A hmaanmi biaknak kha na thleidang kho maw?
An cawnpiaknak vialte Baibal ah hram aa bunhmi, Pathian min a upatmi le Pathian Pennak lawng minung caah ruahchan awk tlak a si tiah a chimmi biaknak cu zei biaknak dah a si? Dawtnak a langhter i raltuknak a hrialmi biaknak cu zei biaknak dah a si?—1 Johan 3:10-12 rel.