AYEGHLE 10
Aval avé ô ne yem nya n’yebe Nzame ?
1. Ye nya n’yebe Nzame ô ne ve mbokh ?
Yésu a nga yeghle beyeghe bèñ ve n’yebe Nzame mbokh, nya n’yebe. A nga dzô naa nya n’yebe aa fônan é zen da kee éning é ne mbèmbèè. É de a nga tugha ve ayili naa : “bôr avitsang é be ba yen zen te” (Matthieu 7:14). Nzame a yebe ve n’yebe wa so nten wèñ ô ne bebela été. Be nya bekang Nzame bese, be bele abuini daa.—A lang Jean 4:23, 24 ; 14:6 ; Beéphésien 4:4, 5.
Deghe éngengeng Ye Nzame aa yebe meval m’ékang mese ?
2. Za dzam Yésu a nga dzô da deghe bechrétien ba vus ?
Yésu a nga bem bia ve nkyel naa bekulu medzô ba vus ba ye mane ndaman n’yebe bechrétien. Ébal be te ba ye fônan be nya bekang Nzame ; min’yebe mi te mia dzô naa be ne bechrétien. Ve ba ye be yem y’aval be ne. Akal nya n’yebe étam é wo wa kulu be nya bechrétien, bôt be ne be yem kane éngeng ba deghe mefulu ye mimboan mieba.—A lang Matthieu 7:13-23.
3. Aval avé ô ne yem kane be nya bewume Nzame ?
Tame deghe mendem metan ma :
-
Be nya bewume Nzame ba kang Bible, ébe bo, a ne medzô me Nzame. Ba dzeng ye ngul ése naa be baghle metsing mèñ. Nya n’yebe aa selan ye min’yebe mise mivokh mia yeghle mesiman bobebôt (Matthieu 15:7-9). Be nya bewume Nzame baa kanghle ki dzam afe, afe éde béé bo.—A lang Jean 17:17 ; 2 Timothée 3:16, 17.
-
éyôla Nzame ye bo naa bôr be yem dzo. A nga vole bôr naa be yem Nzame ye yeghle be ane ba yiane yaghlan naa, éyôla Nzame é bo éfufup (Matthieu 6:9). É vôm wa ning, za n’yebe wa ve naa bôr be yem éyôla Nzame ?—A lang Jean 17:26 ; Beromain 10:13, 14.
Be nya beyeghe Yésu ba bira lughe éyôla Nzame, Jehôva. Yésu a nga bira lughe -
Be nya bechrétien ba kanghle Édjiè Nzame. Nzame a nga lôm Yésu a si va naa, a zu kanghle mbemba fuéñ ya Édjiè. Édjiè te étam éde bobebôr bese ba yane. Yésu a nga kobe adzô te ye ke kuiñ alu sugha dèñ (Luc 4:43 ; 8:1 ; 23:42, 43). A nga dzô naa beyeghe bèñ ba yiane kanghle fuèñ te. Nge môr ézing aa sele wa naa a kobe wa adzô Édjiè Nzame, ô ne simane naa a ne n’yebe mbé ?—A lang Matthieu 24:14.
-
Be nya beyeghe Yésu béé se bôr be ye émo. Ô ne bo yem amu be ne keghe bo politik nge ki a ñong ngap ébe meluman me ye émo (Jean 17:16 ; 18:36). Éde fe, baa vu ki mefulu nge ki mimboan mi ye émo.—A lang Jacques 4:4.
-
Be nya bechrétien ba bira nyeghe é bôr bevokh. Medzô me Nzame ma yeghle be naa ba yiane kang bôr be ye meyong mese. Min’yebe mia vus mia sukh meluman me ye émo ye é ngul dzeba ése, be nya bechretien baa ba tep aval mboan mam te (Michée 4:1-3). Amu, be nya bechréien ba belan é tam dzeba y’é biôm bieba, naa be vole é bôr bevokh ye ve be ngul.—A lang Jean 13:34, 35 ; 1 Jean 4:20.
4. Y’ô ntoo yem nya n’yebe Nzame ?
N’yebe ô vé wa ñong tsin meyeghle a Kalare Nzame été, wa lughe éyôla Nzame, ye kanghle naa, Édjiè Nzame étam édzo bobebôr ba yiane yane ? Nsama n’yebe ô vé wa baghle ényeghe ye naa ô too fe keghe bo meluman ? Ô taa na ?—A lang 1 Jean 3:10-12.