EISOMO LYA 10
Wakubasa Kumanya Otai Edini ya Amazima?
1. Isi, omunsi alio edini ya mazima emoi yokai?
“Muramanya abarangi b’ebishuba.”—MATAYO 7:15.
Yesu akegesa abegesibwa bawenene edini emo yonka, edini ya amazima. Edini egyo ninke embalabala elikwelekelela omubulola bweirai lyona. Yesu akagamba ati: “Ababona” embalabala egyo “baba bake.” (Matayo 7:14) Mungu naikiriza edini eli kuondela ekigambo kyawenene kya amazima. Abedini ya amazima batelanisibwe omu mwesigo gumo.—Shoma Yohana 4:23, 24; 14:6; Abaefeso 4:4, 5.
2. Yesu akagambaki abikwete Abakristo b’ebishuba?
“Nibagamba okwo bamanya Ruhanga, kyonkai omu bigiro byabo nibamwetonga.”—TITO 1:16.
Yesu akagamba nk’okwo abalangi b’ebishuba bakuabisize Obukristo. Aeru nibaboneka bali b’edini ya amazima. Kyonkai, amakanisa gabo ngagamba nkokwo nago ga Bakristo. Kyonka nobasa kumanya nk’okwo abantu abo ti Bakristo b’amazima. Tutai? Edini y’amazima yonka niyo elikuzola Abakristo abamazima abaine ebigilo ebili kworekya nk’okwo bamazima.—Shoma Matayo 7:13-23.
3. Wakubasa otai kumanya Abakristo abamazima?
Tekeleza ebintu ebi bitanu ebilikubazola:
-
Abedini y’amazima nibakunir Ebibulia kuba Kigambo kya Mungu. Nibekaza kutula nk’okwo emiku ya Mungu elikugamba. Kityo, edini y’amazima tegendanwa na dini z’ebishuba ezili kwegamila ebitekelezo by’abantu. (Matayo 15:7-9) Abedini ya amazima ni batula kwigana n’ebintu ebyo bali kwegesa.—Shoma Yohana 17:17; 2 Timoteo 3:16, 17.
-
Abaondezi b’amazima ba Yesu nibakunira eibara lya Mungu, Yehova. Yesu akakunila eibara lya Mungu nokumanyisa abantu eibara elyo. Akajuna abantu kumanya Mungu nokubegesa bashabe eibara lya Mungu lihabwe ekitinwa. (Matayo 6:9) Mbali olikutula ni dini ki elikumanyisa abatu eibara lya Mungu?—Shoma Yohana 17:26; Abaroma 10:13, 14.
-
Abakristo abamazima nibalangilila abikweite Obukama bwa Mungu. Mungu akatuma Yesu kurangilira amakuru garungi g’Obukama. Obukama bwa Mungu niyo shubi yonka y’abantu. Yesu akagenderera kurangilira abikweite aha Bukama obwo mpaka ahakiro kyo okufa. (Luka 4:43; 8:1; 23:42, 43) Akagamba nk’okwo abegesibwabe bakulangilile ebikweite obukama obwo. Kyonka, omuntu kayakwija omwawe nagamba ebikweite Obukama bwa Mungu, iwe wakutekeleza oti omuntu ogwo wa diniki?—Shoma Matayo 24:14.
-
Abaondezi ba Yesu ti kichweka ky’ansi eigi. Nobasa kubamanya orwenshonga tibakwetaya omusiasa anga endwano z’amaanga. (Yohana 17:16; 18:36) Tibalikwetaya mumilebele na mimanyilile mibi y’ensi egi.—Shoma Yakobo 4:4.
-
Abakristo b’amazima nibendangana muno. Bayegila omu Kigambo kya Mungu kukunira abantu b’amaanga gona. Norwo emirudi nyingi edini z’ebishuba zilikwema amoi kugya omundashana z’amaanga, kyonka ab’edini ya amazima mbanga kukora batyo. (Mika 4:1-3) Kandi, Abakristo ba amazima nibakoza akanya neitunga lyabo bataina mululu gwona gwona kujuna no kutamu abandi ekika.—Shoma Yohana 13:34, 35; 1 Yohana 4:20.
4. Isi, wakubasa kumanya edini y’amazima?
Ni diniki eyemyegeso ya yonene neluga omu Kigambo kya Mungu, nekunila eibara lya Mungu, nakulanga nk’okwo Obukama bya Mungu nibyo shubi yonka y’abantu? Ni diniki eyo abaondezi bayonene ni bendangana mara endashana tibazilimu? Oina bitekelezoki?—Shoma 1 Yohana 3:10-12.
