TIMOKO TIA 10
Bwe lenda zabila dibundu dia matsieleka?
1. Nganô dibundu dia matsieleka dimoshi kwa die kô e?
“Lutsikeba mu bungu dia mbikuri za bungungu.”—MATIE 7:15.
Yezu dibundu dimoshi kwa dia matsieleka kalongisa kwe milongoki miandi. Diena ntsiana ndila yinataka ku luzingu lwa ntangu zazansoni. Yezu wata ti “bantu bafieti kwa batabakula ndila yango.” (Matie 7:14) Nzàmbi nsambululu yô kwa yitukiri mu Zu diandi Bibila katambulaka. Bisambiri biabiansoni bia matsieleka bafweni vukana kwa mu tsiminu tsimoshi.—Tanga Za 4:23, 24; 14:6; Bisi-Efeze 4:4, 5.
Tala video Ngano mabundu mamansoni Nzambi ma katambulaka?
2. Yezu ntsia m’samu ka ta mu bungu dia bakristo ba bungungu e?
“Ha meso ma bantu mbo bataka ti Nzàmbi yandi bazebi, kâ yandi batakala mu ndiatulu zawu.”—TITE 1:16.
Yezu wakebisa bantu ti mbikudi za bungungu mbo zivwanzakasa dibundu dia bakristo. Mbo batsimonikisaka ntsiana misambiri mia matsieleka. Mabundu mawu bakristo matsitaka. Kâ tulenda zaba mu tsieleka kabanani bena mu nsalulu zawu. Dibundu dia matsieleka kwa dilenda dukisa bakristo ba matsieleka bazabakanaka mu bifu na nsalulu zawu za mbote.—Tanga Matie 7:13-23.
3. Bwe lenda zabila misambiri mia matsieleka?
Tarila misamu mitanu mikusarisa mu bazaba:
-
Misambiri mia matsieleka Bibila bajitisaka mbo diena zu dia Nzàmbi. Ngolo basarilaka mu diatila mu mishiku mia Bibila. Dibundu dia matsieleka diswasakane na mabundu mô malongisaka mabanza ma bantu. (Matie 15:7-9) Misambiri mia matsieleka, misamu mia balongisaka ni mio mpe basarilaka.—Tanga Za 17:17; 2 Timote 3:16, 17.
-
Milongoki mia Yezu mia matsieleka nkumbu ya Nzàmbi Yehova bajitisaka. Yezu wajitisa nkumbu ya Nzàmbi mbokeri kwe yazabikishi. Wabakisa bantu mu zaba Nzàmbi mpe mu sambila ti nkumbu’andi ya ba na bujitu. (Matie 6:9) Kô kubelaka, ntsia dibundu zebi dizabakasaka nkumbu ya Nzàmbi kwe bantu?—Tanga Za 17:26; Bisi-Rome 10:13, 14.
-
Milongoki mia Yezu mia matsieleka misamu mia Kimfumu kia Nzàmbi basamunaka. Nzàmbi watambika Yezu ngati kasamuna nsangu za mbote za Kimfumu. Kimfumu kia Nzàmbi tsiena tsivuvu tsiatimoshi kwa mu bungu dia bantu. Yezu watatamana mu zonzela tsio tii lumbu tsikafwa. (Like 4:43; 8:1; 23:42, 43) Wata ti milongoki miandi bàfweti tsiasamuna. Muntu kamana kwizi kuzonzela Kimfumu kia Nzàmbi, ngana ntsia dibundu kalenda ba e?—Tanga Matie 24:14.
-
Milongoki mia Yezu ka bena bantu ba nza yi yambi ko. Lenda bazaba mu bungu ti kabakotaka mu politike, na mizingu ko. (Za 17:16; 18:36) Mpe kabalandaka ndiatulu na bifu biabibi bia nza yi ko.—Tanga Zaki 4:4.
-
Bakristo ba matsieleka luzolo lwangolo lwenawu bawu na bawu. Zu dia Nzàmbi ebu ditabalonga ti bafweni jitisa bantu ba mvila zazansoni. Ninga, mabundu ma bungungu nkumbu zazingi bayika moko mu mizingu, ka misambiri mia matsieleka kala bakalaka mu kota mizingu. (Mika 4:1-3) Kâ peleko mbo basarilaka ntangu’awu na mbongo zawu mu bakisa mpe mu tsindisa bakaka.—Tanga Za 13:34, 35; 1 Za 4:20.
4. Lenda zaba dibundu dia matsieleka?
Ntsia dibundu ndongosolo zandi zazansoni zitukaka mu Bibila, dijitisaka nkumbu ya Nzàmbi, disamunaka ti Kimfumu kia Nzàmbi tsiena tivuvu tsia tsimoshi tsia bantu e? Ntsia dibundu dio mikwikiri miandi misongasanaka luzolo mpe mikalaka mu kota mizingu e? Bwe tabanza?—Tanga 1 Za 3:10-12.
