TUNDL 10
A bu tien nle i g bann jaandi nba ŋan i?
1. Jaandbuoli-buoli nba be ne kul, yenn kukua n ŋan ii?
“Suol man i kua yen yab fa faaɔg k b tie Yendu sogni-nba.”—MATIEOG 7:15.
Yiesu bo ŋɔn u ŋuantieb jaandyenn kukua i, lann n tie jaandi nba ŋan. L jaandi tie nyan sɔnu nyan i g saa g kua miɛl nba kan ban g gbenn buol. Yiesu bo maad g ‘yab tɔg l sɔnu g yab.’ (Matieog 7:14) Yendu bua jaandi nba tie u mɔmaam n maad yal i g dugn lann n tie mamɔni. Danm nba pug Yendu yen mɔni taan g mɔg dindanyenn kua i.—Lii San 4:23, 24; 14:6; Efɛs Kristo-yab 4:4, 5.
2. Yiesu bo maad bɛ i danm nba fa faaɔg k b tie Kristo-yab po i?
“B yed k b ŋua Yendu i ama k b bontitied yen ŋɔn k b yie’og.”—TIIT 1:16.
Yiesu bo tuod g kpaand u ŋuantieb g niib tan bu baal gii fa faaɔg k b tie Yendu sogni-nba. U bo maad k l danm tan bu ŋmad faaɔg tunda jaandi n ninŋ. A gii nyuan’m b tie nyan b pug Yendu yen mɔni nyan i g mɔ tua k b tie Kristo-yab. G nyaan, a bu tien nle i g bann ban tie yab nba yen mɔni i? I ban g mamɔni jaandi n ninŋ kua i k a bu fid g la Kristo-yab nba mɔn k b bontitied tuag yen Biibl n maad yal.—Lii Matieog 7:13-23.
3. A bu tien nle i g bann danm nba pug Yendu yen mɔni i?
Bona ŋanmu ne bu fid g tod’a:
-
Yab pug Yendu yen mɔni cɔln Biibl g dugn lann n tie Yendu mɔmaam. B tie nyignn g cɔln Biibl tunda. Mamɔni jaandi g taa yen faaɔg jaandi g dugn faaɔg jaandi n ninŋ nuan b diɛ niib maalm i g tund lieb. (Matieog 15:7-9) Yab nba pug Yendu yen mɔni g tund niib ban baa tie yal nba g nyaan yen tie bonfann.—Lii San 17:17; 2 Timote 3:16, 17.
-
Yab tie Yiesu ŋuantieb cɔln Yendu sann, l sann n tie Jeofa. Yendu sann bo mɔn Yiesu po, l po n te k u bo ŋɔn niib l sann. U bo tod niib k b bann Yendu g biɛ tund’b k ban gii jaand g Yendu sann ń do. (Matieog 6:9) A doug n ninŋ, n liɛ jaandi nba ŋɔnŋ niib Yendu sann i?—Lii San 17:26; Rom Kristo-yab 10:13, 14.
-
Yab tie Kristo-yab yen mɔni muand Yendu Diem laabaal. Yendu bo sun Yiesu tinŋ po k wan muand Yendu Diem laabamann i. Yendu Diem kua n bu fid g nyan ŋanduna fala n ninŋ. Yiesu bo l tun g maad Yendu Diem maam i saa yen u kuum. (Luk 4:43; 8:1; 23:42, 43) U bo maad k u ŋuantieb tan bu muand Yendu Diem laabamann. Dinne, b lɛ i k a paa g laad’b k b muand Yendu laabaal i?—Lii Matieog 24:14.
-
Yiesu ŋuantieb g tie ŋandunbiɛdg ne ninŋ yab kaa. A bu fid g bann’b g dugn b g kuand b kua politiig yen ŋanduna ne kunkɔna n ninŋ. (San 17:16; 18:36) B biɛ g togd ŋanduna ne niib bontitebiid yen b maalbiid.—Lii Saak 4:4.
-
Yab nba tie Kristo-yab mɔg buam bonciɛnn b lieb po. Yendu kadaaɔg banŋ’b k ban gii bua buoli kul yab. Faaɔg jaandi yab kuand b mɔi ŋanduna ne tɔb n ninŋ ama yab nba tie Kristo-yab yen mɔni nuan g tie nnyan. (Miise 4:1-3, MN) Yab tie Kristo-yab yen mɔni tugd b yaam yen ban mɔg yal g tod lieb g biɛ paand b pala.—Lii San 13:34, 35; 1 San 4:20.
4. A fid g bann yab pug Yendu yen mɔni ii?
N liɛ jaandi nba nyanŋ u tunda kul Yendu kadaaɔg n ninŋ, g cɔln Yendu sann, g biɛ muand g Yendu Diem kua n bu fid g nyan ŋanduna fala n ninŋ i? N liɛ jaandi nba k l niib mɔg buam bonciɛnn b lieb po g biɛ g kuand b mɔi tɔb n ninŋ i? A yaa po l tie b lɛ i?—Lii 1 San 3:10-12.
