KAMBʼAL 10
Bʼikiʼ Ti Jedʼeʼek Ti Naʼtik a Tzʼoksaj a Jaj?
1. Yan wa junpʼeelak a religion a jaj?
«Cününteʼex a bajil tiʼi maʼ a choʼboleʼex u menooʼ a tanooʼ u tzʼeec u bajil jabixooʼ u yaj meyaj a Dioso.»—MATEO 7:15.
A Jesus u kaʼansaj u yaj täkʼänooʼ a junpʼeelik a religion, leʼek a religion a jaj. Jabʼix a bʼej a tan u bʼel ich kuxtal ti bʼebʼeel. A Jesus u yadʼaj:«maʼ yaab mac walacooʼ u cüxtic» a bʼej abʼeʼe. (Mateo 7:14) A Dʼios walak u kʼämʼooltik a tzʼoksaj a chen ich Bʼibʼle walak u jokʼol u kaʼansaj. Tulakal aj tzʼoksajooʼ a jaj, junb’eloo’ ichil u tzʼoksaj. Xoko Juan 4:23; 14:6; Efesios 4:5.
Cha’ante a vid’eo’ Does God Accept All Forms of Worship?
2. Kʼuʼ u yadʼaj a Jesus tupach aj tzʼoksaj a maʼ jajooʼ?
«Walac ti tzʼocsic a Dioso, cu tʼanooʼ, pero etel cʼuʼ a walacooʼ u betiqui, chicaʼan ti maʼ taʼachooʼ u tzʼocsic a Dioso.»—TITO 1:16.
A Jesus u yadʼaj ti watak aj choʼ a maʼ jaj u okʼes u tzʼoksaj ichil a jaj. Tupach, jedʼeʼek a wilik jabʼix chukul tzʼoksajooʼ. Ichil u kʼunajooʼ walak u yadʼik ti tojooʼ. Pero jedʼeʼek a wilikooʼ top makooʼ etel kʼuʼ a walakooʼ u bʼetik. Bʼikiʼ? Jadʼi aj tzʼoksaj a jaj, chikaʼan ti jajooʼ etel u modʼo y etel kʼuʼ a walakooʼ u bʼetik. Xoko Mateo 7:13-23.
3. Bʼikiʼ ti jedʼeʼek ti naʼtik a tzʼoksaj a jaj?
Ila cincopʼeel bʼikiʼ a tzʼoksaj a jaj:
-
Aj tzʼoksajooʼ a jaj walak u respektartik a Bʼibʼle ti u Tʼan Dʼios. Walakooʼ u yaaltik u wich u bʼeteʼ kʼuʼ a walak u yadʼik a Bʼibʼle. A jajil tzʼoksaj maʼ walak u kaʼansik u tukul a winik maʼ jabʼix a maʼ jajooʼ. (Mateo 15:7-9) Aj tzʼoksajooʼ a jaj walakooʼ u predʼikartik a jaj y maʼ walakooʼ u bʼel u bʼeteʼ u laakʼ a bʼaʼal. Xoko Juan 17:17; 2 Timoteo 3:16, 17.
-
U yaj täkʼän a Jesus walakooʼ u nakʼsik u yanil u kʼabʼaʼ, a Jehovah. A Jesus u nakʼsaj u yanil u kʼabʼaʼ a Dʼios leʼek ti kaʼ u tzʼaj ti naʼtabʼäl. U yaantajooʼ a kristiyaano kaʼ u naʼtooʼ a Dʼioso y u kaʼansajooʼ kaʼ uchukooʼ u payajchiʼ ti kaʼ nakʼsabʼäk u kʼabʼaʼ a Dʼios. (Mateo 6:9) Leʼek tubʼaj kumaʼanech, bʼikiʼil a religion a walak u tzʼeek kaʼ naʼtabʼäk u pektzil u kʼabʼaʼ a Dʼioso? Xoko Hebreos 13:15.
-
Aj Tzʼoksajooʼ a Jaj walakooʼ u predʼikartik u pektzil u Gobʼierno a Dʼioso. Dʼios u täkaaʼta a Jesus kaʼ u predʼikarte u kichʼpan pektzil u Gobʼierno. Jadʼi u Gobʼierno Dʼios bʼel u kaʼa u tales a kiʼolal tiʼijooʼ a kristiyaano. A Jesus u tzikbʼalta u pektzil ʼaasto ti kʼochi u kʼinil ti kimi. (Lucas 4:43; 8:1; 23:42, 43) U yadʼaj ti bʼel u kaʼa adʼabʼäl u pektzil men u yaj täkʼänooʼ. Wa yan mak u kʼämajech y kaji u yadʼä tech u pektzil u Gobʼierno a Dʼios, bʼikiʼil u religion kaʼ wadʼä? Xoko Mateo 24:14.
-
U yaj täkʼänooʼ a Jesus maʼ taʼachooʼ u oksik u bʼajil ichil a kaʼkaʼs yokʼolkabʼ adʼaʼa. Jedʼeʼek a naʼtikooʼ leʼek ti maʼ taʼachooʼ u oksik u bʼajil ichil a politiko y u motzintikooʼ u bʼajil. (Juan 17:16; 18:36) U laakʼil maʼ taʼachooʼ u täkʼäntik u kʼasil a yokʼolkabʼ y etel u modʼo. Xoko Santiago 4:4.
-
Yan a yakunaj tuyaamooʼ a jajil tzʼoksaj. U känajooʼ ichil a Bʼibʼle ti yanakooʼ u tzik ti tulakal kristiyaano. Maʼ walak ti oksik ti bʼajil ich gera ti a yokʼolkabʼ, maʼ jabʼixooʼ u laakʼ a tzʼoksaj a maʼ jajooʼ. (Miqueas 4:1-3) Aj Tzʼoksaj a jaj maʼ tzʼuʼutooʼ etel u oraj y etel kʼuʼ a yanooʼ tiʼi kaʼ u yaantooʼ y u chichkuntooʼ u yool u yetʼok. Xoko Juan 13:34, 35; 1 Juan 4:20.
4. Jedʼeʼek wa naʼtik a religion a jaj?
Bʼikiʼil a religion a walak u kaʼansik a walak u jokʼol ich Bʼibʼle y u nakʼsik u yanil u kʼabʼaʼ a Dʼios, y u yadʼik u pektzil u Gobʼiernio a Dʼios ti jadʼi leʼek bʼel u kaʼaʼ u tales kʼuʼ a tan ti wooltik? Bʼikiʼil a muchʼtal a yan u yakunaj y walak u kulpachtik a gera? Kʼuʼ a kaʼ tukle? Xoko 1 Juan 3:10-12.
