O Ježiš peskre učeňiken sikavlas, hoj hin ča jekh drom, sar te služinel le Devleske. Ča frima hin manuša, so ada drom arakhen. (Matúš 7:14) O Del kamel, hoj leske te služinas ča avka, sar hin pisimen andre Biblija. Hin ča jekh čačikano naboženstvo. Pregenen Ján 4:23, 24; 14:6; Efezanom 4:4, 5.

Dikh o videjo Hin le Devleske pre dzeka savore vjeri?

O Ježiš diňas te džanel, hoj o falošna proroka cirdena le kresťanen pro nalačho drom. Tumen len šaj sprindžaren. Sar? On ča pal peste vakeren, hoj hine kresťana a lengre khangera hine nekfeder. Ale čačikane kresťana peskre dživipnaha sikaven, hoj džan pal o drom kijo Del. Pregenen Matúš 7:13–23.

Ko dživel pal kala 5 znaki:

• Pačan, hoj e Biblija hiňi čačes le Devlestar. Dživen avka, sar e Biblija phenel. Na sikaven peskri godži, ale Devleskri. (Matúš 15:7–9) Na ča vakeren pal ada so hin mište, ale thiš avka dživen. Pregenen Ján 17:17; 2. Timotejovi 3:16, 17.

•   Hin len bari pačiv kijo Devleskro nav, Jehovas. O Ježiš sikavlas, hoj le Devleskro nav les hin andro jilo, bo pal leste vakerlas le manušenge. O Ježiš pomožinlas le manušenge te sprindžarel le Devles the sikavlas len, sar pes te modľinen, hoj te el barardo le Devleskro nav. (Matúš 6:9) Prindžaren ajso naboženstvo, so vakerel pal o Devleskro nav? Pregenen Ján 17:26; Rimanom 10:13, 14.

• Vakeren pal le Devleskro kraľišagos. O Del bičhadžas le Ježiš te vakerel lačho hiros pal le Devleskro kraľišagos, so anela le manušenge lačho dživipen. O Ježiš pal ada vakerlas sako džives, sar služinelas le Devleske pre phuv. (Lukáš 4:43; 8:1; 23:42, 43) Čačikane kresťana pal ada vakeren thiš. Ko hine ola manuša, so vakeren pal le Devleskro kraľišagos? Pregenen Matúš 24:14.

• Na keren ada, so o nipi andre kada nalačho svetos. Na mišinen pes andre politika aňi andre ňisave štrajki vaj protesti. (Ján 17:16; 18:36) Na keren ajse veci, so andro dživipen kerdžahas dukh. Nane len andro jilo nalačhipen. Pregenen Jakub 4:4.

• Andal calo jilo rado dikhen jekh avres. Andal e Biblija sikhľon te na dikhel pro manuša upral vaš ada, sar dičhon avri, či hine kale abo parne the andal savo narodos hine. O falošna naboženstva podporinen o maribena, ale čačikane kresťana ada na keren. (Micheáš 4:1–3) Na dikhen ča pre peste. Andal o jilo den peskro časos the savoro, so kampel, hoj le manušenge te pomožinen a den len zor, te ľikerel avri o pharipena. Pregenen Ján 13:34, 35; 1. Jána 4:20.

Ko zathovel peskro sikaviben pre Biblija, hin les andro jilo le Devleskro nav, vakerel pal le Devleskro kraľišagos? Savo naboženstvo sikavel peskro kamiben avre manušenge the na džan andro maribena? So pre ada phenen? Pregenen 1. Jána 3:10–12.