Бурганның оглу Иисус чүгле чаңгыс алыс шын шажынны үндезилээн. Ону мөңге чуртталгага чедирер орукка дөмейлеп болур. Ол орукту чүгле эвээш улус тып ап турарын Иисус чугаалаан (Матфей 7:14). Бурган чүгле Бодунуң Сөзү, Библияга үндезилээн чүдүлгеге таарзынар. Бурганның ёзулуг бараалгакчылары шупту чаңгыс чүдүлгеде каттышкан. (Номчуптуңар: Иоанн 4:23, 24; 14:6; Эфесчилерге 4:4, 5.)

 «Бурганга шупту шажыннар таарымчалыг бе?» деп видеороликти көрүңер.

 Христиан шажынны өскертип кааптар меге медээчилер тыптып кээрин, Иисус баш удур сагындырган. Оларны алыс шын христианнардан ылгап алыры чамдыкта амыр эвес. Олар чыглыр черлерин христиан церковьтар дээр, боттарын Христостуң эдерикчилери бис деп адаарлар. Ынчаарга кайы шажын шын, шын эвезин канчаар билип ап болур? Алыс шын шажын чүгле эки чимистер эккээр, ол дээрге ёзулуг христиан ажыл-херектер болгаш шынарлар-дыр. (Номчуптуңар: Матфей 7:13—23.)

 Беш ылгавыр демдектерин көрээлиңер.

•   Библия — Бурганның Сөзү деп, алыс шын христианнар бүзүрээр. Олар библейжи дүрүмнерге дүүштүр чурттаарын кызып чоруур. Ооң-биле алыс шын шажын кижилерниң өөредиглеринге болгаш үзел-бодалдарынга үндезилээн бүгү шажыннардан долузу-биле ылгалып турар (Матфей 15:7—9). Ёзулуг христианнарның  ажыл-херээ аксы-сөзү-биле карышпас. (Номчуптуңар: Иоанн 17:17; 2 Тимофейге 3:16, 17.)

•   Христостуң алыс шын өөреникчилери Иегова Бурганның адын алдаржыдып турар. Иисус улус-биле чугаалажырда Бурганның адын бо-ла ажыглап, Адазының адын алдаржыдып чораан. Ол кижилерге Бурганның дугайында чугаалап берип, оларны Бурганның ады алдаржыырының дугайында мөргүүрүн өөредип турган (Матфей 6:9). Силерниң хоорайыңарда кым Бурганның адының дугайында чугаалап турар? (Номчуптуңар: Иоанн 17:26; Римчилерге 10:13, 14.)

•   Алыс шын христианнар Бурганның Чагыргазының дугайында суртаалдап турар. Бурган Иисусту Чагырга дугайында буянныг медээни суртаалдаар кылдыр чоруткан. Кижи төрелгетенниң бергелерин чүгле Бурганның Чагыргазы шиитпирлеп шыдаар. Ооң дугайында Иисус бүгү чуртталгазының дургузунда, сөөлгү тыныжынга чедир суртаалдаан (Лука 4:43; 8:1; 23:42, 43). Өөреникчилери база шак ол ажылды кылыр деп Иисус чугаалаан. Улус-биле Бурганның Чагыргазының дугайында чугаалажыр дээш, кандыг шажынның бараалгакчылары кээп турар? (Номчуптуңар: Матфей 24:14.)

•   Иисустуң өөреникчилериниң бо каржы делегей-биле ниити чүзү-даа чок. Оларны политикага болгаш бо ниитилелде хөлзээзиннерге киришпезинден танып ап болур (Иоанн 17:16; 18:36). Оон аңгыда олар арыг мөзү шынары-биле ылгалып, бо делегейде нептерээн кемниг херектер, хоралыг чаңчылдардан ойталаар. (Номчуптуңар: Иаков 4:4.)

•   Алыс шын христианнарда ха-дуңмашкы ынакшыл тергиидеп турар. Бурганның Сөзү оларны кандыг-даа язы-сөөктүг улусту хүндүлээр кылдыр өөреткен. Меге шажыннар дайыннарны бо-ла деткиир, дайын чөрүлдээлеринче киржир, а алыс шын христианнар ындыг херектерге киришпес (Михей 4:1—3). Оон артык олар кижилерге дуза кадып, оожургал чедирер дээш, бодунуң үезин, акша-төгериин харамнанмайн үндүрүп турар. (Номчуптуңар: Иоанн 13:34, 35; 1 Иоанн 4:20.)

 Кандыг шажын бодунуң өөредиглерин Бурганның Сөзүнге үндезилеп, Бурганның адын алдаржыдып, делегейниң бергелерин чүгле Бурганның Чагыргазы шиитпирлептер деп чугаалап турар? Кандыг чүдүлге ха-дуңмашкы ынакшылды илередип, дайыннарга киришпезил? Кырында бижээн шынарларга кым дүгжүп турар деп бодаар-дыр силер? (Номчуптуңар: 1 Иоанн 3:10—12.)