AZI’NÉ 10
O ghô ghaa té nzhè ntsi mbông lé lôk nguemtè Ndem?
1. Tè kwa’ tchôssi mbông lèè ngôô ta’-é?
‘Pè paa méntsui nkeu tépông.’—MATTHIEU 7:15.
Yésso lé zi’né mézingto pi ta’ tchôssi nda’, éyi anouneu. A si ngô pa’ mènzhè éyi yè lénang temi la. Yésso lé leu nguè: Épouô pi jiô mènzhè mèt “é té zaa.” (Matthieu 7:14) Ntsi lé gheumté nda’ zi Ndem veung, a si ngô éyi tsou’nè anè ashoung-né anouneu zi, a Biible. Nkwa épouô pi gheumtè Ndem anè ntsi mbông pou tchou’té ngô ta’ anè aveung-è nteu.—Tông-ô Jean 4:23, 24; 14:6; Éphésiens 4:4, 5.
Jiô vidéo Tè kwa’ tchôssi mbông lèè ngôô ta’-é?
2. Yésso lé shoung-ô akô anè mékritèn épi té gheumtè Ndem anè ntsi mbông-ô?
‘Pô leu nguè pô zhè Ndem, tè, ndôk méfa’ môp ndôôté lézeung tsi.’—TITE 1:16.
Yésso lé la’né nguè, méntsui nkeu tépông shi’ tseungté ntsi mbông lé lôk nguemtè Ndem. Mè jiô wôp, pô na’ ngô pa’ épouô pi gheumtè Ndem anè ntsi mbông la. Métchôssi môp ping ndeu nguè pô mékritèn. Téta’, o ghô zhè kwa’ ajoumi pô ziè. É lèkô? Ntsi mbông lé lôk nguemtè Ndem nda’ mè kuité pouô lé tchi’è kwa’ Mékritèn; mè ghô ping fhô anè atshuè zôp pô ntsi lénang zôp té nzhè wôp.—Tông-ô Matthieu 7:13-23.
3. O ghô ghaa tè nzhè épouô pi gheumtè Ndem anè ntsi mbông?
Fhœutè anè méying-né mèntaa mouô:
-
Épouô pi gheumtè Ndem anè ntsi mbông wou’tè Biible, nzhè léghè a si ngô ashoung-nè Ndem. Pô fôk mbœu’ a lé zing ndeung-ndeung anè mémbeu mi. Ndôkô nguè, tchôssi mbông tswhi anè tchôssi yi tsou’nè anè mékwangté épouô ménông. (Matthieu 15:7-9) Épouô pi gheumtè Ndem anè ntsi mbông té zi’né épouô ta’a azou, mbing ngheu zi ndè’è.—Tông-ô Jean 17:17; 2 Timothée 3:16, 17.
-
Kwa’ mézingto Yésso wou’té lézeung Ndem, étsi lè Joovah. Yésso lé zi’né épouô lézeung Ndem ndôk ngou’té lézeung mèt. A lé kuité épouô lé zhè Ndem, mbing nzi’nè wôp lé gheuè priya nguè, lézeung Ndem é ghô ndaané-laané. (Matthieu 6:9) Aji’ zi o nang wou, é wuè tchôssi zi’né épouô lézeung Ndem?—Tông-ô Jean 17:26; Romains 10:13, 14.
-
Kwa’ mékritèn pheu nkeu Lefô Ndem. Ndem lé touô Yésso nguè a pheu nkeu mbông Lefô. Lefô Ndem nda’ mé si ngô ajoumi shi’ gheu tè épouô ménông pou njou’ô mbông-ô. Yésso lé pou shoung-né anè Lefô mèt té ntshiè lé’é legwheu zi. (Luc 4:43; 8:1; 23:42, 43) A lé leu nguè mézingto pi shi’ zeung pheuè zôp nkeu Lefô mèt. Gning-è tshouté nèt mbaaté wou, nông shoung-nè anè Lefô Ndem, mbô o ghô leu nguè a si ngô anè wuè tchôssi?—Tông-ô Matthieu 24:14.
-
Kwa’ mézingto Yésso té nnô nteu ngông tépông jiô wè. O ghô zhè wôp, ntsia anè pa’ pô té nnô a nteu politik pô méfakté tsetsèrè méla’ wè. (Jean 17:16; 18:36) Pô zeung té fœu’ ménou tépông émi mè jiô nteu ngông-ô.—Tông-ô Jacques 4:4.
-
Kwa’ mékritèn wè nkông-né té mô’ tsetsèrè pôp. Ashoung-nè Ndem zi’nè wôp a lé wou’té méla’ ntseum. Tè mbô pa’ métchôssi tépông é mô’ fœu’ ntôôté méntchou nteu ngông, épouô pi gheumtè Ndem anè ntsi mbông é lœu’è lé gheu poup. (Michée 4:1-3) Té ntchi’ poup, pô lôk njheu zôp pô métsitsi môp e seumté épouô mè pông-ô nteu.—Tông-ô Jean 13:34, 35; 1 Jean 4:20.
4. Tè o ghô kou’ô wou lé zhè tchôssi mbông?
É wuè tchôssi tsou’né nkwa mézi’né mi anè ashoung-nè Ndem, ngou’té lézeung Ndem, mbing ntsui nguè, Lefô Ndem nda’ mè si ngô ajoumi a ghô gheu tè épouô pou njou’ô mbông-ô? É wuè tchôssi tsui nkông-né mbing nkœu ntchou? O kwang nguè é pô wô?—Tông-ô 1 Jean 3:10-12.
