耶稣只系教导门徒认识一个宗教，就系正确嘅宗教。正确嘅宗教带领人走永生嘅道路。耶稣话，揾到呢条路嘅人唔多。（马太福音7:14）喺上帝眼中，只有按圣经崇拜佢嘅嗰个宗教先系正确嘅。信奉正确宗教嘅人只有一个信仰，佢哋系团结一致嘅。 请读约翰福音4:23,24；14:6；以弗所书4:4,5

请观看短片《上帝悦纳所有形式的崇拜吗？》

耶稣警告，假基督徒会腐化基督教。呢啲人声称自己系真基督徒，表面睇嚟都好似系。不过，我哋点先知道佢哋真定假呢？你可以从佢哋嘅品格同行为判断出嚟。真基督徒信奉正确嘅宗教，佢哋嘅好品格同好行为系好容易睇得到嘅。 请读马太福音7:13-23

真基督徒嘅五个特征：

• 重视上帝嘅话语圣经 有啲信徒重视嘅系人讲嘅话。（马太福音15:7-9）但系信奉正确宗教嘅人就会努力按圣经嘅原则去做，佢哋唔会讲一套做一套。 请读约翰福音17:17；提摩太后书3:16,17

•   荣耀上帝嘅名 耶稣努力向人传讲上帝嘅名，使上帝嘅名得到荣耀。佢唔单止帮助人认识上帝，仲教人祷告求上帝嘅名得到荣耀。（马太福音6:9）喺你住嘅地区附近，边个宗教嘅人正系噉样做呢？ 请读约翰福音17:26；罗马书10:13,14

• 传讲上帝嘅王国 上帝派耶稣到地上传讲上帝嘅王国，使人知道呢个王国系人类唯一嘅希望。耶稣努力传讲呢个好消息，直到死去嘅嗰一日。（路加福音4:43；8:1；23:42,43）耶稣话，佢嘅门徒亦会噉样做。如果有人向你传讲上帝嘅王国，你觉得佢属于边个宗教呢？ 请读马太福音24:14

• 唔属于呢个世界 真基督徒唔参与政治同社会冲突。（约翰福音17:16；18:36）佢哋都唔会效法呢个世界唔好嘅行为同态度。 请读雅各书4:4

• 彼此相爱 真基督徒学习圣经，知道要尊重所有人，无论对方系边一个种族嘅。错误嘅宗教经常大力支持国家民族之间嘅战争，但系真基督徒就拒绝噉样做。（弥迦书4:1-3）相反，佢哋自愿付出时间、金钱、精力去安慰同帮助其他人。 请读约翰福音13:34,35；约翰一书4:20

边个宗教完全按照圣经教导人，使上帝嘅名得到荣耀，同埋向人传讲上帝嘅王国系人类唯一嘅希望？边个团体嘅人彼此相爱、唔支持战争？你会点样回答呢？ 请读约翰一书3:10-12