Mi ndjigla mi Bible misse wa chouo kalad ga de mi me djalane leilchi tsieli djine chou me Johova. I kouaga ne bi keg chouog ne leilchile tsieli djongue. (Pierre 1 2:2) Seussele kegou me Zembe ne djiglile Bible o I nkoul louandele bougue djine a tsig a melou mez.​—Longue Jan 17:3; Jude 21.

Dja biey boul beu ne mpouya me Zembe, ndo neme o bougue djine ye ngue bouag bouagueg. Bougue djine ye sa ne Zembe gouagueg bi mintague. (O Hebreu 11:1, 6) Ye sa ne bi deug gouamb idjouga ne nwa djong kou ndjond bide I tsig de.​—Longue Mi Solgou 3:19.

Seu me de tsiel djiaw boud sa seu me mpou;—nda dja seu besse ne djong mekeul. Ngue bi me ke chouog ne djiglile Bible, biey mpou vale bi nkoul balane ne Bible louole bougue djine chou me Johova ne djong mekeul mey.​—Longue O Romain 10:13-15.

Bouliale boud beu de taide ne djiawoule o chouo ne mi mbiele miang djong mekeul. Beuga ne keung. Komb ne bi deug djiaw bouo ne mi yebai miang misse mia bebaw, leichaga ne bouo me nkaague me Zembe. Mpouga neme ne boud bey boul bagle djong mi solgou mine tsong I tsia bine.​—Longue Timothee 2 2:24, 25.

Djiglile Kalad Zembe ye kouind bi bouagle komb a chichim. Neme nda fouala I ngue tsong, biey mpou beu leida ne Johova. Bi nkoul beu boud wa gnede ndjaw boud.​—Longue O Corinthien 2 6:18.

Bi nkoul ngue nang komb a chichim ngue bi me ke chouog djigli Kalad Zembe. (O Hebreu 5:13, 14) Chilega ngouol Ngaa Johova ne a zeg djigli Bible ne bi kalad Que nous enseigne la Bible ? de. Neme nda biey mpou Kalad Zembe, neme ndo o I tsig bine ye ngue gnoua gnouag.​—Longue O Sam 1:1-3; 73:27, 28.

Djong mekeul me wou o Johova, Zembe mintague. Bi nkoul seusse gnede kegou ne o mbougla bey de. (O Hebreu 10:24, 25) Wale me nkoul chou ne a beug ne mintague, dji beignele jii a fouamai tsig I yeu tsig a melou mez. Seussele kounekoune me Zembe dji djong sa bi me djalane sa yi.​—Longue Timothee 1 1:11; 6:19.