Tēnā pea, nā tēnei titiro whānui ki ngā ako taketake o te Paipera kua tupu haere tō aroha ki a Ihowa. Me āta whakatupu koe i tēnei aroha. (1 Pita 2:2) E hāngai ana tō tūmanako o te ora tonu ki tō whakatata tonutanga ki te Atua, mā te ako i tāna Kupu.​—Pānuitia Hoani 17:3; Hura 21.

Ka nui haere tō mōhio ki te Atua, ka nui haere anō tō whakapono. Mā te whakapono e āhei ai koe te whakaahuareka i te Atua. (Hīperu 11:1, 6) Mā konei e oho ai koe ki te rīpenetā, ki te whakatikatika hoki i ētahi āhuatanga o tōu tikanga ora.​—Pānuitia Ngā Mahi a Ngā Āpōtoro 3:19.

Kāore e kore, ka pīrangi koe ki te kōrero ki ētahi atu ngā mea kua ako koe​—e hari ana tātou katoa ki te kōrero rongo pai. Ka ako tonu koe i te Paipera, ka ako anō koe ki te whakamahi i te Paipera ki te kōrero mō tō whakapono ki a Ihowa me te rongo pai.​—Pānuitia Rōma 10:13-15.

Ka tīmata te nuinga mā te kōrero i te rongo pai ki ngā hoa me ngā whanaunga. Kia matawhāiti. Hāunga te kī kei te hē tō rātou tikanga karakia, me kōrero ki a rātou mō ngā kupu taurangi a te Atua. Otirā, me mahara koe, ka paingia e te tangata o mahi atawhai i mua i o kōrero.​—Pānuitia 2 Tīmoti 2:24, 25.

Mā te ako tonu i tāna Kupu, ka tipu ā-wairua koe. Tērā te wā, ka uru pea koe ki tētahi hononga ki a Ihowa tino motuhake. Ka uru koe hei mema o tāna whānau.​—Pānuitia 2 Koriniti 6:18.

Ka taea te kake ā-wairua mā te ako tonu i te Kupu a te Atua. (Hīperu 5:13, 14) Tonoa kia ako tahi i te Paipera me tētahi o ngā Kaiwhakaatu a Ihowa mā te pukapuka What Does the Bible Really Teach? Ka piki haere tō mātauranga ki te Kupu a te Atua, ka nui haere te harikoa i tōu oranga.​—Pānuitia Ngā Waiata 1:1-3; 73:27, 28.

Nō Ihowa, nō te Atua hari, te rongo pai. Ka whakatata atu koe ki a ia mā te whakatata atu ki tāna iwi. (Hīperu 10:24, 25) Ma te whakaahuareka tonu i a Ihowa, e tōtoro ana tōu ringa ki te ora tūturu​—te ora tonu. Ko te whakatata atu ki te Atua te mea tino pai rawa atu e taea e koe.​—Pānuitia 1 Tīmoti 1:11; 6:19.