CILONGESA 15
Omo lia Vika mua Pande ku Tualelelaho?
1. Vati ku tualelelaho kuli longesa Mbimbiliya cika ku kuasa?
Ca ku hona ku takania, vino vilongesa via ku putuka navio vina kaniamesa cilemo cove muli Yehova. Tu na pande ku tualelelaho ku li longesa linga cilemo cetu muli Yehova ci kole. (1 Petulu 2:2) Linga u ka tambule muono ka ue ku hua una pande ku tualelelaho ku suena ku hiehi na Yehova mu kuli longesa Mbimbiliya.—Tandenu Yoano 17:3; Yunda 21.
Omo u tantekeya vuino Njambi, lutsilielo luove lu ka kaniama. Kaha lutsilielo lu ka ku kuasa ku-ivuisa Njambi ku viuka. (VaHevelu 11:1, 6) Lu ka ku kuasa ku likela kulinga vupi kaha na ku-aluluila muono uove mu Njila ya cili.—Tandenu Vilinga 3:19.
2. Vati mana ove aku tantekeya Njambi a hasa ku kuasa vakueni?
U hasa ku vundila linga u likuate vusamba na Yehova
Tu li na vusunga nguetu u lekako vakueni vi u na lilongesa—tu vose tue kui-vua ku viuka kuambulula muzimbu ua cili. Omo u tualelelaho kuli longesa Mbimbiliya, u ka tantekeya mua ku pangesela Mbimbiliya nga u lombonona lutsilielo luove muli Yehova na kuambulula muzimbu ua cili.—Tandenu Loma 10:13, 15.
Vantu va vengi veku putuka ku lekesako muzimbu ua cili ku va vusamba na va vusoko. Vanangule na ka singimiko. Kati u valeke nguove vulombelo vueni vue ku longesa makuli, vunoni valekeseko via vikulaheso via Njambi. Kaha vuluka naua nguove vantu veku tala cikuma ku vilinga viove ku tuvakana mezi ove.—Tandenu 2 Timoteo 2:24, 25.
3. Vusamba muka u hasa ku kala navuo na Njambi?
Kuli longesa lizi lia Njambi cika ku kuasa ku kola mu lutsilielo. U ka likuata vusamba vuakama cikuma na Yehova. U hasa ku kundama mpundu kuli ikeye na ku pua umo ua vana va ku vusoko vua Njambi.—Tandenu 2 Kolintu 6:18.
4. Vati u hasa ku tualelelaho ku kola mu lutsilielo?
U hasa ku kola mu lutsilielo mu ku tualelelaho kuli longesa lizi lia Njambi. (VaHevelu 5:13, 14) Handeka na umo ua Vakaleho va Yehova linga a li longese nove Mbimbiliya mu livulu Vika Mpundu Vi i Longesa Mbimbiliya? Muze mu u ka tualelaho ku lilongesa lizi lia Njambi, uka kala na muono ua ku viukilila.—Tandenu Visamo 1:1-3; 73:27, 28.
Muzimbu ua cili ua fuma kuli Yehova, Njambi ua ndzolela. U hasa ku suena ku hiehi na Yehova muku suena ku vantu veni. (VaHevelu 10:24, 25) Muku tualelelaho ku panga ndzili yose ya ku vuisa Yehova ku viuka u li na kutonda muono mpundu ua vusunga—muono ka ue ku hua. Ku suena ku hiehi na Njambi capua mpundu Cuma ca seho ya kama ci u na pande ku linga mu muono uove.—Tandenu 1 Timoteo 1:11; 6:19.
Halumo mu Hasa ku Lema Naua Evi
YETU VEYA
Vika mua Pande ku Lilongesela Mbimbiliya?—Ya Laha
Mbimbiliya ili na ku kuasa makulukazi a vantu mu mavu ose ku uana vikumbululo via vihula via seho. Nenu mu tonda ku pua umo uavo ni?
