15 EL SUOBEL
Ngera Uchul Me Ngkirem el Melemolem el Mesuub?
1. Ngmekerang e mo uchul a klungiolem a omolemolem el mesuub er a Biblia?
A omesodel aika el osisechakl er a Biblia a ulterekokl el mla smisichii a bltkil a rengum el kirel a Jehovah. E tia el bltikerreng a kirem el blechoel el melisiich er ngii. (1 Petrus 2:2) A omeltkem el kirel a diak a ulebengelel el klengar a ultuil er sel molemolem el olekeed er kau er a Dios el oeak a omesubem er a Tekingel.—Monguiu er a Johanes 17:3; Jude 21.
Sel monglou er a klemedengei er kau el kirel a Dios, e a klaumerang er kau a mo mesisiich. Tia el klaumerang a mo ngosukau el mo odeuir a rengul a Dios. (Hebru 11:1, 6) Ngmo rullau el mo obult er a kngtim e melodech er a rolel a klengar er kau.—Monguiu er a Rellir 3:19.
2. Ngmekerang a klemedengei er kau el kirel a Dios e mo uchul a klungiolir a rechad?
Ngsebechel el mo er ngii a kmes el deleuill er kau me a Jehovah
Ke ulterekokl el mo soam el ouchais er a rechad el kirel aike el bla msuub. Me sel molemolem er a omesubem, e ke mo mesuub er a rolel e ngsebechem el ousbech er a Biblia el mesaod er a klaumerang er kau er a Jehovah me a ungil chais.—Monguiu er a Rom 10:13-15.
A ruumesingd el chad a omuchel el ouchais er a ungil chais el mo er a resechelirir me a rechederir. Engdi ngungil a omoba delemedemek sel mongedecheduch er tir. Mouchais er tir el kirel aike el telbilel a Dios er a bai molekoi el kmo a klechelid er tir a cheleuid. Lak mobes, a omerellem a klou a lerellii er a uldesuel a chad er a tekingem.—Monguiu er a 2 Timothy 2:24, 25.
3. Ngera el techall a sebechem el mo obang?
A omesubem er a Tekingel a Dios a mo ngosukau el menglou er a klemedengei er kau el kirel a Dios. Cherengel a taem, e ngmo er ngii a kmes el deleuill er kau me a Jehovah e mo sebechem el mo chedal a telungalek er ngii.—Monguiu er a 2 Korinth 6:18.
4. Ngmekerang e sebechem el melemolem el olengeriakl?
Sel molemolem el mesuub er a Tekingel a Dios, e ngmo sebechem el olengeriakl er a klemedengei er kau el kirel a rolel a omoltaut a omellach er a Biblia. (Hebru 5:13, 14) Molengit er a ta er a Resioning er a Jehovah me bo losuub a Biblia el obengkem el ousbech er a babier el Ngerang Mera el Lolisechakl a Biblia? A omolemolem el mesuub er a Tekingel a Dios, e ngmo ungil a klengar er kau.—Monguiu er a Psalm 1:1-3; 73:27, 28.
A ungil chais a mla er a Jehovah el mei el ngii a “dmeu a rengul el Dios.” (1 Timothy 1:11, NW) Ngsebechem el mo kmeed er a Dios el oeak sel molekeed er kau er a rechedal. (Hebru 10:24, 25) Sel molemolem el oldeu er a rengul a Jehovah, e ke mengetmokl er kau el kirel a mera el klengar, el ngii a diak a ulebengelel el klengar. A kot el ungil el tekoi el sebechem el meruul er ngii a sel molekeed er kau er a Dios.—Monguiu er a Titus 1:2.
Nglocha Dirrek el Mo Soam
MITING
Ngera Meketmokl er a Blil a Ongdibel?
Momes er tia el video e mesa el kmo ngera meketmokl er a chelsel a Blil a Ongdibel.
CHELDEBECHELAM
Ngera Me Ngkirem el Mesuub er a Biblia?—Cherrengelel
A Biblia a olengeseu er a rebetok el miliol el chad el meliuekl er a beluulechad el mo medengei a nger el kirel a meklou a ultutelel el ker er a klengar. Kau ngsoam el mo ta er tir?
