Taꞌa meꞌe i hāpī mai ruŋa i te puka iti⁠-⁠iti nei, ko haka nui⁠-⁠nui ko oho ꞌā tū here ki a Iehoha. Mo haka hio⁠-⁠hio te here nei mo taꞌe kore, e hāpī e oho te Puka o te ꞌAtua (1 Pedro 2:⁠2). E hahine koe ki a Iehoha hai hāpī taꞌana vānaŋa, e peira nō koe ka riva ena mo ora ki te hopeꞌa raꞌa.—E taiꞌo Juan 17:⁠3; Judas 21.

Ka hāpī ka oho ena koe, he ata hahine koe ki te ꞌAtua, he hio⁠-⁠hio tū here ki a Īa e he haŋa koe mo aŋa taꞌana meꞌe haŋa o te ai he riro a Īa he matuꞌa parautīꞌa ꞌoꞌou (Hebreos 11:⁠1, 6). Peira ꞌā, he haŋa koe mo haka rē te aŋa rake⁠-⁠rake e mo huri tū huru a te huru titīka o Iehoha.—E taiꞌo Hechos 3:⁠19.

Ko ite ko haŋa ꞌā koe mo ꞌaꞌamu ki te tahi taŋata te parau ꞌāpī riva⁠-⁠riva hāpī ena e koe. Ka hāpī ka oho ena koe o ruŋa i a Iehoha, he aŋi⁠-⁠aŋi koe pe hē ana vānaŋa o ruŋa o Iehoha hai taꞌana Puka e o ruŋa i taꞌana parau ꞌāpī riva⁠-⁠riva mo te taŋata o te ꞌAo taꞌatoꞌa.—E taiꞌo Romanos 10:⁠13-15.

E riva nō koe mo haꞌamata mo vānaŋa ki tū huaꞌai o ki tū repahoa. Ana vānaŋa koe ki a rāua, ka vānaŋa hai haumaru e hai moꞌa. ꞌIna ko kī te rāua manaꞌu he manaꞌu taꞌe tano, ka vānaŋa koe o ruŋa i te hauhaꞌa riva vaꞌai mai e te ꞌAtua pe muꞌa ka oho ena. E uꞌi o rehu rō, te meꞌe raꞌe ka uꞌi ena e te taŋata, he huru haka tere ꞌoꞌou e taꞌe ki taꞌa vānaŋa.—E taiꞌo 2 Timoteo 2:⁠24, 25.

Mo hāpī ꞌoꞌou mo oho i te Puka o te ꞌAtua, he ata nui⁠-⁠nui he oho tū haŋa mo aŋa te meꞌe haŋa o te ꞌAtua. E ka tano era te hora, e riva nō koe mo riro he huaꞌai o te ꞌAtua.—E taiꞌo 2 Corintios 6:⁠18.

ꞌIna ko haka rē te hāpī te oho o ruŋa i te Vānaŋa o te ꞌAtua (Hebreos 5:⁠13, 14). Ka nonoꞌi ki te Taŋata Haka ꞌIte o Ruŋa o Iehoha mo hāpī atu o ruŋa i te Puka o te ꞌAtua, hai puka e tahi te ꞌīŋoa ko ¿Qué enseña realmente la Biblia? Mo ata hāpī mo oho ꞌoꞌou, he ata koa koe.—E taiꞌo Salmo 1:⁠1-3; 73:⁠27, 28.

ꞌIna koe ko rehu, te parau ꞌāpī riva⁠-⁠riva o ruŋa i te Puka o te ꞌAtua, mai te ꞌAtua koa, ko Iehoha i oho mai ai. E riva nō koe mo hahine ki a Īa hai hahine ꞌoꞌou ki taꞌana pukuraŋa parautīꞌa (Hebreos 10:⁠24, 25). Mo aŋa mo oho hai haka kē, he rovaꞌa koe te ora mau: te ora ki te hopeꞌa raꞌa. He aŋi ꞌā, te meꞌe hopeꞌa o te riva⁠-⁠riva mo aŋa ꞌoꞌou, e hahine e oho koe ki a Iehoha.—E taiꞌo 1 Timoteo 1:⁠11; 6:⁠19.