Tokanela ente elakanyelo wɛ djonyi wena nghombeka ma Bible wembofudjɛ ngandji kɛko te Yehova. Koko ngo wɛ nkindjɛ nkeketshɛ ngandji ɛkɔ. (1 Pɛtɛlɔ 2:2) Djɛ mba lowiko l’itshinda lona wokonge, ngo we nkindjɛ ndjeka Otepela wɔ Ndjambe ndjɛ nkoka ndjoomalema wɔlɔ.​—Tangá Djɔanɛ 17:3; Yuda 21.

 Nde oyewe Ndjambe wɔlɔ, djawo djɛko ngofula. Djawo ngokokotshɛ djɛ nsangasangɛ Ndjambe. (Hebero 11:1, 6) Ngokotshinda djɛ wɛ nkadjimola otema la ntshikitanyɛ lowiko lɔko wɔlɔ.​—Tangá Elemo 3:19.

 Ngo sɔlɔ, ɔngɔkɔpa koko nsimela anto ankina akambo wanɛ nghombeka, nkambo iso sankfumɔ tokɔpake nsimela anto nsango yɔ wɔlɔ. Ntsha ombokindjɛ ngo ndjeka Bible, ongewa wopo wɔ nkamba la Bible djɛ ndembetsheyɛ anto djawo djɛko le Yehova la nsakola losango lɔ wɔlɔ.​—Tangá Ɔrɔma 10:13-15.

 Anto efula owangakawɔ nsimela nde boto la nkɛndɛlɔ. Koko ngo nangha la djanya. Towangake ndjaasimela ente elakanyelo wɛwɔ welekɔ engolo; simelawɔ nde alaká wa Ndjambe nyombopɛyɛ́. Kankina ko ngo wɛ ndjewa ente m’akambo wa wɔlɔ wanɛ wonanghɛ, ɔngɔkɔta anto l’etema ndeka m’etepela wɛnɛ otepele.​—Tangá 2 Timɔte 2:24, 25.

 Ndjeka Otepela wɔ Ndjambe engokokotshɛ djɛ wɛ mfula l’edjimo. Ɔkɔkɛ ɔkɔkɛ, okoka ndjɛ loyalá la djokanelo  djɛ wɔlɔ efula nya Yehova. Okoka ndjalá sɔlɔ onto wɔ nde, ose nkfumbo kɛ nde.​—Tangá 2 Kɔrɛntɔ 6:18.

 Okoka mfula l’edjimo ntsha ombokindjɛ ndjeka Otepela wɔ Ndjambe. (Hebero 5:13, 14) Lɔmbá Temwe kɛ Yehova kɛmɔtshi aye leká Bible la wɛ l’onkanda Bible olankanyɛnde sɔlɔ ante mo? Ntsha ombokindjɛ ngo ndjeka Otepela wɔ Ndjambe, lowiko lɔko lɔngowɔnga efula.​—Tangá Yeembo 1:1-3; 73:27, 28.

 Nsango yɛ wɔlɔ y’isomboka oyɛwɔ nde me Yehova, Ndjambe k’osasa. Okoka ndjoomalema wɔlɔ nde omomalema wɔlɔ anto wa nde. (Hebero 10:24, 25) Nde omonangha ngo la wolo djɛ nsangasangɛ Yehova, lotshinda onyi nghoyatshu ta lowiko lɔ sɔlɔsɔlɔ, lowiko l’itshinda. Ngo sɔlɔ, lako djoyi nkina djɛ wɔlɔ nɛ okokɛ nangha naleka malema Ndjambe.​—Tangá 1 Timɔte 1:11; 6:19.