XIGONZO 15
Hikuyini u faneleko ku simama?
1. U nga vunekisa kuyini hi ku simama ku gonza a Biblia?
Handle ko kanakana, a kambisiso lowu hi wu mahileko wa tigonzo ta Biblia ta xiseketelo wu tiyisile a liranzo la wena hi Jehova. A liranzo lelo li lava ku tshama hi ku hlakulelwa. (1 Pedro 2:2) A kutsumba ka wena ka wutomi ga pinzukelwa ku khegela ka kusimama ka wena a ku tshinela ka Nungungulu hi ku gonza a Mhaka yakwe. — Gonza Johani 17:3; Juda 21.
A xikhati lexi u yako u kula hi wutivi ga Nungungulu, a kukholwa ka wena ku taya ku tiya nguvu. A kukholwa ku ta ku vuna ku tsakisa Nungungulu. (Maheberu 11:1, 6) Ku ta ku kuca a ku ti sola ni ku maha lezi zi lavekako kasi ku tsakisa Nungungulu. — Gonza Mitiro 3:19.
2. Xana a wutivi ga wena xungetano hi Nungungulu gi nga vunisa kuyini vanwani?
Wena hi wece u ta kuceka ku hlengela ni vanwani a zilo lezi u zi gonzako—hontlheni ha tsaka hi ku bhulela vanwani a mahungu yo saseka. Laha u yako u simama ku gonza a Biblia, u ta gonza a ndlela ya ku tirisa a Biblia kasi u tlhamusela a kukholwa ka wena hi Jehova ni mahungu yo saseka. — Gonza Va Le Roma 10:13-15.
A kutala ka vanhu va sangula hi ku hlengela mahungu yo saseka ni vanghana kutani maxaka. Ngha uva ni kuringanisela. A wutshanwini ga ku va byela lezaku a wukhongeli gabye ga hava, va byele a zitsumbiso za Nungungulu. Alakanya kambe lezaku a kutala ka zikhati a vanhu va khumbiwa hi wunene ga wena ku hunza lezi u zi wulako. — Gonza 2 Timote 2:24, 25.
3. Kuzwanana muni u zi kotako kuva nako na Nungungulu?
A ku gonza a Mhaka ya Nungungulu zi ta ku vuna ku kula hi tlhelo ga moya. Hi kugumesa, wa zi kota ku nghena kuzwananeni ko 2 Va Le Korinte 6:18.
hlawuleka nguvu na Jehova. Hakunene wa zi kota ku lumba yena kota xiro xa ngango wakwe. — Gonza4. U nga zi kotisa kuyini a ku simama ku kula hi tlhelo ga moya?
Wa zi kota ku kula hi tlhelo ga moya hi ku simama ku gonza a Mhaka ya Nungungulu. (Maheberu 5:13, 14) Kombela yinwe ya Timboni ta Jehova lezaku yi gonza na wena a Biblia hi ku tirisa a bhuku Zini lezi a Biblia gi hi gonzisako? A xikhati lexi u yako u gonza zo tala ka Mhaka ya Nungungulu, u taya u katekiswa nguvu. — Gonza Tisimu 1:1-3; 73:27, 28.
A mahungu yo saseka mata hi ka Jehova, a Nungungulu wo tsaka. Wa zi kota ku tshinela ka yena hi ku tshinela ka vanhu vakwe. (Maheberu 10:24, 25) Laha u simamako ku ti karatela ku tsakisa Jehova, wo hlokolokela a wutomi legi gi nga wutomi hizinene—gi nga wutomi ga pinzukelwa. Hakunene, a ku tshinela ka Nungungulu hi zona zi nga chukwana ku maha. — Gonza 1 Timote 1:11; 6:19.