FUNDO 15
Ngei usikadikani kuima kufunda nge zva Djehovha?
1. Ucabatsirika kudini kana ukaenderera mberi wecifunda Bhaibheri?
Zve zvirokwazvo kuongorora kwawaita zvifundo zvokutanga zve Bhaibheri kwasimbisa rudo rako kuna Djehovha. Rudo iri rinodikana kurumbwa recisakurirwa. (1 Pedru 2:2) Kariro yako ye kuona upenyu usikaperi yakatsamira kurumbwa kako wecikwedera kuna Mwari ngo kufunda soko rake.—Erengai Juau 17:3; Djudha 21.
Ruziyo rako parinege recibamba kukura, kutenda kwako ricagara rakasimba. Kutenda uku kucakubatsira kuti ude kupfadza Mwari. (WaHebheru 11:1, 6) Kucakubetserazve kuti ucinyuke uye kuti ucinje mararamiro ako ekare.—Erengai Zviito 3:19.
2. Ruziyo rako nge zva Mwari ricabatsira kudini amweni?
Iwewe ungakwanisa kugara no ushamwari wakanaka na Djehovha.
Icokwadi kuti iwewe ungada kureketa no amweni ako nge zviya zvawakafunda–tese isusu tinosoda kupasa amweni masoko akanaka. Nokuenderera kako mberi wecifunda Bhaibheri, ucafundira kuseenzesa Bhaibheri kuti upanganidze kutenda kaunako muna Djehovha uye kuti upangidze anhu masoko akanaka anobuda mu Bhaibheri.—Erengai WaRoma 10:13-15.
Anhu akawanda anofunda Bhaibheri anosotanga kureketa ku hama no madzishamwari nge zviro zvakanaka zvaakafunda. Asi unodikana kureketa no rureremedzo. Reketa zvakaringana no zvipikirwa zva Mwari pane kuwabvunza kuti zvinamato zvawo nge zve manyepo. Edzurira kuti, anhu akawanda anosonyanya kushamiswa no zviito zvedu kudarika zviya zvatinoreketa.—Erengai 2 Timoti 2:24, 25.
3. Ungakwanisa kugara ne ushamwari wakadini na Mwari?
Kufunda soko ra Mwari zvicakubatsira kukura ku mweya. Ne kuhamba ke nguwa ucagara no ushamwari unokosha na Djehovha. Zve zvirokwazvo, ucagara nhai ye mhuri yake.—Erengai 2 WaKorinte 6:18.
4. Ungabambirira kuenderera mberi kudini?
Zvinoita kukura ku mweya ngo kurumbwa wecifunda soko ra Mwari. (WaHebheru 5:13, 14) Kumbira umwe Mupupuri wa Djehovha kuti afunde naiwewe meciseenzesa bhuku rinoti Bhaibheri Rinotidzidzisei? Kana ukanyanya kufunda soko ra Mwari, upenyu wako ucakuhambira zvakanaka.—Erengai Pisarema 1:1-3; 73:27, 28
Masoko anopfadza anobuda kuna Djehovha, Mwari we rupfaro. Kwedera kwaari ngo kuungana no anhu ake. (WaHebheru 10:24, 25) Kana ukaramba wecipeta masimba kuti upfadze Djehovha, unenge wecipsvaka upenyu we zvirokwazvo—upenyu usikaperi. Apana ciro cakanaka kupinda kukwedera kwako kuna Mwari.—Erengai 1 Timoti 1:11; 6:19.
Mungazvipfarira
TIRI ANI
Ngei Ucidikana Kufunda Bhaibheri?
Bhaibheri rinopasa mhinduro dze mibvunzo inodiwa yo upenyu ku zviuru zve zviuru zve anhu mu nyika yese. Imwimwi munoda kugara umwe wawo here?
