XOOK 15
¿Baʼaxten unaj u seguer a kaanbal tiʼ le Bibliaoʼ?
1. ¿Baʼax utsiloʼob ken a kʼam wa ku seguer a kaanbal tiʼ Dios?
Tuláakal le baʼax tsʼoʼok a kanik teʼ Bibliaoʼ tsʼoʼok u beetik a maas yaabiltik Dios. Chéen baʼaleʼ kʼaʼabéet u seguer u nojochtal le yaabilaj ka wuʼuyik tu yoʼolaloʼ (1 Pedro 2:2). Wa ku seguer a kaanbal tiʼ Dioseʼ jeʼel u yantaltech kuxtal minaʼan u xuuleʼ. Xok Juan 17:3; Judas 21.
Tsʼoʼoleʼ yaan xan u maas nojochtal a fe, leloʼ yaan u yáantkech a beet baʼax u kʼáat Dios (Hebreos 11:1, 6). Le fejoʼ yaan xan u yáantkech utiaʼal a arrepentir tiʼ le baʼax maʼ maʼalob a beetmoʼ yéetel yaan u yáantkech a wutskíint a kuxtal. Xok Hechos 3:19.
2. ¿Bix jeʼel a wáantik u maasileʼ?
Techeʼ jeʼel u páajtal a jach biskaba yéetel Jéeobaeʼ
Maʼ xaaneʼ techeʼ jach kiʼimak a wóol yoʼolal le baʼaxoʼob tsʼoʼok a kanikoʼ le beetik ku taaktal a tsikbaltik tiʼ uláakʼ máakoʼob. Jujunpʼíitil ken a kan a usart le Biblia utiaʼal a tsikbaltik tiʼ uláakʼ máakoʼob yoʼolal Jéeoba bey xan yoʼolal u jatsʼuts promesaʼoboʼ. Xok Romanos 10:13-15.
Jeʼel u páajtal a tsikbaltik tiʼ a láakʼtsiloʼob yéetel tiʼ a amigoʼob le baʼaxoʼob tsʼoʼok a kanikoʼ. Pero kanáant bix ken a beetil, eʼes jatsʼuts modos. Tu lugar a waʼaliktiʼob maʼ maʼalob le baʼax ku beetkoʼoboʼ tsikbalttiʼob u promesaʼob Dios. Maʼ u tuʼubultecheʼ maas ku kʼaʼajaltiʼob le baʼax ka beetkoʼ ke le baʼax ka waʼalikoʼ. Xok 2 Timoteo 2:24, 25.
3. ¿Jeʼel wa u páajtal a amigotik Dioseʼ?
Wa ku seguer a xokik le Bibliaoʼ yaan u káajal a wilik Dios bey a amigoeʼ. Hasta yaan u páajtal a wantal ichil u familia Dios. Xok 2 Corintios 6:18.
4. ¿Baʼax jeʼel a beetik utiaʼal a maas kaanbal tiʼ Dioseʼ?
Maʼ u xuʼulul a kaanbal tiʼ baʼax ku yaʼalik le Bibliaoʼ (Hebreos 5:13, 14). Aʼal tiʼ juntúul u testigo Jéeoba ka u tsʼáatech xook yéetel le libro ¿Baʼax k-kanik teʼ Bibliaoʼ? Tuláakal le baʼaxoʼob ken a kanoʼ yaan u yáantkech a maas disfrutart a kuxtal. Xok Salmo 1:1-3; 73:27, 28.
Le jatsʼuts promesaʼob yaan teʼ Bibliaoʼ tiʼ Jéeoba u taal, le Dios kiʼimak u yóoloʼ. U maʼalobileʼ yaan u páajtal a natsʼkaba tu yiknal Jéeoba wa ka muchʼkaba yéetel le máaxoʼob meyajtikoʼ (Hebreos 10:24, 25). Tsʼoʼoleʼ wa ku seguer a tsʼáaik a wóol a beet baʼax ku yaʼalik Dioseʼ yaan u páajtal a kuxtal mantatsʼ. Le baʼax maas maʼalob jeʼel u páajtal k-beetkoʼ letiʼe ka náatsʼkoʼon yiknal Jéeobaoʼ. Xok 1 Timoteo 1:11; 6:19.
Maʼ xaaneʼ jeʼel u yutstal xan ta wicheʼ
MUCHʼABA
¿Bix le muchʼtáambaloʼob ku beetaʼal teʼ Najil Reinooʼ?
Chaʼant le video utiaʼal a wilik bix le muchʼtáambaloʼob k-beetkoʼ.
KʼAJ ÓOLTOʼONIʼ
¿Baʼaxten unaj a xokik le Bibliaoʼ?
Teʼ Bibliaoʼ u millonesil máakoʼob tiʼ tuláakal tuʼux táan u kankoʼob u núukil le kʼáatchiʼob maas kʼaʼanaʼantakoʼ. ¿Kux túun teech?
