He matatau ake i a tātou tō tātou Kaihanga. Ānō he Matua aroha, kei te atawhai ia i a tātou. Otirā, kāhore tātou i hangā hei whakatikatika i ō tātou hikoinga. (Heremaia 10:23) Pēnei i te tamaiti nohinohi e hiahia nei ki te tohutohu a ngā mātua, e hiahia katoa ana tātou ki te tohutohu a te Atua. (Ihāia 48:17, 18) Ko te tohutohu e homai ana ngā mātāpono Paipera, he taonga nā te Atua.​—Pānuitia 2 Tīmoti 3:16.

Mā ngā ture me ngā mātāpono a Ihowa ka ako tātou ki te ora tino pai ināianei, me pēhea hoki e riro ai ngā painga mutungakore āpōpō. Nō te mea nā te Atua tātou i hanga, he tika tonu kia tino whakarongo tātou ki āna tohutohu.​—Pānuitia Ngā Waiata 19:7, 11; Whakakitenga 4:11.

He pono tūturu te mātāpono Paipera. Engari kē teTure, ka pā tēna ki tētahi āhuatanga motuhake. (Tiuteronomi 22:8) Mā te ngārahu pai e mātau ai tātou he pēhea e pā te mātāpono ki tētahi āhuatanga. (Ngā Whakataukī 2:10-12) Hei tauira, e whakaako ana te Paipera he taonga te ora nō te Atua. Ka āhei tēnā mātāpono tūturu te arataki i a tātou i te mahi, i te kāinga, i te huarahi anō hoki. E tohutohu ana i a tātou kia tino tūpato te ora.​—Pānuitia Ngā Mahi A Ngā Āpōtoro 17:28.

I kōrero a Ihu mō ngā tino mātāpono e rua. Ko te tuatahi, kei te whakaatu i te tino pūtake o te ora​—kia mōhio ki te Atua, kia aroha ki a ia, kia pono te mahi ki a ia. Me whakaaro ki tēnei mātāpono i ā tātou whakaritenga katoa. (Ngā Whakataukī 3:6) Ko te hunga e ū ki tēnei mātāpono, ka tata rātou ki te Atua, ka tino harikoa, ka ora ake tonu.​—Pānuitia Matiu 22:36-38.

Ko te mātāpono tuarua hei āwhina kia tau te rangimārie ki waenganui i a tātou. (1 Koriniti 13:4-7) Ko te mahi i tēnei mātāpono tuarua, ko te whai kia rite ki te Atua, arā, ki tāna tikanga mahi ki ngā tāngata.​—Pānuitia Matiu 7:12; 22:39, 40.

Ka ākona ngā whānau e ngā mātāpono Paipera kia mahitahi i roto i te aroha. (Kōrohe 3:12-14) E tiaki ana te Kupu a te Atua i ngā whānau mā tētahi mātāpono anō—arā, kia pūmau te mārena.​—Pānuitia Kēnehi 2:24.

Mā te whai i ngā ako o te Paipera, ka tiaki tātou i ngā hiahia o te tinana me te hinengaro. Hei tauira, ka pīrangi noa te kaitukumahi i te kaimahi e ora ana mā ngā mātāpono Paipera o te pono, o te āta mahi. (Ngā Whakataukī 10:4, 26; Hīperu 13:18) E whakaako hoki ana te Kupu a te Atua kia mākona ai tātou i ngā mea e tino hiahiatia ana, kia mātua whakaaro ki tō tātou hoatanga ki te Atua, i mua i te whakaaro ki ngā rawa.​—Pānuitia Matiu 6:24, 25, 33; 1 Tīmoti 6:8-10.

Ka tiakina te hauora ina ora tātou mā ngā mātāpono Paipera. (Ngā Whakataukī 14:30; 22:24, 25) Hei tauira, mā te whakarongo ki te ture a te Atua mō te whakahaurangi, ka parea tātou i ngā tahumaero kino me ngā aitūā. (Ngā Whakataukī 23:20) E tuku ana a Ihowa kia unu waipiro tātou, engari kaua e nui rawa. (Ngā Waiata 104:15; 1 Koriniti 6:10) He pai hoki ngā mātāpono o te Atua hei whakaako kia tūpato i a tātou mahi me ō tātou whakaaro. (Ngā Waiata 119:97-100) Heoi, kāhore ngā Karaitiana pono e mahi i ngā whakaritenga a te Atua hei painga noa iho mō rātou. Ka mahia hei whakahōnore i a Ihowa.​—Pānuitia Matiu 5:14-16.