LESSION 11
Come che la Bìblia la pol giutar a noantri?
1. Parché che gavemo de bisogno dei consili de Dio?
El saver de Dio l’è tanto pi grando che el nostro. Lu l’è un pare amoroso che el tende de noantri. Gavemo de bisogno de Lu par esser felice. (Jeremias 10:23) Cossita come i fioi pìcoli i ghe ocore del aiuto dei so genitori, tuti noantri gavemo de bisogno del aiuto de Dio. (Isaías 48:17, 18) La Bìblia la ze come un presente de Dio e la dà questo aiuto. — Ledi 2 Timóteo 3:16.
Se obedimo ale legi de Geovà, saremo pi felice ancoi e ndaremo saver cossa gavemo de far par esser felice par sempre. Dio el ga creà noantri, par quela l’è giusto che seghimo i so consili. — Ledi Salmo 19:7, 11; Apocalipse 4:11.
2. Come che podemo doperar la Bìblia par far bone dessision?
Dele volte, la Bìblia la ga una lege par una situassion spessìfica. (Deuteronômio 22:8) Nantre volte, quel che la Bìblia la dise el pol esser doperà in arquante situassion diferente. Alora, gavemo de pensar par capir come che la Bìblia la giuta a noantri a far bone dessision. (Provérbios 2:10-12) Par esémpio, la Bìblia la insegna che la vita la ze un presente de Dio. Quando se ricordemo de questo, femo tuto el possìbile par proteger la nostra vita e quela dei altri. Femo questo ntel laoro, in casa e quando viaiemo. — Ledi Atos 17:28.
3. Quai che i ze i due comandamenti pi importanti?
Gesù el ga dito quai che i ze i due comandamenti pi importanti. El primo el mostra che el ogetivo prinsipal dela nostra vita l’è cognosser, amar e servir Provérbios 3:6) La persona che considera questo comandamento la pol esser amigo de Dio, esser felice e viver par sempre. — Ledi Mateus 22:36-38.
a Dio. Gavemo de considerarlo in tute le nostre dessision. (El secondo comandamento el giuta noantri a viver in pace cole persone. (1 Coríntios 13:4-7) Par meter in pràtica questo comandamento, gavemo de tratar le persone come Dio le trata. — Ledi Mateus 7:12; 22:39, 40.
4. Come che la Bìblia la pol giutar a noantri?
La Bìblia la insegna le fameie a gaver de pi amor e de pi union. (Colossenses 3:12-14) Ela anca la dise che el matrimònio el ga de durar par sempre e questo el protege le fameie. — Ledi Gênesis 2:24.
Far quel che la Bìblia la dise pol giutar de tante maniere diferente. Par esémpio, la Bìblia la dise che gavemo de esser onesti e boni laoradori. I paroni i ghe piase de laoradori cossita. (Provérbios 10:4, 26; Hebreus 13:18) La Bìblia la dise che esser amigo de Dio l’è pi importante che i soldi. La insegna che gavemo de contentarse con quel che gavemo de bisogno par viver. — Ledi Mateus 6:24, 25, 33; 1 Timóteo 6:8-10.
Quei che i fà quel che la Bìblia la dise i protege anca la so salute. (Provérbios 14:30; 22:24, 25) Par esémpio, la Bìblia la dise che se pol bever bebide alcòliche, ma che no gavemo de far la ciuca. Obedir a questa lege protege noantri de brute malatie e de assidenti. (Salmo 104:15; Provérbios 23:20; 1 Coríntios 6:10) Anca la Bìblia la giuta noantri a pensar dela maniera giusta. (Salmo 119:97-100) Sicuro che far quel che la Bìblia la dise l’è tanto bon par noantri. Ma i veri cristiani i fà questo parché i vol dar onor a Geovà. — Ledi Mateus 5:14-16.