တၢ်မၤလိ ၂၃
အဝဲမၤလိ တၢ်ပျၢ်တၢ်ကမၣ်လၢ အသရၣ်အအိၣ်
၁. စီၤပ့းတရူးအသးကဘၣ်ဒိဝဲသပှၢ်ကတၢၢ်လၢ ဆၢကတီၢ်ဖဲလဲၣ်.
တၢ်မၤအသး လၢတဖျးမဲာ်အတီၢ်ပူၤန့ၣ် ဒုးကဲထီၣ်ဝဲတၢ်သူၣ်အုးသးအုးလၢ စီၤပ့းတရူးသးပ့ၤနီၣ်ဝဲ တန့ၢ်နီတဘျီဘၣ်. ဖဲစီၤပ့းတရူးဒီးယ့ၣ်ၡူး ကွၢ်လိာ်အသးအဆၢကတီၢ်မ့ၢ်ယ့ၣ်ၡူး အမဲာ်သၣ်ကဖျါလၢ အသးဟးဂီၤ မ့တမ့ၢ်အသးတမုာ်လၢ စီၤပ့းတရူးအဃိဧါ. ပတဲလီၤတံၢ်တသ့ဘၣ်. လံာ်စီဆှံတဲဝဲ ယိယိဖိလၢ “ကစၢ်န့ၣ်ဃၣ်ဃီၤအသးဒီး ကွၢ်စီၤပ့းတရူးလီၤ.” (လူၤကၣ် ၂၂:၆၁) ဘၣ်ဆၣ်ဖဲယ့ၣ်ၡူးကွၢ်အီၤအဆၢကတီၢ်န့ၣ် အဝဲသ့ၣ်ညါလီၤက့ၤအသးလၢ အမၤဘၣ်တၢ်ကမၣ် ဒိၣ်ဝဲထဲလဲၣ်န့ၣ်လီၤ. တၢ်လၢစီၤပ့းတရူးစံးဝဲလၢ အဝဲတမၤဝဲနီတဘျီဘၣ်န့ၣ် အဝဲမၤဝဲသပှၢ်ကတၢၢ်လီၤ. အဝဲသမၢဝဲအသရၣ်လၢ အအဲၣ်ဘၣ်ဝဲဒိၣ်မး ဒ်ယ့ၣ်ၡူးစံးပာ်ဝဲအသိးန့ၣ်လီၤ. ဖဲန့ၣ်န့ၣ် စီၤပ့းတရူးအသးဘၣ်ဒိဝဲ သပှၢ်ကတၢၢ်, ဒီးမုၢ်နံၤအံၤ ကမ့ၢ်မုၢ်နံၤလၢ အလီၤသးအုးအဒိၣ်ကတၢၢ်လၢအဂီၢ်လီၤ.
၂. စီၤပ့းတရူးကဘၣ်မၤလိဝဲ တၢ်ဂ့ၢ်မနုၤလဲၣ်, ပဒိးန့ၢ်ဘၣ်တၢ်အဘျုးလၢ အတၢ်လဲၤခီဖျိကသ့ဒ်လဲၣ်.
၂ စီၤပ့းတရူး အတၢ်မုၢ်လၢ် တလီၤပံာ်ဝဲဒံးဘၣ်. မ့ၢ်လၢအဝဲအိၣ်ဒီးတၢ်နာ်အဃိ တၢ်ခွဲးတၢ်ယာ်အိၣ်ဝဲလၢ ကပီၢ်ယၢ်လီၤက့ၤအသးဒီး ဒိးန့ၢ်ဘၣ်တၢ်မၤလိဖးဒိၣ်တခါလၢ ဘၣ်ဃးဒီးတၢ်ပျၢ်တၢ်ကမၣ်လီၤ. ပဝဲစ့ၢ်ကီးဒ်သိးပကဒိးန့ၢ်ဘၣ် တၢ်မၤလိအံၤအဂီၢ်ပကကွၢ်သကိး စီၤပ့းတရူးအတၢ်လဲၤခီဖျိန့ၣ်လီၤ.
အဝဲဘၣ်မၤလိတၢ်အါမံၤ
၃, ၄. (က) စီၤပ့းတရူးသံကွၢ် ယ့ၣ်ၡူးဒ်လဲၣ်, ဒီးဘၣ်သ့ၣ်သ့ၣ် စီၤပ့းတရူးကဆိကမိၣ်လီၤအသးဒ်လဲၣ်. (ခ) စီၤပ့းတရူးကွၢ်လိမၤဒိး ပှၤလၢအအိၣ်ဝးတရံးအီၤတဖၣ်န့ၣ် ယ့ၣ်ၡူးပာ်ဖျါထီၣ်ဝဲဒ်လဲၣ်.
၃ လၢအပူၤကွံာ်ဃုလါ လၢဝ့ၢ်ကပ့းရနီၣ်န့ၣ် စီၤပ့းတရူးလဲၤဝဲဆူယ့ၣ်ၡူးအအိၣ် ဒီးသံကွၢ်အီၤလၢ– “ကစၢ်ဧၢ, ယဒီပုၢ်ဝဲၢ်မ့ၢ်မၤကမၣ်ဘၣ်ယၤဒီး, ယဘၣ်ပျၢ်အတၢ်န့ၣ်ပှံၤစုလဲၣ်. တုၤအပှဲၤထီၣ်နွံစုဧါ.” ဖဲစီၤပ့းတရူးတဲဝဲဒ်န့ၣ်အဆၢကတီၢ် အဝဲကဆိကမိၣ်လီၤအသးလၢ အမ့ၢ်ပှၤလၢအသးဖးဂ့ၤညါ. မ့ၢ်လၢတၢ်ဘူၣ်တၢ်ဘါခိၣ်နၢ်တဖၣ် သိၣ်လိဝဲပှၤဂၤတဖၣ်လၢ အဝဲသ့ၣ်ကဘၣ်ပျၢ်ပှၤလၢ အမၤကမၣ်အီၤတဂၤ ထဲသၢဘျီဧိၤလီၤ. ယ့ၣ်ၡူးတဲဆၢက့ၤစီၤပ့းတရူးလၢ– “ယတစံးဘၣ်, တုၤအပှဲၤထီၣ်နွံစုဘၣ်, မ့ၢ်တုၤအပှဲၤထီၣ် နွံစုအဘျီနွံဆံလီၤ.”—မး. ၁၈:၂၁, ၂၂.
၄ မ့ၢ်ယ့ၣ်ၡူးအဲၣ်ဒိးစံးဝဲလၢ စီၤပ့းတရူးကြၢးဂံၢ်ဒီး တိၢ်နီၣ်ဃာ်ဝဲပှၤဂၤအတၢ်ကမၣ်ဧါ. တမ့ၢ်ဘၣ်. ဖဲယ့ၣ်ၡူးတဲဝဲလၢ “နွံစုအဘျီနွံဆံ” န့ၣ်အဝဲအဲၣ်ဒိးစံးဝဲလၢ တၢ်အဲၣ်တၢ်ကွံန့ၣ် တပျဲပှၤလၢပကဂံၢ် ပှၤဂၤအတၢ်ကမၣ်ဘၣ်. (၁ ကရံၣ်. ၁၃:၄, ၅) ယ့ၣ်ၡူးပာ်ဖျါထီၣ်ဝဲလၢ စီၤပ့းတရူးန့ၣ်ကွၢ်လိဝဲ ပှၤလၢအအိၣ်ဝးတရံးအီၤ လၢအတအိၣ်ဒီးတၢ်သးကညီၤ ဒီးတအဲၣ်ဒိးပျၢ် ပှၤဂၤအတၢ်ကမၣ် တဖၣ်န့ၣ်လီၤ. ဘၣ်ဆၣ် ပှၤလၢအအဲၣ်ဒိးကွၢ်လိကစၢ်ယွၤန့ၣ် ကဘၣ်ပာ်အသးဖးလဲၢ်ဒီး ကဘၣ်ပျၢ်ပှၤဂၤအတၢ်ကမၣ် တဘျီဝံၤတဘျီလီၤ.—ဖး ၁ ယိၤဟၣ် ၁:၇-၉ တက့ၢ်.
၅. ပသ့ၣ်ညါထီၣ် တၢ်ပျၢ်တၢ်ကမၣ်အလုၢ်အပှ့ၤလၢ ဆၢကတီၢ်ဖဲလဲၣ်.
၅ စီၤပ့းတရူး တူၢ်လိာ်ယ့ၣ်ၡူးအတၢ်ကတိၤလီၤ. ဘၣ်ဆၣ် ယ့ၣ်ၡူးဟ့ၣ်အီၤတၢ်မၤလိအံၤန့ၣ် မ့ၢ်အနုာ်လီၤလၢအသးကံၢ်ပူၤစ့ၢ်ကီးဧါ. တဘျီတခီၣ် ပဝဲသ့ၣ်တဖၣ်န့ၣ် ပနၢ်ပၢၢ်ထီၣ်တၢ်ပျၢ်တၢ်ကမၣ်အလုၢ်အပှ့ၤ ဖဲပလိၣ်ဘၣ်လၢပှၤဂၤကပျၢ်ကွံာ် ပတၢ်ကမၣ်အဆၢကတီၢ်လီၤ. လၢတၢ်န့ၣ်အဃိ ပကကွၢ်ကဒါက့ၤ တၢ်မၤအသးတဖၣ် ဖဲတချုးယ့ၣ်ၡူးသံဝဲအဆၢကတီၢ်န့ၣ်လီၤ. လၢစှၤနၣ်ရံၣ်အတီၢ်ပူၤန့ၣ် စီၤပ့းတရူးမၤကမၣ်ဘၣ်တၢ်အါမံၤအဃိ လိၣ်ဘၣ်ဝဲတၢ်ပျၢ်တၢ်ကမၣ်အါမးလီၤ.
အဝဲလိၣ်ဘၣ် တၢ်ပျၢ်တၢ်ကမၣ်အါဘျီ
၆. ဖဲယ့ၣ်ၡူးသ့အတၢ်မၢဖိတဖၣ် အခီၣ်အဆၢကတီၢ်န့ၣ် စီၤပ့းတရူးမၤဝဲဒ်လဲၣ်, ဒီးယ့ၣ်ၡူး ရ့ဒီးအီၤဒ်လဲၣ်.
၆ ဟါအဝဲအံၤန့ၣ် မ့ၢ်ဟါလၢ အရ့ဒိၣ်ကတၢၢ်လီၤ. မ့ၢ်လၢယ့ၣ်ၡူးကအိၣ်မူဘၣ်လၢ ဟီၣ်ခိၣ်ချၢအလီၢ်ခံကတၢၢ်တနၤန့ၣ်လီၤ. ဒီးအဝဲကဘၣ်သိၣ်လိဝဲ အတၢ်မၢဖိတဖၣ်အိၣ်ဒံးအါမးလီၤ. အဒိ တၢ်သ့ပှၤဂၤအခီၣ်န့ၣ် မ့ၢ်ကုၢ်အတၢ်မၤဘၣ်ဆၣ် ယ့ၣ်ၡူးပာ်လီၤတၢ်အဒိလၢ တၢ်ဆီၣ်လီၤသးအပူၤ ဒီးသ့ဝဲအတၢ်မၢဖိအခီၣ်လီၤ. အဆိကတၢၢ်န့ၣ် စီၤပ့းတရူးသံကွၢ်ယ့ၣ်ၡူးလၢ မ့ၢ်နကသ့ယခီၣ် အနီၢ်ကီၢ်ဧါ. ဝံၤဒီးအဝဲတအဲၣ်ဒိးဟ့ၣ်အခွဲးလၢ ယ့ၣ်ၡူးကသ့ဝဲအခီၣ်ဘၣ်. တယံာ်ဘၣ်ဒီး စီၤပ့းတရူးတဲဝဲယ့ၣ်ၡူးလၢ တဘၣ်သ့ထဲယခီၣ်တဂ့ၤ, သ့ဃုာ်ဒီးယစုဒီးယခိၣ်တက့ၢ်. ယ့ၣ်ၡူးတသးထီၣ်အီၤဘၣ်. ဒီးယ့ၣ်ၡူးတဲနၢ်ပၢၢ်အဝဲသ့ၣ်လၢ ဘၣ်မနုၤအဃိ အဝဲမၤဝဲဒ်အံၤလဲၣ် ဒီးအရ့ဒိၣ်ဝဲထဲလဲၣ်အဂ့ၢ်န့ၣ်လီၤ.—ယိၤဟၣ် ၁၃:၁-၁၇.
၇, ၈. (က) စီၤပ့းတရူးမၤကမၣ်ဘၣ်ဝဲ ယ့ၣ်ၡူးလၢကျဲဒ်လဲၣ်. (ခ) ယ့ၣ်ၡူးပာ်ဖျါထီၣ် တၢ်သးကညီၤဒီး တၢ်ပျၢ်တၢ်ကမၣ်လၢ ကျဲဒ်လဲၣ်.
၇ တယံာ်ဘၣ်ဒီး စီၤပ့းတရူးမၤကမၣ်ဘၣ်တၢ်လၢ အသီတဘျီကဒီးလံ. တၢ်မၢဖိတဖၣ် အ့ၣ်လိာ်အသးလၢ မတၤတဂၤမ့ၢ်ပှၤလၢအဒိၣ်ကတၢၢ်လဲၣ်န့ၣ်လီၤ. ဖဲန့ၣ်အခါ စီၤပ့းတရူးစ့ၢ်ကီး ဟဲထိၣ်အဖံဘၣ်ခိၣ်ဒီး အဝဲသ့ၣ်လီၤ. အဝဲသ့ၣ်ပာ်ထီၣ်ထီအသး ထဲအံၤဘၣ်ဆၣ် ယ့ၣ်ၡူးဘှီက့ၤအီၤလၢ တၢ်သူၣ်ကညီၤသးကညီအပူၤ ဒီးစံးပတြၢၤအဝဲသ့ၣ်လီၤ. မ့ၢ်လၢအဝဲသ့ၣ် မၤတ့ၢ်တၢ်ဂ့ၤဒီး တီဒီးအီၤအဃိလီၤ. ဘၣ်ဆၣ်ယ့ၣ်ၡူးတဲဆိပာ်ဝဲလၢ အဝဲသ့ၣ်ကိးဂၤဒဲး ကဃ့ၢ်သဒၣ်ကွံာ်အီၤလီၤ. စီၤပ့းတရူးတဲဆၢက့ၤအီၤလၢ ယမ့ၢ်ဘၣ်သံသနာ်က့ ယတပာ်တ့ၢ်ကွံာ်နၤ နီတဘျီဘၣ်. ဒီးယ့ၣ်ၡူးတဲဆိပာ်အီၤလၢ နၤအဝဲအံၤတချုးလၢ ဆီဖါအိၣ်အိထီၣ်ခံဘျီန့ၣ် နကသမၢယၤသၢဘျီန့ၣ်လီၤ. စီၤပ့းတရူးပာ်ကဖၢလၢအသးဒီး တဲဝဲလၢတၢ်မၢဖိအဂၤသ့ၣ်တဖၣ် မ့ၢ်မၤဝဲဒ်န့ၣ်သနာ်က့ လ့ၤတက့ၤယတမၤဘၣ်.—မး. ၂၆:၃၁-၃၅; မၢ်ကူး ၁၄:၂၇-၃၁; လူၤကၣ် ၂၂:၂၄-၂၈; ယိၤဟၣ် ၁၃:၃၆-၃၈.
၈ မ့ၢ်ယ့ၣ်ၡူးအတၢ်ဝံသးစူၤ ဘူးကလၢာ်လံဧါ. လၢတၢ်န့ၣ်အလီၢ် လၢတၢ်ကီတၢ်ခဲသ့ၣ်တဖၣ်အံၤအပူၤ ယ့ၣ်ၡူးကွၢ်လၢအတၢ်မၢဖိတဖၣ်အတၢ်ဂ့ၤတခီထီဘိလီၤ. ယ့ၣ်ၡူးသ့ၣ်ညါပာ်စၢၤလၢ စီၤပ့းတရူးကသမၢအီၤဘၣ်ဆၣ် အဝဲစံးဝဲလၢ– “မ့မ့ၢ်ယဲဒၣ်အံၤ, ဒ်သိးနတၢ်နာ်သုတဟးဂီၤကွံာ်တဂ့ၤဒီး, ယဘါထုကဖၣ်န့ၢ်လံလၢနဂီၢ်လံ. ဒီးတုၤနဃၣ်လိၤက့ၤနသးဒီး, ဒုးဆူၣ်ထီၣ်နဒီပုၢ်ဝဲၢ် အဂံၢ်အဘါတက့ၢ်.” (လူၤကၣ် ၂၂:၃၂) လၢတၢ်န့ၣ်အဃိ ပထံၣ်ဘၣ်လၢယ့ၣ်ၡူးနာ်ဝဲလၢ စီၤပ့းတရူးကပီၢ်ယၢ်လီၤက့ၤအသး ဒီးဆဲးမၤယွၤအတၢ်မၤလၢ တၢ်သးတီအပူၤလီၤ. ယ့ၣ်ၡူးန့ၣ် မ့ၢ်ပှၤလၢအသူၣ်ဂ့ၤသးဝါ ဒီးပျၢ်ပှၤဂၤအတၢ်ကမၣ်ညီဝဲလီၤ.
၉, ၁၀. (က) လၢက့ၤသစ့းမနၤတၤသၣ်လီၢ်န့ၣ် ဘၣ်မနုၤအဃိ ယ့ၣ်ၡူးဘၣ်သိၣ်ဝဲ စီၤပ့းတရူးလဲၣ်. (ခ) ပမ့ၢ်ဆိကမိၣ်က့ၤ စီၤပ့းတရူးအတၢ်လဲၤခီဖျိန့ၣ် ပသ့ၣ်နီၣ်ဘၣ်က့ၤ တၢ်မနုၤလဲၣ်.
မၢ်ကူး ၁၄:၃၂-၄၁, ခ့ခါစှီၤကျိာ်.
၉ လၢခံဖဲ က့ၤသစ့းမနၤတၤသၣ်လီၢ်န့ၣ် ယ့ၣ်ၡူးဘၣ်သိၣ်စီၤပ့းတရူး အါန့ၢ်ဒံးတဘျီလီၤ. ဖဲန့ၣ်န့ၣ် ယ့ၣ်ၡူးတဲဘၣ် စီၤပ့းတရူး, စီၤယၤကိာ်ဒီးစီၤယိၤဟၣ်လၢ အဝဲသ့ၣ်ကဘၣ်ဆိးသီဖဲ အဝဲလဲၤဃ့ထုကဖၣ်တၢ် အဆၢကတီၢ်န့ၣ်လီၤ. ယ့ၣ်ၡူးအသူၣ်ကိၢ်သးဂီၤဒိၣ်မးဒီး လိၣ်ဘၣ်တၢ်ဟ့ၣ်ဂံၢ်ဟ့ၣ်ဘါဘၣ်ဆၣ် စီၤပ့းတရူးဒီး တၢ်မၢဖိအဂၤတဖၣ်န့ၣ် မံခ့မံသပ့ၤဝဲ တဘျီဝံၤတဘျီလီၤ. ဘၣ်ဆၣ် ယ့ၣ်ၡူးဒိသူၣ်ဒိသးလၢအဝဲသ့ၣ်ဖီခိၣ်, ပျၢ်ကွံာ်အတၢ်ကမၣ်ဒီး စံးဝဲလၢ– “သုသးအဂံၢ်အဘါဆူၣ်ကစီဒီ, မ့မ့ၢ်သုနီၢ်ခိတခီ အဂံၢ်အဘါစၢ်ဝဲလီၤ.”—၁၀ တယံာ်ဘၣ်န့ၣ် ပှၤဂီၢ်မုၢ်ဟဲတုၤဝဲဒီးစိာ်ဝဲ မ့ၣ်အူတၢၣ်, နးဒီးနီၢ်တီၢ်တဖၣ်လီၤ. ဖဲန့ၣ်အဆၢကတီၢ် အဝဲသ့ၣ်ကဘၣ်အိၣ်ဒီး တၢ်ပလီၢ်သူၣ်ပလီၢ်သး ဒီးတၢ်ကူၣ်သ့လီၤ. ဒီးစီၤပ့းတရူးထုးထီၣ်ဝဲ အနးတဘျီဃီဝံၤ ကျီဝဲစီၤမါလဃူးအခိၣ် တပျာ်ဝဲအဃိ ဘၣ်လၢအနၢ်ကု ဒီးထီၣ်တဲာ်ကွံာ်ဝဲတခီလီၤ. ယ့ၣ်ၡူးသိၣ်က့ၤသီက့ၤစီၤပ့းတရူးလၢ တၢ်ဝံသးစူၤအပူၤ, မၤဘျါက့ၤစီၤမါလဃူးအနၢ် ဒီးတဲဖျါထီၣ်ဝဲ တၢ်သိၣ်တၢ်သီလၢ အကဲဘျုးလၢအပျဲၢ်အဘီၣ်တဖၣ်အဂီၢ် တုၤလီၤလၢမုၢ်မဆါတနံၤအံၤလီၤ. (မး. ၂၆:၄၇-၅၅; လူၤကၣ် ၂၂:၄၇-၅၁; ယိၤဟၣ် ၁၈:၁၀, ၁၁) စီၤပ့းတရူးမၤကမၣ်ဘၣ်တၢ် အါဘျီလံအဃိအဝဲလိၣ်ဘၣ်ဝဲ တၢ်ပျၢ်တၢ်ကမၣ်သပှၢ်ကတၢၢ်လီၤ. ပမ့ၢ်ဆိကမိၣ်က့ၤ စီၤပ့းတရူးအတၢ်လဲၤခီဖျိန့ၣ် ပသ့ၣ်နီၣ်ဘၣ်က့ၤလၢ ပဝဲစ့ၢ်ကီးပမၤကမၣ်တၢ်အါဘျီန့ၣ်လီၤ. (ဖး ယၤကိာ် ၃:၂ တက့ၢ်.) ကိးနံၤဒဲးန့ၣ် ပလိၣ်ဘၣ်လၢကစၢ်ယွၤကပျၢ် ပတၢ်ကမၣ်လီၤ. မ့မ့ၢ်လၢစီၤပ့းတရူးတခီ ဖဲနၤအဝဲန့ၣ်န့ၣ် အဝဲမၤဒံးတၢ်ကမၣ်ဖးဒိၣ်တခါလီၤ.
စီၤပ့းတရူးအတၢ်ကမၣ်လၢ အဒိၣ်ကတၢၢ်
၁၁, ၁၂. (က) ဖဲပှၤဖီၣ်ယ့ၣ်ၡူးဝံၤအလီၢ်ခံန့ၣ် စီၤပ့းတရူးပာ်ဖျါထီၣ် တၢ်သးဒူဒ်လဲၣ်. (ခ) ဘၣ်မနုၤအဃိ ပတဲသ့လၢစီၤပ့းတရူး တအိၣ်ဒီးတၢ်သးဒူထဲသိးဒီး အတဲဝဲအသိးလဲၣ်.
၁၁ ယ့ၣ်ၡူးတဲဘၣ်ပှၤဂီၢ်မုၢ်လၢ သုမ့ၢ်ဃုယၤန့ၣ် ပျဲက့ၤယတၢ်မၢဖိတဖၣ်တက့ၢ်. ဖဲစီၤပ့းတရူးထံၣ်ဘၣ်ဝဲ ပှၤဂီၢ်မုၢ်ဖီၣ်ယ့ၣ်ၡူးဒီး စၢဃာ်အီၤအဆၢကတီၢ်န့ၣ်, စီၤပ့းတရူးအသးလၢာ်ခီဖျိလၢ အဝဲမၤစၢၤဝဲ တသ့နီတမံၤဘၣ်အဃိလီၤ. ဝံၤဒီးစီၤပ့ၤတရူး ဃ့ၢ်သဒၣ်ကွံာ်အီၤဒ် တၢ်မၢဖိအဂၤတဖၣ်အသိးန့ၣ်လီၤ.
၁၂ ဘၣ်သ့ၣ်သ့ၣ် စီၤပ့းတရူးဒီးစီၤယိၤဟၣ် ဃ့ၢ်ဝဲတုၤလီၤလၢ ပှၤလုၢ်တၢ်အခိၣ်အလီၢ်လံၤ စီၤအၣ်နၣ် အဟံၣ်ကပိာ်ကပၤန့ၣ်လီၤ. ဖဲန့ၣ်န့ၣ် ပှၤသမံသမိးယ့ၣ်ၡူးဝံၤ ဆှၢအီၤဆူစီၤကၤယါဖၤအအိၣ်ဒီး စီၤပ့းတရူးဒီးစီၤယိၤဟၣ် “ပိာ်ထီၣ်အဝဲသ့ၣ်အခံလၢအယံၤ” န့ၣ်လီၤ. (မး. ၂၆:၅၈, ခ့ခါစှီၤကျိာ်; ယိၤဟၣ် ၁၈:၁၂, ၁၃) ပတဲလၢစီၤပ့းတရူးမ့ၢ်ပှၤလၢ အသဒံတအိၣ်ဘၣ်န့ၣ် တသ့ဝဲဘၣ်. ပှၤဂီၢ်မုၢ်တဖုအံၤအိၣ်ဒီး တၢ်စုကဝဲၤဒီး စီၤပ့းတရူးမၤဘၣ်ဒိအဝဲသ့ၣ် အပှၤတဂၤလံ. လၢတၢ်န့ၣ်အဃိ ဒ်သိးအဝဲကပိာ်ယ့ၣ်ၡူးအခံအဂီၢ်န့ၣ် အတၢ်သးဒူကဘၣ်အိၣ်လီၤသၢၣ်. ဘၣ်ဆၣ် စီၤပ့းတရူးအသးတဒူထဲသိးဒီး အတဲပာ်စၢၤဝဲအဃိ အဝဲလီၤဂာ်ဒ်သိးဒီး ဒိကအိလၢအဒူလၢသ့ၣ်ကိပူၤန့ၣ်လီၤ. ဖျါလၢအဝဲသံဃုာ်ဒီး အသရၣ်တဘူၣ်ဒံးဘၣ်.—မၢ်ကူး ၁၄:၃၁.
၁၃. ပမ့ၢ်အဲၣ်ဒိးပိာ် ယ့ၣ်ၡူးအခံနီၢ်ကီၢ်န့ၣ် ပကဘၣ်မၤဒ်လဲၣ်.
၁၃ ဒ်စီၤပ့းတရူးအသိး မုၢ်မဆါတနံၤညါအံၤ ပှၤအါဂၤအဲၣ်ဒိးပိာ်ခရံာ်အခံ “လၢအယံၤ” —အခီပညီ အဲၣ်ဒိးစံးဝဲလၢ အဝဲသ့ၣ်တအဲၣ်ဒိးလၢ ပှၤဂၤကသ့ၣ်ညါဝဲလၢ အဝဲသ့ၣ်ပိာ် ခရံာ်အခံ၁ ပ့းတရူး ၂:၂၁ တက့ၢ်.
ဘၣ်. ဘၣ်ဆၣ်လၢခံန့ၣ် စီၤပ့းတရူးကွဲးဝဲလၢ ပှၤမ့ၢ်အဲၣ်ဒိးပိာ်ယ့ၣ်ၡူးခရံာ်အခံနီၢ်ကီၢ်န့ၣ် အဝဲသ့ၣ်မ့ၢ်တူၢ်ဘၣ်တၢ် ဒ်လဲၣ်ဂ့ၤဒ်လဲၣ်ဂ့ၤ သနာ်က့ ကဘၣ်ကွၢ်လိမၤဒိးဝဲယ့ၣ်ၡူး ထီဘိလီၤ.—ဖး၁၄. ဖဲပှၤသမံသမိးကွၢ်ယ့ၣ်ၡူး အဆၢကတီၢ် စီၤပ့းတရူးမၤဝဲဒ်လဲၣ်.
၁၄ စီၤပ့းတရူး ခါထီၣ်အခီၣ်ဆူညါလၢတၢ်ပလီၢ်သူၣ်ပလီၢ်သးအပူၤ ဒီးလဲၤဝဲဆူ ဟံၣ်လီၤဘီလီၤမုၢ်တဖျၢၣ်လၢ ဝ့ၢ်ယရူၤၡလ့ၣ်အပူၤလီၤ. မ့ၢ်ဒၣ်ပှၤဒိၣ်ပှၤပှၢ် စီၤကၤယါဖၤအဟံၣ်လီၤ. အဝဲမ့ၢ်ပှၤလုၢ်တၢ်အခိၣ်ဒီး အဟံၣ်န့ၣ်အိၣ်ဒီးတၢ်ပျီလၢ အဘၣ်တၢ်ကရၢၢ်ဃာ်အီၤန့ၣ်လီၤ. စီၤပ့းတရူးဆၢထၢၣ်ဝဲလၢ တၢ်ချၢလၢပဲတြီအဃၢၤဘၣ်ဆၣ် ပှၤတပျဲနုာ်အီၤဘၣ်. မ့မ့ၢ်စီၤယိၤဟၣ်န့ၣ် သ့ၣ်ညါလိာ်အသးဒီး ပှၤလုၢ်တၢ်အခိၣ်အဃိ နုာ်လီၤပာ်စၢၤလၢ စီၤပ့းတရူးအမဲာ်ညါလံ. အဝဲက့ၤဟးထီၣ်က့ၤဝဲဒီး ကတိၤတၢ်ဒီး ပိာ်မုၣ်လၢအပၢၤပဲတြီတဂၤအံၤ ဒ်သိးစီၤပ့းတရူးနုာ်လီၤဝဲကန့ၢ်အဂီၢ်လီၤ. ဖျါလၢစီၤပ့းတရူး တလဲၤတပူၤဃီဒီး စီၤယိၤဟၣ်ဘၣ်. ဒီးအဝဲတကျဲးစၢးနုာ်လီၤလၢဟံၣ်ပူၤ ဒ်သိးကဆၢထၢၣ်ဂၢၢ်ကျၢၤလၢ အသရၣ်အအိၣ်တခီဘၣ်. လၢမုၢ်နၤခီန့ၣ် အဝဲအိၣ်တီၢ်လၢတၢ်ပျီပူၤ လၢတၢ်ဂိၢ်ကျါ, ဒီးအဝဲဆၢထၢၣ်ဆူးမ့ၣ်အူဃုာ်ဒီး တၢ်အခ့အပှၤဒီးကုၢ်တဖၣ်လီၤ. ဖဲန့ၣ်န့ၣ်အဝဲထံၣ်ဘၣ်ဝဲ ပှၤအုၣ်အသးကဘျံးကဘျၣ်တဖၣ် ဟဲနုာ်ဟးထီၣ်ဝဲတဘျုးဂၤညါလီၤ.—မၢ်ကူး ၁၄:၅၄-၅၇; ယိၤဟၣ် ၁၈:၁၅, ၁၆, ၁၈.
၁၅, ၁၆. ယ့ၣ်ၡူးစံးပာ်ဝဲလၢ စီၤပ့းတရူးကသမၢအီၤသၢဘျီန့ၣ် ဟဲလၢထီၣ်ပှဲၤထီၣ်ဝဲဒ်လဲၣ်.
၁၅ ခီဖျိလၢမ့ၣ်အူအတၢ်ကပီၤအဃိ ပှၤပိာ်မုၣ်လၢအပၢၤဝဲ ပဲတြီတဂၤန့ၣ် ကွၢ်စီၤပ့းတရူးဖျါဝဲတစဲးလီၤ. အဝဲကွၢ်နီၣ်အီၤဘၣ်ဝဲအဃိ စံးဝဲလၢ– “နဲဒၣ်နအိၣ်တ့ၢ်ဒီး ပှၤကၤလံၤလါဖိ ယ့ၣ်ၡူးစ့ၢ်ကီးလီၤ.” စီၤပ့းတရူးဖုးဝဲအဃိ အဝဲသမၢယ့ၣ်ၡူးဒီး စံးဝဲလၢမ့ၢ်နတဲတၢ်မနုၤလဲၣ်န့ၣ် ယတသ့ၣ်ညါဘၣ်. ဝံၤဒီးခီဖျိလၢစီၤပ့းတရူး တအဲၣ်ဒိးလၢ ပှၤကပာ်သူၣ်ပာ်သးအီၤအဃိ အဝဲလဲၤဝဲဆူတၢ်လီၤပျီအံၤ အပဲတရီအကပၤလီၤ. ဘၣ်ဆၣ် ပိာ်မုၣ်လၢအဂၤတဂၤ ထံၣ်ဘၣ်အီၤဖဲန့ၣ်ဒီး တဲဝဲလၢ– “အဝဲတဂၤအံၤ, အိၣ်ဒီးပှၤနစၤရ့းဖိယ့ၣ်ၡူးစ့ၢ်ကီးလီၤ.” စီၤပ့းတရူးအၢၣ်လီၤဝဲလၢ “ယတသ့ၣ်ညါဘၣ် ပှၤကညီတဂၤန့ၣ်ဘၣ်.” (မး. ၂၆:၆၉-၇၂; မၢ်ကူး ၁၄:၆၆-၆၈) စီၤပ့းတရူးသမၢဝဲယ့ၣ်ၡူး ခံဘျီတဘျီလံ. ဘၣ်သ့ၣ်သ့ၣ် အဝဲကနၢ်ဟူဘၣ်ဝဲ ဆီဖါအိၣ်အိထီၣ်ဝဲဘၣ်ဆၣ် ခီဖျိလၢအခိၣ်နူာ်ဘံဘူစၢၢ်သၢအဃိ အဝဲသ့ၣ်နီၣ်ဘၣ်က့ၤ ယ့ၣ်ၡူးအတၢ်ကတိၤလၢ အပူၤကွံာ်ထဲစှၤနၣ်ရံၣ်န့ၣ် တချုးလၢၤဘၣ်.
၁၆ တၢ်ဆၢကတီၢ် လဲၤပူၤကွံာ်ဝဲတစိၢ်ဖိလံ ဘၣ်ဆၣ်စီၤပ့းတရူးဂုာ်ကျဲးစၢးဝဲ သပှၢ်ကတၢၢ်ဒ်သိး ပှၤဂၤသုတပာ်သူၣ်ပာ်သးအီၤ တဂ့ၤအဂီၢ်လီၤ. ဘၣ်ဆၣ် ပှၤတနီၤနီၤဟဲဃီၤဆူအအိၣ် ဒီးလၢအဝဲသ့ၣ်အကျါန့ၣ် ပၣ်ဃုာ်ဒီးစီၤမါလဃူး အဘူးအတံၢ်တဂၤလီၤ. အဝဲစံးဘၣ်စီၤပ့းတရူးလၢ “ယထံၣ်တ့ၢ်နၤလၢ တၤသၣ်အလီၢ်ဒီး အဝဲဒၣ်န့ၣ်တမ့ၢ်ဘၣ်ဧါ.” ဒီးစီၤပ့းတရူးအဲၣ်ဒိးဒုးနာ်န့ၢ်အဝဲသ့ၣ် လီၤတံၢ်လီၤဆဲးလၢ အဝဲသ့ၣ်အမဲာ်ကမၣ်လံ. လၢတၢ်န့ၣ်အဃိ အဝဲဆိၣ်လီၤအသးလၢ တၢ်ဂ့ၢ်အံၤအဖီခိၣ်တကးဒံးဘၣ် ဖျါလၢအဝဲအဲၣ်ဒိးစံးစ့ၢ်ကီးဝဲလၢ ယမ့ၢ်တဲလံၣ်တဲလီသုန့ၣ် မ်ယဘၣ်တၢ်ဆိၣ်အၢတက့ၢ်. ဒီးစီၤပ့းတရူးသမၢဝဲယ့ၣ်ၡူး သၢဘျီတဘျီလံ. ဖဲတၢ်ကတိၤတဖၣ်အံၤ ဟးထီၣ်လၢအကိာ်ပူၤဝံၤအလီၢ်ခံ စီၤပ့းတရူးနၢ်ဟူဘၣ်ဝဲ ဆီဖါအိၣ်အိထီၣ်ဝဲ ခံဘျီတဘျီန့ၣ်လီၤ.—ယိၤဟၣ် ၁၈:၂၆, ၂၇; မၢ်ကူး ၁၄:၇၁, ၇၂.
၁၇, ၁၈. (က) ဖဲစီၤပ့းတရူး သ့ၣ်ညါလီၤအသးလၢ အမၤကမၣ်ဘၣ်အသရၣ်အခါ အဝဲမၤဝဲဒ်လဲၣ်. (ခ) ဘၣ်သ့ၣ်သ့ၣ် စီၤပ့းတရူး ကဆိကမိၣ်လီၤအသးဒ်လဲၣ်.
မၢ်ကူး ၁၄:၇၂; လူၤကၣ် ၂၂:၆၁, ၆၂.
၁၇ ဖဲန့ၣ်အဆၢကတီၢ် ယ့ၣ်ၡူးဆၢထၢၣ်ဝဲလၢ ဒၢးအကစီၤထီၣ်ထီအဖီခိၣ်လီၤ. အဝဲဃၣ်ဃီၤအသးဒီး ကွၢ်ဝဲလိၤလိၤဆူ စီၤပ့းတရူးအအိၣ်န့ၣ်လီၤ. တဘျီဃီန့ၣ် စီၤပ့းတရူးသ့ၣ်ညါလီၤအသးလၢ အမၤကမၣ်ဘၣ်အသရၣ် ဒိၣ်ဝဲထဲလဲၣ်န့ၣ်လီၤ. အသးဘၣ်ဒိဒိၣ်မးအဃိ ဟးထီၣ်ကွံာ်ဝဲလၢတၢ်ချၢ ဒီးလဲၤဝဲဆူဝ့ၢ်ပူၤလီၤ. ဖဲန့ၣ်ဘၣ်လၢလါပှဲၤအနံၤအဃိ လါကပီၤလၢကျဲဒီတဘိလီၤ. ဘၣ်ဆၣ် အမဲာ်ထံ တအၢၣ်ထီၣ်ဝဲတစဲးဘၣ်တစဲးအဃိ ကွၢ်တၢ်တဖျါဂ့ၤဂ့ၤလၢၤဘၣ်. လၢခံကတၢၢ်န့ၣ် အဝဲကီၤအသးတန့ၢ်လၢၤဘၣ်ဒီး ဟီၣ်ဝဲလၢာ်သူၣ်လၢာ်သးလီၤ. —၁၈ ဖဲပှၤတဂၤဂၤသ့ၣ်ညါလီၤအသးလၢ အမၤတၢ်ကမၣ်ဖးဒိၣ်အဆၢကတီၢ်န့ၣ် ညီဝဲလၢအဝဲကတူၢ်ဘၣ်ဒ်သိး အဒိးန့ၢ်ဘၣ်တၢ်ပျၢ်တၢ်ကမၣ်တသ့လၢၤဘၣ်. ဘၣ်သ့ၣ်သ့ၣ် စီၤပ့းတရူးစ့ၢ်ကီး ကဆိကမိၣ်ဝဲဒ်န့ၣ်လီၤ. မ့ၢ်ယ့ၣ်ၡူးကပျၢ် စီၤပ့းတရူးအတၢ်ကမၣ်ဧါ.
စီၤပ့းတရူးအတၢ်ကမၣ်န့ၣ် ဘၣ်တၢ်ပျၢ်ကွံာ်အီၤကသ့ဧါ
၁၉. စီၤပ့းတရူး မၤကမၣ်တၢ်ဝံၤအလီၢ်ခံ အဝဲကတူၢ်ဘၣ်ဝဲဒ်လဲၣ်, ဘၣ်ဆၣ် အဝဲတလီၤထွံလၢ တၢ်သးအုးအပူၤန့ၣ် ပသ့ၣ်ညါဘၣ်ဒ်လဲၣ်.
၁၉ လၢဂီၤခီန့ၣ် ဖဲစီၤပ့းတရူးနၢ်ဟူဘၣ်ဝဲ တၢ်မၤအသးဒီးယ့ၣ်ၡူးအဆၢကတီၢ် အသးကဘၣ်ဒိဝဲထဲလဲၣ်န့ၣ် ပဆိကမိၣ်မးတသ့လၢၤဘၣ်. ပှၤမၤနးမၤဖှီၣ်ယ့ၣ်ၡူးတဘျုးနၣ်ရံၣ် တုၤလီၤလၢအသံဝဲတစုလီၤ. စီၤပ့းတရူးကသးဆါလီၤအသး ဒိၣ်မးလီၤ. အဝဲကဆိကမိၣ်လီၤအသးလၢ အမၤအါထီၣ်ဝဲ အသရၣ်ယ့ၣ်ၡူးအတၢ်ကီတၢ်ခဲ ဒီးယ့ၣ်ၡူးအတၢ်သူၣ်တမုာ်သးတမုာ် ဖဲအိၣ်မူဘၣ်က့ၤလၢ ဟီၣ်ခိၣ်ချၢအလီၢ်ခံကတၢၢ်တသီန့ၣ်လီၤ. စီၤပ့းတရူးအတၢ်သးအုးဒိၣ်ဝဲ ထဲလဲၣ်သနာ်က့ အဝဲတလီၤထွံကွံာ်လၢအတၢ်သးအုးအပူၤဘၣ်. လံာ်စီဆှံပာ်ဖျါထီၣ်ဝဲလၢ တယံာ်တမီၢ်န့ၣ် အဝဲက့ၤရ့ဒီး ယ့ၣ်ၡူးအပျဲၢ်အဘီၣ်လၢ အဂၤတဖၣ်လီၤ. (လူၤကၣ် ၂၄:၃၃) ဖဲနၤအဝဲန့ၣ်န့ၣ် တၢ်မၢဖိကိးဂၤဒဲးမၤကမၣ်ဘၣ်တၢ်ဘၣ်ဆၣ် ပနာ်သ့လၢအဝဲသ့ၣ် ပီၢ်ယၢ်လီၤက့ၤအသး ဒီးအဝဲသ့ၣ်ကဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.
၂၀. ပဒိးန့ၢ်ဘၣ်တၢ်မၤလိလၢ စီၤပ့းတရူးအအိၣ်ဒ်လဲၣ်.
၂၀ ဖဲအံၤပထံၣ်ဘၣ်လၢ စီၤပ့းတရူးဆၢတဲာ်တၢ်လၢ အဂ့ၤကတၢၢ်လီၤ. ယွၤအခ့အပှၤတဂၤ မ့ၢ်လီၤဃံၤဝဲဒီးမ့ၢ်မၤကမၣ်ဘၣ်တၢ်ဖးဒိၣ်သနာ်က့ အရ့ဒိၣ်လၢအဝဲ ကဂဲၤဆၢထၢၣ်ကဒါက့ၤ ဒီးဂုာ်ကျဲးစၢးမၤဂ့ၤထီၣ်က့ၤ အတၢ်အိၣ်မူန့ၣ်လီၤ. (ဖး ကတိၤဒိ ၂၄:၁၆ တက့ၢ်.) စီၤပ့းတရူးသးအုးဝဲဒိၣ်မးဘၣ်ဆၣ် ခီဖျိလၢအဝဲ အိၣ်ဖှိၣ်ရိဖှိၣ်ဒီးယ့ၣ်ၡူးအပျဲၢ် လၢအဂၤတဖၣ်အဃိ အဝဲပာ်ဖျါထီၣ်လၢ အအိၣ်ဒီးတၢ်နာ်နီၢ်နီၢ်န့ၣ်လီၤ. ဖဲပှၤတဂၤဂၤသးတမုာ်ဘၣ်အခါ ဘၣ်သ့ၣ်သ့ၣ် အဝဲကအဲၣ်ဒိးအိၣ်လၢ အကျိာ်အကျာ်န့ၣ်လီၤ. ဘၣ်ဆၣ် တၢ်အဝဲအံၤမ့ၢ်ကျဲလၢ အလီၤဘၣ်ယိၣ်တဘိလီၤ. (ကတိၤ. ၁၈:၁) ကျဲလၢအဂ့ၤကတၢၢ်န့ၣ် မ့ၢ်ဒၣ်ပဆဲးရ့ဒီး ပဒီပုၢ်ဝဲၢ်တဖၣ်ဘူးဘူးတံၢ်တံၢ် ဒီးမၤပှဲၤထီၣ်က့ၤ ပနီၢ်သးအဂံၢ်အဘါန့ၣ်လီၤ.—ဧ့ၤ. ၁၀:၂၄, ၂၅.
၂၁. ခီဖျိလၢစီၤပ့းတရူးအိၣ်ဒီး ယ့ၣ်ၡူးအပျဲၢ်အဘီၣ်လၢအဂၤတဖၣ်အဃိ နၢ်ဟူဘၣ်ဝဲ တၢ်ကစီၣ်မနုၤလဲၣ်.
၂၁ ခီဖျိလၢ စီၤပ့းတရူးအိၣ်ဒီးယ့ၣ်ၡူးအပျဲၢ်လၢအဂၤတဖၣ်အဃိ အဝဲနၢ်ဟူဘၣ်တၢ်ကစီၣ်လၢ ယ့ၣ်ၡူးအစိၣ်န့ၣ် တအိၣ်လၢတၢ်သွၣ်ခိၣ်အပူၤလၢၤဘၣ်. စီၤပ့းတရူးဒီးစီၤယိၤဟၣ် လဲၤဃ့ၢ်ဝဲဆူတၢ်သွၣ်ခိၣ်လၢ ပှၤပာ်လီၤယ့ၣ်ၡူးအစိၣ်လီၤ. ဘၣ်ဆၣ်စီၤယိၤဟၣ်လၢ အသးစၢ်န့ၢ်ဒံးစီၤပ့းတရူးန့ၣ် လဲၤတုၤဆိဝဲလီၤ. ဒီးအဝဲထံၣ်ဘၣ်ဝဲ လၢၢ်လၢပှၤကးတံာ်ဃာ်တၢ်ပူၤ အခိၣ်ထိးန့ၣ်တလ့ၣ်ကွံာ်အသးလံ. စီၤယိၤဟၣ်န့ၣ် တနုာ်လီၤဝဲဒံးဘၣ်. မ့မ့ၢ်စီၤပ့းတရူးန့ၣ် ကသါဝဲတပှဲၤဘၣ်သနာ်က့ တအိၣ်ခိးဝဲနီတစဲးဘၣ်, နုာ်လီၤဝဲတဘျီဃီလီၤ. ဘၣ်ဆၣ် တၢ်သွၣ်ခိၣ်န့ၣ် အိၣ်ခီလီလီလီၤ.—၂၂. ဘၣ်မနုၤအဃိ စီၤပ့းတရူးအတၢ်သးအုးဒီး အတၢ်သးဒ့ဒီလီၤမၢ်ကွံာ်ဝဲလဲၣ်.
၂၂ မ့ၢ်စီၤပ့းတရူးနာ်ဝဲလၢ ယ့ၣ်ၡူးဂဲၤဆၢထၢၣ်သမူထီၣ်က့ၤဝဲ သပှၢ်ကတၢၢ်ဧါ. ပှၤပိာ်မုၣ်လၢ အတီအလိၤတဖၣ် ဟဲက့ၤစိာ်တၢ်ကစီၣ်လၢ မူခိၣ်ကလူးတဖၣ်လီၣ်ဖျါထီၣ်အသးလၢ အဝဲသ့ၣ်အမဲာ်ညါဒီး ဒုးသ့ၣ်ညါအီၤလၢ ယ့ၣ်ၡူးန့ၣ်ဂဲၤဆၢထၢၣ်သမူထီၣ်က့ၤဝဲဘၣ်ဆၣ် စီၤပ့းတရူး တနာ်ဝဲတဘျီဃီဘၣ်. (လူၤကၣ် ၂၃:၅၅-၂၄:၁၁) တုၤလၢဟါလီၤခီန့ၣ် စီၤပ့းတရူးအတၢ်သးအုးဒီး အတၢ်သးဒ့ဒီန့ၣ် လီၤမၢ်ကွံာ်ဝဲလီၤ. မ့ၢ်လၢအဝဲလီၣ်ဖျါထီၣ်အသးလၢ အတၢ်မၢဖိကိးဂၤဒဲး အမဲာ်ညါအဃိလီၤ. ဘၣ်ဆၣ် တချုးလၢအဝဲလီၣ်ဖျါထီၣ်အသးလၢ အတၢ်မၢဖိကိးဂၤဒဲးအမဲာ်ညါန့ၣ် အဝဲလီၣ်ဖျါထီၣ်ဆိအသးလၢ စီၤပ့းတရူးအမဲာ်ညါ ဖဲအဝဲသ့ၣ်အိၣ်ထဲခံဂၤဧိၤအဆၢကတီၢ်န့ၣ်လီၤ. မုၢ်နံၤအဝဲန့ၣ် တၢ်မၢဖိတဖၣ်စံးဝဲလၢ “ကစၢ်ဂဲၤဆၢထၢၣ်က့ၤလံနီၢ်နီၢ်, ဒီးဒုးနဲၣ်လံအသးလၢ စီၤၡံမိၣ်လံ.” (လူၤကၣ် ၂၄:၃၄) တကးဒံးဘၣ် တၢ်မၢဖိပီလူးကွဲးဝဲလၢ မုၢ်နံၤအဝဲန့ၣ် “စီၤက့ၤဖးထံၣ်ဘၣ်အီၤ [ယ့ၣ်ၡူး], ဒီးလၢခံက့ၤပှၤတဆံခံဂၤလီၤ.” (၁ ကရံၣ်. ၁၅:၅) စီၤၡံမိၣ်ဒီးစီၤက့ၤဖးန့ၣ် မ့ၢ်ဝဲစီၤပ့းတရူးအမံၤ လၢအဂၤခံဖျၢၣ်လီၤ.
စီၤပ့းတရူး မၤကမၣ်တၢ်အါမံၤအဃိ လိၣ်ဘၣ်ဝဲအကစၢ်ယ့ၣ်ၡူး အတၢ်ပျၢ် အတၢ်ကမၣ်အါမး, ဘၣ်ဆၣ် ပဝဲစ့ၢ်ကီး ပလိၣ်ဘၣ် တၢ်ပျၢ်ပတၢ်ကမၣ်ကိးနံၤဒဲးလီၤ
၂၃. မုၢ်မဆါတနံၤညါအံၤ ဘၣ်မနုၤအဃိလၢ ခရံာ်ဖိလၢအမၤတၢ်ကမၣ်န့ၣ် ကဘၣ်သ့ၣ်နီၣ်ထီၣ်က့ၤ စီၤပ့းတရူးအတၢ်လဲၤခီဖျိလဲၣ်.
၂၃ ဖဲစီၤပ့းတရူးဒီး ယ့ၣ်ၡူးထံၣ်လိာ်က့ၤအသး ထဲခံဂၤအဆၢကတီၢ် တၢ်မၤအသးဒ်လဲၣ်န့ၣ် လံာ်စီဆှံတပာ်ဖျါထီၣ်ဝဲဘၣ်. ဖဲစီၤပ့းတရူးထံၣ်လိာ်က့ၤအသးဒီး အသရၣ်လၢအအဲၣ်ဘၣ်အီၤတဂၤအံၤ ဒီးဖဲအဝဲပာ်ဖျါထီၣ်အတၢ်သးအုး ဒီးတၢ်ပီၢ်ယၢ်လီၤက့ၤအသးအဆၢကတီၢ် အသးကဟူးဝးဝဲထဲလဲၣ်န့ၣ် ဆိကမိၣ်ကွၢ်တက့ၢ်. တၢ်လၢစီၤပ့းတရူး လီကီဝဲအဒိၣ်ကတၢၢ်န့ၣ် မ့ၢ်ဝဲတၢ်ပျၢ်တၢ်ကမၣ်လီၤ. ပနာ်သ့သပှၢ်ကတၢၢ်လၢ ယ့ၣ်ၡူးပျၢ်ကွံာ်ဝဲ စီၤပ့းတရူးအတၢ်ကမၣ် လၢလၢပှဲၤပှဲၤန့ၣ်လီၤ. မုၢ်မဆါတနံၤညါအံၤ ခရံာ်ဖိတဖၣ်လၢအမၤဘၣ်တၢ်ကမၣ်န့ၣ် ကဘၣ်သ့ၣ်နီၣ်ထီၣ်က့ၤ စီၤပ့းတရူးအတၢ်လဲၤခီဖျိလီၤ. ယ့ၣ်ၡူးပာ်ဖျါထီၣ်က့ၤအပၢ်အတၢ်ဂ့ၤတၢ်ဝါတဖၣ် လၢလၢပှဲၤပှဲၤ အဃိပသ့ၣ်ညါဘၣ်လၢပၢ်စ့ၢ်ကီး “ကပျၢ်တၢ်အါအါကလဲာ်လီၤ.” လၢတၢ်န့ၣ်အဃိ ပတကြၢးဆိကမိၣ်လၢ ကစၢ်ယွၤပျၢ်ကွံာ်ပတၢ်ကမၣ် တသ့ဘၣ်န့ၣ်ဘၣ်.—ၡါ. ၅၅:၇.
တၢ်အုၣ်အသးအဂၤတဖၣ်လၢ စီၤပ့းတရူးအတၢ်ကမၣ်ပျၢ်ကွံာ်ဝဲ
၂၄, ၂၅. (က) ဖဲစီၤပ့းတရူး ဃုအီၣ်ညၣ်လၢပီၣ်လဲၣ်ကၤလံၤလါ အဆၢကတီၢ် တၢ်မၤအသးဒ်လဲၣ်. (ခ) ဖဲယ့ၣ်ၡူးမၤဝဲ တၢ်လီၤလးလၢမုၢ်ဆ့ၣ်ဝါထီၣ်အခါန့ၣ် စီၤပ့းတရူးမၤဝဲဒ်လဲၣ်.
၂၄ ယ့ၣ်ၡူးမၢအတၢ်မၢဖိတဖၣ် လဲၤဆူဝ့ၢ်ကၤလံၤလါလီၤ. ဖဲအဝဲသ့ၣ် လဲၤတုၤဝဲအခါ စီၤပ့းတရူးဒီး ပှၤအဂၤတနီၤလဲၤမၤအီၣ်ညၣ်လၢ ပီၣ်လဲၣ်ကၤလံၤလါန့ၣ်လီၤ. လၢညါစီၤပ့းတရူး မ့ၢ်တ့ၢ်ပှၤမး. ၂၆:၃၂; ယိၤဟၣ် ၂၁:၁-၃.
မၤအီၣ်ညၣ်ဖိလၢ ပီၣ်လဲၣ်ကၤလံၤလါ အါနံၣ်အါလါအဃိ ဖဲအဝဲနၢ်ဟူဘၣ် ချံသီၣ်ထီၣ်ဝဲကြံးကြံးကြံး, ထံၣ်ဘၣ်ဝဲပီၣ်လဲၣ်အလပီ ဒီးဖီၣ်ထီၣ်ဝဲပှာ်အခါ အသးကမုာ်ဒိၣ်မးလီၤ. နၤအဝဲန့ၣ် အဝဲသ့ၣ်ဃုအီၣ်ညၣ် တန့ၢ်နီတဘ့ၣ်ဘၣ်.—၂၅ ဖဲမုၢ်ဆ့ၣ်ဝါထီၣ်န့ၣ် ပှၤတဂၤအိၣ်လၢပီၣ်လဲၣ်ကၢၢ်နံၤဒီး မၢအဝဲသ့ၣ်ကွံာ်လီၤဝဲအပှာ်လၢ ချံအထွဲတခီလီၤ. ခီဖျိလၢအဝဲသ့ၣ်မၤဝဲဒ် ပှၤတဂၤအံၤတဲဝဲအဃိ အဝဲသ့ၣ်ဖီၣ်န့ၢ်ညၣ် ၁၅၃ ဘ့ၣ်န့ၣ်လီၤ. ပှၤအံၤမ့ၢ်မတၤတဂၤလဲၣ်န့ၣ် စီၤပ့းတရူးသ့ၣ်ညါဝဲလံ. အဝဲစံၣ်လီၤလၢထံကျါ ဒီးပီၢ်ထံဆူထံကၢၢ်နံၤန့ၣ်လီၤ. ဖဲန့ၣ်န့ၣ် ယ့ၣ်ၡူးဒုးအီၣ်ဒုးအီဝဲ အတံၤသကိးလၢအတီဒီးအီၤတဖၣ်လၢ ညၣ်ကၣ်လီၤ. ဒီးယ့ၣ်ၡူးစးထီၣ်ကတိၤတၢ်ဒီး စီၤပ့းတရူးန့ၣ်လီၤ.—ယိၤဟၣ် ၂၁:၄-၁၄.
၂၆, ၂၇. (က) ယ့ၣ်ၡူးဟ့ၣ်စီၤပ့းတရူး တၢ်ခွဲးတၢ်ယာ်လၢ အကမၤဝဲတၢ်မနုၤလဲၣ်. (ခ) ယ့ၣ်ၡူးပျၢ်ကွံာ် စီၤပ့းတရူးအတၢ်ကမၣ် လၢလၢပှဲၤပှဲၤန့ၣ် ပာ်ဖျါထီၣ်ဝဲဒ်လဲၣ်.
လူၤကၣ် ၂၂:၃၂; ယိၤဟၣ် ၂၁:၁၅-၁၇.
၂၆ ဖဲယ့ၣ်ၡူးသံကွၢ်စီၤပ့းတရူးလၢ “မ့ၢ်နအဲၣ်ယၤအါန့ၢ် အဝဲသ့ၣ်တဖၣ်န့ၣ်ဧါ” အခါ— ဖျါလၢအဝဲအဲၣ်ဒိးတဲဝဲဘၣ်ဃးဒီး ညၣ်လၢအဝဲသ့ၣ်ဖီၣ်န့ၢ်ဝဲတဖၣ်လီၤ. မ့ၢ်စီၤပ့းတရူးအဲၣ် တၢ်မၤညၣ်အတၢ်မၤန့ၣ် ကဒိၣ်န့ၢ်ဒံးအတၢ်အဲၣ်ယ့ၣ်ၡူးဧါ. ဒ်စီၤပ့းတရူးသမၢဝဲယ့ၣ်ၡူးသၢဘျီအသိး ယ့ၣ်ၡူးဟ့ၣ်အီၤတၢ်ခွဲးတၢ်ယာ်လၢ ကပာ်ဖျါထီၣ်ဝဲ အတၢ်အဲၣ်လၢအတံၤသကိးတဖၣ်အမဲာ်ညါ သၢဘျီန့ၣ်လီၤ. တကးဒံးဘၣ် ယ့ၣ်ၡူးတဲဘၣ်အီၤလၢ အဝဲမ့ၢ်အဲၣ်ဒိးပာ်ဖျါထီၣ် အတၢ်အဲၣ်အီၤန့ၣ် အဝဲကဘၣ်ပာ်ဆိ ယွၤအတၢ်ဘၣ်သးလၢညါလီၤ. လၢတၢ်န့ၣ်အဃိ စီၤပ့းတရူး ကဘၣ်ဒုးအီၣ်ဒုးအီ, ဟ့ၣ်ဂံၢ်ဟ့ၣ်ဘါဒီး အံးထွဲကွၢ်ထွဲဝဲ ယ့ၣ်ၡူးအသိန့ၣ်လီၤ.—၂၇ ဖဲအံၤပထံၣ်ဘၣ်လၢ ယ့ၣ်ၡူးဒုးနာ်န့ၢ်စီၤပ့းတရူးလၢ အဝဲမ့ၢ်ပှၤလၢအလုၢ်ဒိၣ်ပှ့ၤဒိၣ်လၢအဂီၢ်လီၤ. ဒီးစီၤပ့းတရူးကအိၣ်ဒီး မူဒါအရ့ဒိၣ်တခါလၢ တၢ်အိၣ်ဖှိၣ်အပူၤန့ၣ်လီၤ. လၢတၢ်န့ၣ်အဃိ စီၤပ့းတရူးသ့ၣ်ညါဘၣ်လၢ ယ့ၣ်ၡူးပျၢ်ကွံာ်အတၢ်ကမၣ် လၢလၢပှဲၤပှဲၤလီၤ. ယ့ၣ်ၡူးအတၢ်သးကညီၤန့ၣ် ထုးန့ၢ်စီၤပ့းတရူးအသးဒိၣ်မး ဒီးအဝဲကဟံးန့ၢ်တၢ်မၤလိ လၢအတၢ်လဲၤခီဖျိအပူၤလီၤ.
၂၈. စီၤပ့းတရူးကဲထီၣ်ဝဲဒ်လၢၢ်အသိး လၢကျဲဒ်လဲၣ်.
၂၈ စီၤပ့းတရူး မၤလၢပှဲၤအမူဒါလၢတၢ်သးတီ လၢအါနံၣ်အါလါအတီၢ်ပူၤန့ၣ်လီၤ. ဒီးအဝဲဟ့ၣ်ဂံၢ်ဟ့ၣ်ဘါအဒီပုၢ်ဝဲၢ်တဖၣ် ဒ်ယ့ၣ်ၡူးမၤလိာ်တ့ၢ်အီၤအသိးန့ၣ်လီၤ. စီၤပ့းတရူး ဂုာ်ကျဲးစၢးဒုးအီၣ်ဒုးအီ ဒီးအံးထွဲကွၢ်ထွဲဝဲ ယ့ၣ်ၡူးအပျဲၢ်အဘီၣ်တဖၣ်လၢ တၢ်သူၣ်စူၤသးစူၤအပူၤလီၤ. လၢညါန့ၣ်ယ့ၣ်ၡူးယုၢ်န့ၢ်ဝဲ စီၤၡံမိၣ်အမံၤလၢ စီၤပ့းတရူး လၢအခီပညီမ့ၢ်ဝဲလၢၢ်လီၤ. ဒီးလၢခရံာ်ဖိတၢ်အိၣ်ဖှိၣ်အပူၤ စီၤပ့းတရူးမ့ၢ်တ့ၢ်ဒ်လၢၢ်အသိး ခီဖျိလၢအဝဲကဲထီၣ်ပှၤလၢ အတၢ်နာ်ဂၢၢ်ကျၢၤ, တၢ်နာ်န့ၢ်အီၤသ့ ဒီးအဂံၢ်ဆူၣ်ဘါဆူၣ်လၢ နီၢ်သးတခီန့ၣ်လီၤ. လံာ်ပရၢခံဘ့ၣ်လၢ စီၤပ့းတရူးကွဲးဝဲလၢ လံာ်စီဆှံအပူၤန့ၣ် ပာ်ဖျါထီၣ်ဝဲလၢ အဝဲတသးပ့ၤနီၣ်ကွံာ် တၢ်မၤလိလၢယ့ၣ်ၡူးသိၣ်လိအီၤ ဘၣ်ဃးဒီးတၢ်ပျၢ်တၢ်ကမၣ်ဘၣ်.—ဖး ၁ ပ့းတရူး ၃:၈, ၉; ၄:၈ တက့ၢ်.
၂၉. ပကွၢ်လိမၤဒိးစီၤပ့းတရူးအတၢ်နာ်ဒီး ယ့ၣ်ၡူးအတၢ်သးကညီၤကသ့ဒ်လဲၣ်.
၂၉ မ်ပဝဲကိးဂၤဒဲး ဟံးန့ၢ်တၢ်မၤလိလၢ ယ့ၣ်ၡူးဒီးစီၤပ့းတရူးအအိၣ်တက့ၢ်. ကိးနံၤဒဲးန့ၣ် မ့ၢ်ပဃ့ပျၢ်ကွံာ်ပတၢ်ကမၣ်လၢ ယဟိဝၤယွၤအအိၣ်ဧါ. မ့ၢ်ပတူၢ်လိာ်ဒီးနာ်လၢ ကစၢ်ယွၤပျၢ်ကွံာ်ပတၢ်ကမၣ်ဧါ. ဒီးမ့ၢ်ပပျၢ်ကွံာ် ပှၤဂၤအတၢ်ကမၣ်စ့ၢ်ကီးဧါ. ပမ့ၢ်မၤဒ်န့ၣ်န့ၣ် မ့ၢ်ပကွၢ်လိမၤဒိးစီၤပ့းတရူးအတၢ်နာ်ဒီး ပကစၢ်ယ့ၣ်ၡူးခရံာ် အတၢ်သးကညီၤန့ၣ်လီၤ.