‘Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ Miˬyehˇ siˆ shawˇ nehˬ tehꞈ-a. Shiˇ-eu jeˬ maˬ paˇ jaˆ-ehˇ, noeˬ shaˬ noeˬ zahˬ-eu jeˬ, ngoeˇ-eu jeˬ hawˇ-eu, naˇ-eu gawˇ-eu jeˬ maˬ paˇ jaˆ meh.’—Pah mehˬ-eu 21:3, 4.

Aˬ dui-euˬ shaˬ zahˬ Miˬyehˇ neh bi pyeuꞈ laˇ-euˬ maˬ ngeuˇ-eu lehˇ jah ziꞈ nya.—Yaˬkoˆ 1:13.

Aˬ dui-euˬ shaˬ zahˬ-ahˇ Miˬyehˇ mawˇ luꞈ ngaˇ lehˇ ya siˬ-euˬ g’aˬ ahˇ laˇ.—Zaˬkaˬliˇ 2:8.

Shaˬ zahˬ dawˬ tawˆ luꞈ byoˆ-iˇ jiˇ meh lehˇ noeˬ tmˬ nya.—Ja ceuˬ 37:9-11.

Jah nya-eu yaw teˬ nyiˬ kawˆ jaˆ meh.

• Miˬyehˇ shaˬ-eu zahˬ-eu jeˬ hawˇ-eu maˬ tsaˬ maˬ dawˇ-eu jeˬ-ahˇ bye. Jaˇliꞈ saˇ ka-ahˇ Yeˬhawˇbaˬ Miˬyehˇ-euˬ tsawˇ haˬ deuˬ maˬ tsaˬ maˬ dawˇ-eu jeˬ-ahˇ ya daˬ ngeh, Yeˬhawˇbaˬ-ahˇ aˬ joˆ-ehˇ g’eh leˇ-eu nga lehˇ shaˇ noeˬ haw sheˇ. Jaˇliꞈ laꞈ k’oeˇ “k’ehˬ-eu k’aˆ-eu jeˬ-ahˇ aˬ yawꞈ maꞈ ya daˬ-awˇ mahˇ luꞈ-eu teˇ saˇ-ahˇ Sahˬpaˬ Miˬyehˇ ya gaˬ ngeh, aˬ yawꞈ maꞈ-ahˇ g’awˬ shaˬ gaˬ-euˬ meh” lehˇ ehˇ taˬ-euˬ meh.—Yaˇk’aˬdaˇ-eu 2:18.

  Miˬyehˇ aˬ cawˬ-ahˇ yaw doeˇ jahˇ-eu deuˬ-ahˇ bye-eu meh. Yaw jeˬ ma jeˬ, Jaˇliꞈ-ahˇ “maˬ bahˬ-eu tsawˇ haˬ-ahˇ sehꞈ-eu aˬ laꞈ”-ahˇ Miˬyehˇ bye-eu meh lehˇ ehˇ taˬ-euˬ meh.—Dawˬdaˬ 6:16, 17.

• Miˬyehˇ aˬ dui aˬ yawꞈ g’aˬ yawꞈ-ahˇ k’ahˬ lahˇ. Aˬ dui aˬ yawꞈ g’aˬ yawꞈ tehꞈ-ehˇ noeˬ ‘shaˬ noeˬ zahˬ-eu jeˬ’-ahˇ siˬ nya-eu maˬ ngeuˇ-a, Yeˬhawˇbaˬ k’awꞈ siˬ nya meh.—2 Laˬsaˬbaˬ 6:29, 30.

  G’awˬ myahˇ maˬ g’eh-ehˇ Yeˬhawˇbaˬ aˬ yawꞈ-euˬ Miˇk’ahˬ-ahˇ zmˬ-awˇ, aˬ yawꞈ g’aˬ yawꞈ-euˬ shaˬ zahˬ dawˬ tawˆ luꞈ-ahˇ laˆ byoˆ jiˇ nehˬ-eu meh. (Maꞈtehˬ 6:9, 10) Nymˬ-mˇ k’awꞈ, aˬ yawꞈ-ahˇ nui ma dawˇ coe ni taˬ-awˇ, leh jeh-awˇ shaˇ poˆ luꞈ-eu deuˬ-ahˇ ngehˬ g’eh nehˬ luꞈ-eu meh.—G’aˬk’ehˇ 17:27; 2 Gawˇliˬtu 1:3, 4.