¿Abpeay may kutrankawün kiñe antü?
Eymi, ¿chem piabüymi . . .
-
... may, piabüymi?
-
... bemlay, piabüymi?
-
... bemkay chi may?
BIBLIA EYPI
‘Ngünechen [...] angkümtoy külle, bey ngewelay lan, ngüman no ume, eyütun no ume, kutrantun no ume. Itrokom tati mülekebülu kuybingetolu.’ (Apokalipsi 21:3, 4, Ngünechen ñi Küme Dungu.)
¿CHUMNGECHI KELLUABEYMU TÜBA?
Eymi küme kimaymi Chaw Dio tañi wülkenon weyake dungu (Santiaw 1:13).
Yabülabeymu tami kimün Chaw Dio müna kutranduamyeymu tami kutrankawkülen (Zacarías 2:8).
Maneluwküleaymi ngewenolu kutrankawün küpalechi antü mu (Salmo 37:9-11).
¿RÜB MUPITUPEABÜIÑ MAY CHEM PIN TA BIBLIA?
May, peabiyiñ epu dungu müten:
-
Chaw Dio üdekebi ti kutrankawün ka norngenochi dungu. Kuybi mu Chaw Jewba kutrantuy tañi piwke kutrankañmangelu tañi pu che. Biblia eypi weñangküy tañi piwke “yammangekelabüy” tañi pu che (Jueces 2:18, Traducción del Nuevo Mundo).
Chaw Ngünechen ayükelay kutrankangel ka che. Beymu Biblia eypi kidu üdeki “tati che langümlu kangelu chumkenochi che” (Proverbios 6:16, 17).
-
Chaw Ngünechen duamni itrobill che. Jewba yabülneiñmu taiñ elkünol itrokom rakiduam kidu mu, ‘kidu am piwkeyenetu ta iñchiñ’ (1 Pedro 5:7).
Chaw Ngünechen pür apümtoy itrobill che ñi kutrankawün kidu ta ngünenele Mapu (Matew 6:9, 10, Traducción del Nuevo Mundo). Chaw Ngünechen bewla piwkeyen mu, yabülnebi kom che tati küpa kimlu iñi ngen rüb piwke mu (Hecho 17:27; 2 Korintio 1:3, 4).
RAMTUWNGE
Chaw Ngünechen ¿chemu elkünoki kutrankawün?
Kintuaymi llowdungun Biblia mu ROMANU 5:12 ka 2 PEDRO 3:9.