“Lesa . . . akafuuta ifilamba fyonse ku menso yabo, ne mfwa tayakabeko na kabili, takwakabe ukucula, ukuloosha, nangu ukukalipwa.”—Ukusokolola 21:3, 4, e fyo calembwa muli Baibolo ya Contemporary English Version.

Tuleshiba ukuti Lesa te ulenga ukuti tuleba na mafya.—Yakobo 1:13.

Tulasansamushiwa pantu tuleshiba ukuti Lesa alomfwa ububi nga amona tulecula.—Sekaria 2:8.

Tulakwata isubilo lya kuti ukucula konse kukapwa.—Amalumbo 37:9-11.

Ee, pantu kwaliba ifintu fibili ifingalenga ukuti tusumine:

• Lesa tomfwa bwino abantu nga balecula no kufyengwa. Belengeni ifyo Yehova Lesa aumfwile ilyo abantu bakwe balebacusha. Baibolo itila Lesa alyumfwile ububi pa fyo “balebacusha.”—Abapingushi 2:18, e fyo calembwa muli Baibolo Amalembo ya Calo Cipya.

  Lesa tatemwa nga amona bamo balecusha abantu banabo. Ku ca kumwenako, Baibolo itila Lesa alipata “iminwe iisumya umulopa wa kaele.”—Amapinda 6:16, 17.

• Bonse fye Lesa alatubikako amano. Nga filya fine umuntu eshiba ‘icikuko cakwe no kukalipwa kwakwe,’ e fyo na Yehova eshiba ukukalipwa kwa muntu.—2 Imilandu 6:29, 30.

  Yehova nomba line akabomfya Ubufumu bwakwe ukupwisha ukucula kwa muntu umo umo. (Mateo 6:9, 10). Pali ino nshita Yehova alasansamusha abantu abafwaya ukumwishiba.—Imilimo 17:27; 2 Abena Korinti 1:3, 4.