«Ha Dios [...] olsukanel yal sat hebʼ. Ataʼ manhxalaj chamel, ma okʼel, manhxalaj kuskʼolal, manhxa paxlaj yaʼelal.» (Apocalipsis [Revelación]21:3,4, A Chʼan̈ Biblia Dʼa Chuj San Mateo. Sociedad Bíblica de Guatemala. Ixkʼexchaj stzʼibʼul.)

Olkojtakejeli to manhoklaj Komam Dios tzʼakʼankot koyaʼelal (Santiago 1:13).

Olakʼchaj sniwanil kokʼoʼol, ha olkabʼaneli to ha Komam Dios syabʼ pax syaʼil ketʼok (Zacarías 2:8).

Olkakʼoch tʼa kokʼoʼol to ha tʼa jun tiempoʼal oljawok, ol-lajwel masanil koyaʼelal (Salmo 37:9-11).

Hiʼ, yuj chabʼ tas skil tʼatik:

• Ha Dios schakel masanil yaʼelal winh yetʼ juntzanh tas manh tojoloklaj. Tas ixʼaj yilanoch Jehová ha ixʼixtax schonhabʼ winh tʼa pekaʼ chiʼ? Ha chʼanh Biblia tzʼalani to okʼnak skʼoʼol winh ha ste ixtaxnak hebʼ chiʼ, yuj juntzanhxo chonhabʼ «tzʼel yaw hebʼ yuj yabʼan syaʼil yuj hebʼ yajkʼoʼol chiʼ» (Jueces 2:18).

  Ha Komam Dios schakel juntzanh anima syixtej hebʼ yetanimaʼil. Ha chʼanh Biblia syalaʼ to schichonoch skʼoʼol tʼa «makʼojcham anima, malaj smul» (Proverbios 6:16, 17).

• Ay yelkʼoch junjun anima tʼa sat Dios. Wachʼxom haʼ anaʼani to ha hachnhej ojtak hayaʼelal yetʼ haskuskʼolal. Tʼawalyel ha Jehová ay yilkʼolal winh kuʼuj (2 Crónicas 6:29, 30).

  Ha yajalil Komam Dios chiʼ, toxo olyakʼlajwok masanil syaʼelal hebʼ anima (Mateo 6:9, 10). Palta, yik manto sbʼolaj winh syakʼ sniwanil skʼoʼol hebʼ anima tzekʼ sayanekʼ winh tʼa smasanil skʼoʼol (Hechos 17:27; 2 Corintios 1:3, 4).