¿Kʼo komä jun qʼij ma xtqatäj ta chik poqän?
¿Naʼij rït chë...
-
... jaʼ?
-
... manä?
-
... rkʼë jbʼaʼ?
RI NUʼIJ LE BIBLIA
«Dios [...]xtsuʼ ruyiʼal ri runaqʼ kiwäch, y ma xtjeʼ ta chik kamïk, bʼis, oqʼej nixta tyowen» (Apocalipsis 21:3, 4, Traducción del Nuevo Mundo, 2019).
¿ACHKË UTZIL NUKʼÄM PÄ PA QAWIʼ RI NQATAMAJ RIʼ?
Nqʼalajin chqawäch chë ma yë ta Dios nyaʼö kʼayewal pa qawiʼ (Santiago 1:13).
Nukʼuqbʼaʼ qakʼuʼx nqatamaj chë Dios kan nqʼax chwäch ri nqanaʼ (Zacarías 2:8).
Nukʼuqbʼaʼ qakʼuʼx chë chqawäch apü majun ta jun xtbʼanö chë xtqatäj poqän (Salmo 37:9-11).
¿ACHKË RMA ÜTZ NQANMAJ RI NUʼIJ LE BIBLIA?
Rma re kaʼiʼ naʼoj reʼ:
-
Dios nutzelaj ri tijöj poqonal chqä ri itzelal. ¿Achkë xnaʼ Jehová taq xeyaʼöx kʼayewal pa ruwiʼ rutinamit ojer? Le Biblia nuʼij chë Jehová kan poqän xnaʼ ran taq xbʼanatäj riʼ (Jueces 2:18).
Dios yerutzelaj ri winäq ri nkiyaʼ kʼayewal pa kiwiʼ nkʼaj chik. Jun tzʼetbʼäl, le Biblia nuʼij chë Dios itzel yerutzʼët ri winäq ri yekamsan (Proverbios 6:16, 17).
-
Chwäch Dios, röj kan janina qaqʼij. Rkʼë jbʼaʼ nachʼöbʼ chë xa xuʼ rït ataman ri kʼayewal najin naqʼaxaj, ye kʼa Jehová chqä retaman ri najin nbʼanatäj awkʼë (2 Crónicas 6:29, 30, nota).
Xa jbʼaʼ chik apü, Dios xtksaj ri Ruqʼatbʼäl Tzij rchë xtchüp ruwäch ri tijöj poqonal ri nkiqʼaxaj ri winäq (Mateo 6:9, 10). Loman nbʼanatäj riʼ, ryä najin nukʼuqbʼaʼ kikʼuʼx jontir winäq ri kan rkʼë ronojel kan nkajoʼ nkiyaʼ ruqʼij (Hechos 17:27; 2 Corintios 1:3, 4).
TAKʼUTUJ QA REʼ CHAWÄCH
¿Achkë rma Dios nuyaʼ qʼij chë nqatäj poqän?
Ri ruqʼalajsaxik re kʼutunïk reʼ xtawïl chpan ROMANOS 5:12 y chpan 2 PEDRO 3:9.
Rkʼë jbʼaʼ nawajoʼ natzʼët chqä reʼ
TATAMAJ MÁS CHRIJ LE BIBLIA
¿Achkë rma ütz nqatjoj qiʼ chrij le Biblia? (versión completa)
Pa millón chkë ri winäq ronojel ruwachʼulew kilon chpan le Biblia ri kiqʼalajsaxik ri kʼutunïk ri kan kʼo kejqalen. ¿Nawajoʼ natamaj kiqʼalajsaxik rït chqä?
