«Jlan Dios tetufkʼenamola lilujay lin shanúkʼ [...]. Ijlpe litine a-i mi-iya kamaya [...]. A-i mijolijkonayaku, a-i mitelkonayaku kumla.» (Apocalipsis 21:4, Lataiki Loya-apa Ijle Alkʼa Lishpikʼepa Jlan Dios.)

Lapejme al jlinka jlan Dios a-i malunme-en-a lanaykoya (Santiago 1:13).

Aspaimon-a kata lapejme jlan Dios tishin-ufkojma malumlejmon-a (Zacarías 2:8).

Ajl wayma litine nij naitsi menaykoya (Salmo 37:9-11).

Maitsi, tipa-a tama oke lotalay-epa:

• Jlan Dios a-i kipikʼa lanaykoya je pe a-i jlijka. ¿Te ki shin-ufkopa Jeoba lekʼa litejlmimpa lipijlya? Al Biblia tikua umlekʼopa lishimpa okuenaye kijlolowjlia lekʼa litejlmimpa lipijlya (Jueces 2:18).

  Jlan Dios ipilayk jlanaykʼmipa lekʼa jli fʼas shanúkʼ. Al Biblia tikua jlan Dios ipilayk kal shans jlo ma-apa jli fʼas shans (Proverbios 6:16, 17).

• Jlan Dios lawenkʼen-a anuli anuli. A-i mokoma lekʼa ima tsʼoshina lufmuyaykopá al jlinka Jeoba joukʼa tishin-ufma (2 Crónicas 6:29, 30).

Nouna jli founajl kan Dios, tujuatsay-enama lanaykopa anuli anuli lin shanúkʼ (Mateo 6:9, 10). Ayjya ti kuay-ewa ijlíya, jlan Dios tishpaila kileta polofʼka laywejkopá (Hechos 17:27; 2 Corintios 1:3, 4).