Itá Riáfféú Epwe Úkúló?
Kopwe itá apasa . . .
-
ewer?
-
aapw?
-
neman?
MINNE EWE PAIPEL A APASA
“Kot . . . epwe talüpwasei chönün mas seni won meser meinisin. Esap chüen wor mäla ika letipeta ika kechü ika cheuch.”—Pwärätä 21:3, 4, Paipel are Testamentin Lom me Testament Söfö.
IFA USUN ENA PWÓRÓUS EPWE ÁLISUK
A anúkúnúkúkich pwe esap efisien Kot ach kewe osukosuk.—James 1:13.
A oururukich ren ach silei pwe Kot mi unusen weweitikich atun sia kúna riáfféú.—Sekaraia 2:8.
Ngenikich ápilúkúlúk pwe riáfféú meinisin repwe wesiló.—Kölfel 37:9-11.
KICH MI TONGENI WESEWESEN LÚKÚ MET PAIPEL A APASA?
Ewer, ikkeei ruu popun:
-
Kot a oput riáfféú me pwúngúngaw. Ekieki meefien Jiowa Kot atun néún kewe aramas lóóm ra kúna kirikiringaw. Paipel a apasa pwe i a letipengaw pokiten “chokewe mi . . . aweiresiir.”—Soukapwüng 2:18.
Kot a oputa chókkewe mi efeiengawa ekkewe ekkóch. Áwewe chék, ewe Paipel a apasa pwe “pau mi niela aramas esap wor ar tipis,” ra ánioput me ren.—Än Salomon Fos 6:16, 17.
-
Kot a tongei emén me emén leich. Esap chék ewe emén a silei “riaföün püsin lelukan,” nge pwal Jiowa!—2 Kronika 6:29, 30.
Jiowa epwe áeá an we Mwú pwe epwele aúkaló án emén me emén riáfféú. (Mateus 6:9, 10) Nge ren mwo iei, fán tong a oururu chókkewe mi enletin kútta i.—Föför 17:27; 2 Korint 1:3, 4.