Iai te tai ae e na akea iai te rawawata?
Ko kona ni kangai . . .
-
eng?
-
akea?
-
tao?
TE BAE E TAEKINAKI N TE BAIBARA
“Ao te Atua . . . e na kaoa te rannimata ni kabane mai mataia, ao e nang akea riki te mate, ke te nanokawaki ke te tang ke te maraki.”
MANENANA IBUKIM
E karaunano ataakin ae bon tiaki te Atua ae karikii ara kangaanga.
E kabebetenano ataakin ae e atai ara namakin ni kabane te Atua ngkana ti karawawataaki.
E kantaningaaki bwa e na toki te rawawata ni kabane.
TI KONA N ONIMAKINA RAOI TE BAE E TAEKINAKI N TE BAIBARA
Eng, bwa iai bukina aika uoua:
-
E ribaa te rawawata te Atua ao te ribuaka. Iangoa aron ana namakin Iehova ae te Atua ngkana a bwainikirinaki n te aro ae rangi n iowawa, ana aomata n taai ake e koreaki iai te Baibara. E taekinaki n te Baibara bwa e rawawata nanona irouia te koraki ake a “bainikirinia” ana aomata.
—Taani Motikitaeka 2:18, Te Baibara. E korakora rotakin te Atua irouia te koraki ake a karawawataia tabemwaang. N te katoto, e taekinaki n te Baibara bwa a aki kona n taraaki irouna “baai aika katutua te raraa ae akea ana bure.”
—Taeka N Rabakau 6:16, 17. -
E tabeakinira n tatabemanira nako te Atua. Tiaki tii aomata n tatabemania nako n atai “kain nanoia ma rawawataia,” ma e atai naba Iehova!
—2 Rongorongo 6:29, 30.
E nang waekoa Iehova ni katoki rawawataia aomata n tatabemania nako rinanon ana Tautaeka. (Mataio 6:9, 10) Mangkai ni karokoa te tai anne, ao e kabebetei nanoia te koraki ake a ukeria.
TE BAE TI NA IANGOIA
Bukin tera bwa e aki katoka te rawawata te Atua?
E kaekaaki te titiraki anne n te Baibara n I-ROM 5:12 ao 2 BETERO 3:9.