‘Ɲɔnsoa muɛn ˈˈmiinin anˈ klɛɛ nɩan ˈdhe ʋbʋ ˈˈjhri ˈsran-, ˈmean ˈse i -nɩn -dheeˈ ka, ˈkwɛ ˈse i -nɩn in, zrɛ -e ipʋʋa ˈse i -nɩn in -dheeɩ ka.’​—Révélation 21:3, 4, Traduction du monde nouveau.

-Ka ɛ sea Ɲɔnsoa -a ˈˈdu -aʋ- ˈkle -nɩn ɛn, ɛɛˈ jhibhɛ-.​—Jacques 1:13.

-Ka ɲiɔn ɔnˈ ˈklejheɛ ɛ kpʋan Ɲɔnsoa -glʋˈ ɛ, -bho jhibhi ɛˈ, ɛɛ muɛn -ʋn -pɛɛ ˈdhii -de.​—Zacharie 2:8

-Man muɛn ˈklejheɛ- ɛˈ i-gweɛ- -pɛɛ ˈˈɩ -tbha.​—Psaume 37:9-11.

Ɛɛn, dhɩ aˈ kpɛ ˈsɔɔn nɩn anˈ dɩ:

• Dhɩ sea ˈˈɩˈsrɛ -ɩan- nʋʋan -e -glɔɲiɔn ɔnˈ ˈklejheɛ- -e, ɩan ɲaan Ɲɔnsoa i. Ɲɔnsoa Zoova aˈ ˈcɛ, -ʋaˈ -bo nɩan ˈe Biiblʋ ˈdhi ɛ, -da ʋʋ nɩan ˈe ˈklejheɛ ɛˈ nɛn ˈzɔn -dhe ɛ, Biiblʋ ˈnaan, ɛɛ kpʋɔn -glʋˈ -dhe ˈjɛɛn-.​—Juges 2:18, Traduction du monde nouvau.

  Ɲʋn -ʋa- nʋan ɲʋn -ˈnʋʋn dhɩsaɩn- ˈˈjhrii ɛ, Zoova aˈ ˈˈjhriɛ- ˈɲɛn ʋbʋ ˈmʋn ˈmɛn. Biiblʋ- ˈnaan, ɲʋn -an ˈghwla ɲʋn anˈ ɲmɔn in ɛn, ʋa ɲɔɔn dhi.​—Proverbes 6:16, 17.

• Ɲɔnsoa a ˈˈdu -aaˈ dɩ ˈmɛn dhueˈ ˈdhue. -Bho ɲɔn -nɩn ˈdhe ˈkledɩ- ˈdhi ɛ, dhɛ ɔ ˈsea bho ˈˈmae- dhi -mɛn -nɩn, Zoova jhibho- dɩ ɔ nɩan ˈe ˈdhi ˈmɛn -ke!​—2 Chroniques 6:29, 30.

  Zoova ˈye ɔɔˈ ˈBheɔglɔ i-jhii -wɛeˈ ɔ ˈye ɲʋn anˈ klɛɛ ɛˈ ˈklejheɛ iza-, -ka ʋʋ -deea- kpɛ. (Matthieu 6:9, 10) -Da ɔ ˈsea -ˈmɛn -nʋʋn ke ɛ, ɔɔ ˈˈduɛ ɲʋn -ʋa- ˈbʋɔn in dɩ -gwliˈi -kajɔɔnka.​—Actes 17:27; 2 Corinthiens 1:3, 4.