«A Dios [...] ‹neʼets kin talaʼ› an tsémláj, an ukʼiltaláb, an tʼeʼpintaláb, an yajchiktaláb.» (Revelación 21:4, An it jilchith cau.)

Neʼets ki exlaʼ abal a Dios yab játs axi in tʼajál ki koʼoy i kʼibataláb (Santiago 1:13).

Neʼets ki atsʼaʼ dhakat i ichích ki exlaʼ abal a Dios in exbayal jawaʼ i yajchiknál (Zacarías 2:8).

Neʼets ki koʼoy jún i aychixtaláb abal an yajchiktaláb neʼets ka taley (Salmo 37:9-11).

Antsanaʼ, neʼets ki tsuʼuw expidh tsáb i tʼiplab:

• A Dios in pojkál an yajchiktaláb ani jawaʼ yab bolidh. ¿Jantʼiniʼ in atsʼaʼ a Jehová tam ti biyál odhnáj in bichówil? An Biblia in ulal abal in lej yajnaʼ kin tsuʼuw abal kʼal kʼeʼat i bichowchik «u odhnábak.» (Jueces 2:18, Traducción del Nuevo Mundo).

  A Dios yab in kulbetnál an atiklábchik axi in tʼajál abal kʼeʼatchik kin yajchiknaʼ. An Biblia in ulal abal a Dios in pojkál in «kʼubak axi in wakʼlanchal in xitsʼál jitaʼ yab jolbidh» (Proverbios 6:16, 17).

• A Dios in beletnal kʼalekʼij tam atiklab. Max a belal abal expidh tatáʼ a exlal a «kʼibatalabil ani jawaʼ a yajnal», axi chubax pél abal a Jehová jayejtsekʼij in exlal (2 Crónicas 6:29, 30).

  A Dios weʼits neʼets kin talabedhaʼ an yajchiktaláb in kʼal an kʼwajilomchik, kʼal in eyaltal (Mateo 6:9, 10). Biyat, in dhakatmedhanchal in ichích, jitaʼchik ti aliyab kʼal i chubaxtaláb (Hechos 17:27; 2 Corintios 1:3, 4).