“Ndióxi̱ ya̱kó ndiʼi a tikui̱í nu̱u̱ ná ña̱ na̱saku na. Ta a̱ kíví ga̱ na̱. Ta ni̱ a̱ kuáku ga̱ na̱. Ta ni̱ a̱ táʼnda̱ ga̱ ini na. Ta ni̱ a̱ ndíʼi̱ʼvi̱ ga̱ na̱.” (Apocalipsis 21:3, 4, Tu̱hun Sa̱á Ña̱ Na̱jándacoo Jesucristo Nu̱ Yo̱.)

Sini va̱ʼa yó ña̱ o̱ju̱ú Ndio̱s kúú ta̱ kée ña̱ ná ndoʼo ini yó (Santiago 1:13).

Ña̱ ná kundaa̱ ini yó ña̱ Ndio̱s kundaa̱ ini sí ndixi kúu ini yó ta ndoʼo ini yó, ña̱yóʼo kuaʼá ña̱ tu̱ndeé ini nuu̱ yó (Zacarías 2:8).

Kúu kíi ini yó ndatu yó ña̱ cháá ga̱ ní chinuú o̱koo ga̱ ni̱ iin ña̱ jandoʼo ini yó (Salmo 37:9-11).

Kuu vá kandísa yó, jo si̱va̱ʼa saʼa̱ uvi̱ ña̱ʼa vá, ná kunde̱ʼé yó yóʼo:

• Kandají Ndio̱s ña̱ ná ndóʼo ini yó ta ña̱ na o̱kéyíko̱ ndaa̱ ná chúun. Tá si̱naʼá kini ndiva̱ʼa ni̱ si̱kee ná xíʼín na̱ ñuu Ndio̱s, ¿ndixi ni̱ kúu ini Jeová Ndio̱s saʼa̱ ña̱yóʼo? Nuu̱ Tu̱ʼun sí kachian ña̱ ni̱ ta uʼvi̱ ini Jeová Ndio̱s ta ni̱ si̱nde̱ʼé sí ña̱ “chindaʼa niʼni ná” na̱ ñuu sí (Jueces 2:18, Traducción del Nuevo Mundo).

  Ko̱ó nataʼan mií vá ini Ndio̱s ña̱ ná jandoʼo ini yó java ga̱ na̱yivi. Tátu̱ʼun, Tu̱ʼun Ndio̱s kachian ña̱ kandají sí tá ‘saʼni ná na̱yivi na̱ ko̱ó kua̱chiʼ (Proverbios 6:16, 17).

• Ndiʼi ini Ndio̱s saʼa̱ iin iin na̱yivi. Va̱árá ná kukáʼán ní ña̱ si̱va̱ʼa mií vá ní sini saʼa̱ ña̱ “taʼvi̱ ini ní tá taʼnda̱ ini ní” jo jaá ní Jeová Ndio̱s sini sí saʼa̱ ña̱ ndóʼó ní (2 Crónicas 6:29, 30).

  Nda̱ cháá vá kumani ta Gobierno Ndio̱s jánaá ña̱ ndiʼi ña̱ jandóʼo ini na̱yivi (San Mateo 6:9, 10). Si̱ʼa Ndio̱s tu̱ndeé ini nuu̱ ndiʼi na̱ miía̱ndaa̱ ndisa kúni̱ kundaa̱ ini saʼa̱ sí (Hechos 17:27; 2 Corintios 1:3, 4).