Ma twulaq xqʼehil naq tqakanabʼ xkʼulbʼal li rahilal?
Ma taaye raj naq . . .
-
... twulaq xqʼehil?
-
... inkʼaʼ twulaq xqʼehil?
-
... maare twulaq xqʼehil?
LI SANTIL HU NAXYE
«Li Yos [...] tixchaqihobʼresi chixjunil li xyaʼalebʼ ru, ut inkʼaʼ chik taawanq kamk, chi moko yaabʼak, chi moko japok e malaj rahilal.» (Apocalipsis 21:3, 4, Li Santil Hu, Sociedad Bíblica de Guatemala.)
CHANRU TOOXTENQʼA XNAWBʼAL AʼIN
Chʼolchʼo chiqu naq moko li Yos ta nakʼamok chaq re li qachʼaʼajkilal (Santiago 1:13).
Naxkʼojobʼ qachʼool xnawbʼal naq li Yos naril xtoqʼobʼaal qu naq ra wanko (Zacarias 2:8).
Chʼolchʼo chiqu naq saʼ li kutan chaalel maakʼaʼ chik trahobʼtesinq qe (Salmo 37:9-11).
MA WANK XYAALAL NAQ TQAPAABʼ LI SANTIL HU?
Heeheʼ, wank wiibʼ xyaalal:
-
Li Yos xikʼ naril li maaʼusilal ut li rahilal. Kʼaru kireekʼa li Jehobʼa naq yook chaq chi rahobʼtesiik li xtenamit? Li Santil Hu naxye naq ra kireekʼa naq li xtenamit «[na]tzʼuyink xbʼaanebʼ laj rahobʼtesinel» (Jueces 2:18).
Li Yos xikʼ naril li nekeʼxrahobʼtesi li ras riitzʼin. Joʼkan naq li Santil Hu naxye naq li Yos xikʼ naril li nekeʼxkamsi li qas qiitzʼin chi «maakʼaʼebʼ xmaak» (Proverbios 6:16, 17).
-
Li Yos naril li naqakʼul chiqajunqal. Maakʼoxla naq kaʼajwiʼ laaʼat nakatnawok re kʼaru li rahilal ut li chʼaʼajkilal nakaakʼul. Li Jehobʼa naril chixjunil li naqakʼul (2 Cronicas 6:29, 30).
Chi seebʼ li Jehobʼa troksi li Xʼawabʼejilal re risinkil li rahilal li naqakʼul chiqajunqal (Mateo 6:9, 10). Usta maajiʼ nawulak li kutan aʼin, ak yook xkʼojobʼankil xchʼoolebʼ li nekeʼloqʼonink re chi anchal xchʼool (Hechos 17:27; 2 Corintios 1:3, 4).
KʼOXLA LI PATZʼOM AʼIN
Kʼaʼut li Yos naxkanabʼ naq tqakʼul li rahilal?
Li Santil Hu naxsume li patzʼom aʼin saʼ ROMANOS 5:12 ut saʼ 2 PEDRO 3:9.
Maare twulaq ajwiʼ chaawu
QʼAXAL LOQʼ LI NAXKʼUT LI SANTIL HU
Kʼaʼut naq li Yos inkʼaʼ narisi li rahilal?
Ebʼ li qas qiitzʼin nekeʼxye, kʼaʼut naabʼal li xikʼ ilok ut li rahilal saʼ Ruuchichʼochʼ? Li Santil Hu naxchʼolobʼ aʼin ut naxkʼe qoybʼenihom.
AJSI AAWU!
Ma li Yos wank re, naq naqakʼul li rahilal?
Naabʼalebʼ xeʼbʼalaqʼiik xbʼaan li tikʼtiʼ li nekeʼxye chirix li Yos. Bʼar wank li yaal?
AJSI AAWU!
Li naxkʼut chiqu laj Yobʼtesinel naxkʼe qoybʼenihom
Kʼe reetal wiibʼ oxibʼ li xyeechiʼom li Yos li tixbʼaanu saʼ jun kutan.
NIMLA KʼANJEL
Kʼaʼut us naq tattzoloq chirix li Santil Hu? (chixjunil)
Chi miyon ebʼ li qas qiitzʼin re chixjunil li Ruchichʼochʼ xeʼxtaw saʼ li Santil Hu xsumenkil ebʼ li xninqal ru patzʼom. Naqaj naq taatzol li chaabʼil tasal hu aʼin.
