“U Chala . . . akwiza pakusyumula amasozi ghosi mumaso ghabo. Ubufwe butakwiza pakubako nalumo, sona kutakwiza pakubako ivitima pamo ukulila pamo ububavu.”—Ubuvumbuli 21.3, 4.

Tukusubila ukuti te we Chala akupangisya intamyo.—Yakobo 1.13.

Vikutughomya pakumanya ukuti u Chala akutwinong’onela pa ntamyo zyitu.—Zekariya 2.8.

Tukusubila ukuti intamyo zyosi zilimala.—Salimo 37.9-11.

Eee! Pa vifukwa vibili ivi:

• U Chala abengite ukuyimba nu kusita ukusubaliwa. Vitakamuhobosya u Chala po abantu bache abakale bakanyalagha. Ibayibolo likunena ukuti vikamubaba po abantu ‘bakanyazyanga abantu bache.’—Abalongi 2.18, New World Translation.

  U Chala atakuhoboka lumo na bo bakubabombela abamwabo ivintu ivibibi. Ibayibolo likuti u Chala akuseluka na ‘bo bakukupula ibanda lya bantu abasita nongwa.’—Isya Mbupingamu 6.16, 17, New World Translation.

• U Chala akwinong’onela aliwesi pamwene. Mo umuntu wesi vikumubabila pala ali ni ntamyo, momo u Yehova wepe vikumubabila.—2 Syambukulu 6.29, 30.

  Mu Bumwene bwache, u Yehova akwiza pakumazya intamyo zya aliwesi. (Matayi 6.9, 10) Pakabalilo aka, u Chala akusangalusya bo bakumulonda.—Imbombo 17.27; 2 Aba Kolinti 1.3, 4.