“BaLesa bakabasumwina iminsoshi yonse ku menso abo; tapakalukuli imfwa libili, neli ni nsoni, neli kulila, neli kusomenwa konse, tau.”—Ukufisulula 21:3, 4.

Mukacetekela ati baLesa talipo e balengesha ati tulukupenga.—Jakobo 1:13.

Mukasangalala kani mwaishiba ati baLesa balomfwisha ifi tupitamo kani tulukupenga.—Sakaliya 2:8.

Mukacetekela ati ukupenga kukashila.—Amasamo 37:​9-​11.

Inya, ni pakuti:

• BaLesa balafiitilwa ukupenga ne kusendama. Langulukeni ifi baYawe Lesa baalukumfwa ili abantu abalabiilwepo mu Baibolo baalukupenshiwa. Baibolo ilalabila ati balikatashiwe pakuti “pa kutongela kwabo pa kupenga ne ­kukululuka bo.”—Abasololweshi 2:18.

  BaLesa balafiitilwa ­abapensha ababyabo. Ku ­cakubwenako, Baibolo ilalabila ati ‘iminwe ipokomosha imilopa’ ilikanaminwe kuli Bo.—Ifishimpi 6:16, 17.

• BaLesa balatulama fwense umo umo. Talipo ati bantu lukoso ‘e beshiba bonse umo umo umwalo wakwe umwine ne nsoni shakwe umwine’ sombi na baYawe baleshiba!—2 Ifyebo 6:29, 30.

  Bukumo baYehova bakapyungisha Ubufumu bwabo ukushilisha ukukatashiwa kwa muntu umo umo. (Matayo 6:9, 10) Pano pali ino ­mpindi, balasangalasha ababafwaya-fwaya muli ­bucine.—Ifyacitilwe 17:27; 2 AbaKolinto 1:3, 4.