“Kalunga. . . mwakahunda masoji osena kumeso avo, kufwa kacheshi kukapwako chekako, kaha nawa kakweshi kukapwa cheka kulishona, chipwe miteto, chipwe kukolako.”—Kusoloka 21:3, 4, Visoneka vyaKaye Kakahya.

Munejiva jino ngwenu Kalunga keshi ikiye eji kunehanga ukaluko.—WaYakova 1:13.

Namwivwa kuwaha hakwijiva ngwenu Kalunga eji kututetelanga nge tuli nakuyanda.—Zekaliya 2:8.

Nachimikafwa mufwelele jino ngwenu kuyanda nachikakuma.—Samu 37:9-11.

Eyo, mwomwo yavishina vino vivali:

• Kalunga kasaka vatu vayande chipwe kuvalinga mwamupiko. Achishinganyekenu omu Yehova Kalunga evwile hakumona vatu jenyi vakushikulu navavayanjisa chikuma. Mbimbiliya ngwayo apihililile mwomwo “vavayanjishilenga nakuvamwenesa malwa.”—Vaka-kuyula 2:18.

  Yehova ahunga vaze veji kulemekanga vakwavo. Chakutalilaho, Mbimbiliya ngwayo, eji kwivwilanga unyengwe “mavoko akumwanga manyinga ayou azeneka chuma chakumuhanyina mulonga.”—Vishimo 6:16, 17.

• Kalunga eji kutuzakamanga mutu himutu. Vatu vatachikiza mutu himutu “musongo wenyi navangu yenyi,” nge muze atachikiza Yehova.—Mijimbu 2, 6:29, 30.

  Kalinwomu Yehova azachise Wangana wenyi nakukumisa kuyanda chosena chize vanakumona vatu. (Mateu 6:9, 10) Oloze oholyapwa ali nakuvendejeka vosena vaze vamufwelela namuchima wosena.—Vilinga 17:27; Wavaka-Kolinde 2, 1:3, 4.