অৱা-অনাগী অরোয়বা লৈগদ্রা?
নহাকনা হায়গদ্রা . . .
-
লৈগনি?
-
লৈরোই?
-
লৈবা য়াই?
বাইবলনা করি হায়রি
“ঈশ্বরনা মখোয়গী মিত্তগী পিরাং খুদিং তৈথোকপিগনি; অমুক হন্না শিবা, ৱাবা, তেংথাবা, কপ্পা অমসুং নাবা লৈররোই।” —ফোংদোকপিবা ২১:৪, অশেংবা বাইবল।
মসি থাজবনা নহাক্কীদমক করি কান্নগনি
ঐখোয়গী সমস্যাশিং ঈশ্বরনা থোকহনবা নত্তে হায়বগী শোয়দ্রবা ৱাফম।—যাকোব ১:১৩.
ঐখোয়না অৱা-অনা নংবা মতমদা ঈশ্বরনা ঐখোয়গী অৱাবদু খঙবি হায়বগী নুংঙাইবা।—জেকারিয়া ২:৮.
অৱা-অনা খুদিংমক লোয়রগনি হায়বগী আশা। —থাগৎ ঈশৈ ৩৭:৯-১১.
বাইবলনা হায়রিবসি ঐখোয়না তশেংনমক থাজবা য়াব্রা?
য়াই, য়ামদ্রবদা মরম অনিদা য়ুমফম ওইরগা:
-
ঈশ্বরনা অৱা-অনা অমসুং ৱায়েল চুমদববু তুক্কৎচৈ। মমাংঙৈ বাইবলগী মতমদা মহাক্কী মীশিংবু তমথীবা মওংদা তাথি-তাওইনা তৌখিবা অদুদা ঈশ্বর যেহোবানা মতৌ করমনা ফাওখিবগে হায়বদু খনবিয়ু। বাইবলনা হায়রি মদুদি মখোয়বু “ৱাহনবা অদুগী মরমনা” মহাক য়াম্না নুংঙাইতবা ফাওখি।—ৱায়েন মপুশিং ২:১৮.
অতোপ্পশিংবু মাঙ-তাকনবা তৌরিবা মীশিং অদু ঈশ্বরনা য়ানিংদে। খুদম ওইনা, বাইবলনা হায়রি “মরাল লৈজদবা ঈ তাহনবা খুৎশিং” অদু মহাকনা তুক্কৎচৈ।—পাউরৌ ৬:১৬, ১৭.
-
• ঐখোয় অমমম্তগী ওইনা ঈশ্বরনা খনবি। মী খুদিংনা “মশাগী অৱা-অনা অমসুং চৈনা” খঙজবা নত্তনা ঈশ্বর যেহোবানসু খঙবি।—২ ইতিহাস ৬:২৯, ৩০.
মহাক্কী নিংথৌ লৈবাক্কী মপান্না, যেহোবানা মীওই অমমম্গী অৱা-অনা থুনমক লোয়শিল্লগনি। (মাত্থি ৬:৯, ১০) মরকসিদা, মঙোন্দা থম্মোয় শেংনা চঙজরকপা মীওইশিংবু মহাকনা নুংশিহৈনা পুকনিং থেমজিনবি।—পাখোনচৎপশিংগী থবক ১৭:২৭; ২ কোরিন্থীয়া ১:৩, ৪.
খনথবা য়াবা ৱাফম
ঈশ্বরনা করিগীদমক অৱা-অনা নংবা য়াহল্লিবনো?
বাইবলনা ৱাহংসিগী পাওখুম মসিদা পীরি রোমীয় ৫:১২ অমসুং ২ পিতর ৩:৯.