“Ishworna makhoigi mittagi pirang khuding teithokpigani; amuk hanna siba, waba, tengthaba, kappa amasung naba leiraroi.”—Phongdokpiba 21:4, Asengba Bible.

Eikhoigi samasyasing Ishworna thokhanba natte haibagi soidraba wapham.—Jacob 1:13.

Eikhoina awa-ana nangba matamda Ishworna eikhoigi awabadu khangbi haibagi nungaiba.—Zechariya 2:8.

Awa-ana khudingmak loiragani haibagi asha.—Thagat Ishei 37:9-11.

Yai, yamdrabada maram anida yumpham oiraga:

• Ishworna awa-ana amasung wayel chumdababu tukkatchei. Mamangei Biblegi matamda mahakki meesingbu tamthiba mawongda tathi-tawoina toukhiba aduda Ishwor Jehovahna matou karamna phaokhibage haibadu khanbiyu. Biblena hairi madudi makhoibu “wahanba adugi maramna” mahak yamna nungaitaba phaokhi.—Wayen Mapusing 2:18.

  Atoppasingbu mangtaknaba touriba meesing adu Ishworna yaningde. Khudam oina, Biblena hairi “maral leijadaba ee tahanba khutsing” adu mahakna tukkatchei.—Paorou 6:16, 17.

• Eikhoi amamamtagi oina Ishworna khanbi. Mee khudingna “masagi awa-ana amasung cheina” khangjaba nattana Ishwor Jehovahnasu khangbi.—2 Itihas 6:29, 30.

  Mahakki Ningthou Leibakki mapanna, Jehovahna meeoi amamamgi awa-ana thunamak loisillagani. (Maathi 6:9, 10) Maraksida mangonda thamoi sengna changjarakpa meeoisingbu mahakna nungsiheina pukning themjinbi.—Pakhonchatpasinggi Thabak 17:27; 2 Corinthiya 1:3, 4.