“ToTeko kinuachilis nochi ininixayo. Uan ayok kema aki mikis, niyon mokuesos, niyon chokas, niyon mokokos” (Apocalipsis 21:3, 4, Itlajtol Toteco Náhuatl de la Huasteca Oriental).

Tijmajtos toTeotsij amo kichiua ma tijpiakaj kuesoli (Santiago 1:13).

Mitsyolchikauas pampa tijmajtos toTeotsij kiyolkokoua kema titlaijiyouia (Zacarías 2:8).

Temachtli tijmajtos teipa amo tleno mitstlaijiyouiltis (Salmo 37:9-11).

Kena, ma tikitakaj kenke:

• ToTeotsij kikualankaita tlaijiyouilistli uan tlen amo xitlauak. ¿Kenijkatsa kiyolmatki Jehová uejkajkia kema kintlaijiyouiltijkej itekipanojkauaj? Biblia kiijtoua kiyolkokouayaya kema kiitayaya “kintlaijiyouiltiyayaj ininkualankaitakauaj” (Jueces 2:18).

  ToTeotsij kinkualankaita katli tetlaijiyouiltiaj. Yeka ipan Biblia kiijtoua “kikualankamaka [...] se tlen kimiktia seyok tlen axtleno kichiuilijtok” (Proverbios 6:16, 17).

• ToTeotsij kitekipachoua tlen kinpano maseualmej. Kema titlaijiyouia amo san ta mitsyolkokoua, Jehová nojkia kiyolkokoua kema kiita titlaijiyouia (2 Crónicas 6:29, 30).

  Kema toTeotsij tlanauatis kichiuas ayokmo ma titlaijiyouikaj (Mateo 6:9, 10). Yeka ipan ni tonali toTeotsij kinyolchikaua nochi katli nelia kinekij kiixmatisej (Hechos 17:27; 2 Corintios 1:3, 4).