“Owo onahaala ovuta miithori oothene mmiithoni mwaya, nave horwa okhalavo tho okhwa, naari hokhalavo tho othanana, naari wunla, naari sawiicela.”​—Wupulula 21:4.

Ororomela wi Muluku haneeriha makacamiho.​—Tiyaku 1:13.

Ohakararya wa osuwela wi Muluku onnoona wiicela vaavaa nnahooxeyaahu.​—Sakariya 2:8.

Ewehereryo yawi makacamiho oothene anahaala omala.​—Salmu 37:9-11.

Aai, moone mathowa meeli:

• Muluku onniica makacamiho ni onanara. Muthokororye mukhalelo Yehova oonneiye vaavaa achu awe yaahooxiwaaya moonyala mu ilukuluku sa Piipiliya. Piipiliya onaloca wi Muluku aanathanana nthowa na yaale ‘yaahooxiwaa’​—Amuthoriha 2:18, PMM.

  Muluku ookhalano moonelo woolipa wa yaale anaahooxa akina. Ntoko yawooniherya, Piipiliya onaloca wi “mata anawipha atxhu óhitxheka” ari oothanyeya wa Muluku.​—Masiposipo 6:16, 17, BNM.

• Muluku onnamuthokororya muchu ori oothene. Tahi wi muchu mukhateiye pahiru tonasuwela “ekoi” awe nyenya Yehova tho onnasuwela!​—2 Matharihelo 6:29, 30, BNM.

  Moorweela wa Omwene awe, Yehova onahaala omaliha makacamiho a muchu ori oothene. (Mateyu 6:9, 10) Mu elukuluku yeela, Muluku mweepewe onnaahakararya yaale anamwaavya yoowo mweeparipari.​—Saweeriwa ti Arummwa 17:27; 2 Akorintu 1:3, 4.