Kansi matamano azasile?
Mungayankhe kuti . . .
-
ee?
-
yai?
-
payakine?
BAIBOLO YULAŴILA KUTI
‘[Mulungu] . . . azapukute misozi yonse m’menso mwao, imfwa izaŵepolinisoti. Kuzaŵeve kulila, olo kumimila, olo soti voŵaŵa.’—Chivumbulutso 21:3, 4, Baibolo la Dziko Latsopano.
MWA KUZIŴA VAMENE IVI KUNGAKUYAVYENI TYANI?
Kungakuyavweni kuziŵa kuti ni Mulungu lini ochitisha matamano yotukumana-nayo.—Yakobo 1:13.
Kungakunkhazikisheni ntima pansi poziŵa kuti Mulungu otivwila chifundo tikotamana.—Zekariya 2:8.
Kungakuyavweni kuziŵa kuti matamano yazasile.—Salimo 37:9-11.
MWA TUWAMILA KUCHETEKELA CHENDI VAYULAŴILA BAIBOLO?
Ee pa vikomo viŵili:
-
Mulungu ozonda matamano na kusoŵa chilungamo. Lingalilani mwenzonvwela Yehova Mulungu penzotamanishiwa ŵanthu ŵake nthawe yakuvuli. Baibolo yulaŵila kuti: ‘Penzotamanishiwa ŵanthu ŵake yove naye eŵaŵiwa m’malingalilo.’—Yesaya 63:9, Baibulo la Dziko Latsopano.
Mulungu oipilwa akawona kuti munthu otamanisha ayake. Mwa chisanzo, Baibulo yulaŵila kuti: Mulungu onyasilwa na manja youtukila kukhesa milopa ya ŵanthu wosalakwa.—Miyambo 6:16, 17.
-
Mulungu otisamalila tonse payeka-payeka. Niŵanthu lini tyala oziŵa za mlili, na ululu wake Yehova naye oziŵa.—2 Mbiri 6:29, 30.
Kupitila mu ufumu wake, Yehova lombapano azafumyepo matamano yonse yotukumananayo aliyonse payeka-payeka. (Mateyu 6:9, 10) Pakali pano onkhazikisha ntima pansi ŵanthu wonse ŵala omusakila-sakila.—Machitidwe 17:27; 2 Akorinto 1:3, 4.
KONSHO YAKUTI MUKOLINGILILA
Ndaŵa yanji Mulungu olekelela kuti ŵanthu okotamana?
Baibolo yuyankha konsho yamene iyi pa AROMA 5:12 na 2 PETULO 3:9.
Mungakondesoti kuwona izi
SPECIAL CAMPAIGN
Ndaŵa yanji mufunikila kuphunzila Baibolo?—Vidiyo yonse
Baibolo yupeleka mayankho a makonsho akulu-akulu pa umi wa ŵanthu anyinji pa chalo chonse. Mungakonde kuŵa m’mozi wa ove?
