Ngimba Indamyo Sikwisa Kumalika?
Lumo mukuti . . .
-
ena?
-
hayi?
-
ndisi?
ISI IBAIBOLO LIKUYOBA
Kyala . . . isakupyasilagha amasosi ghosa, bope nubufwe nalinga bo busulumanie, nalinga ko kukuta pamo ko kubaba fitisakuyangako kangi.”—Ubusetuli 21:3, 4.
NGIMBA UKUMANYA ISI KUBAGHILE UKUTUTULA BULEBULE?
Tukuya nulusubilo ulwakuti akaya yo Kyala uyu ikwandisya indamyo.—Yakobu 1:13.
Tukumanya ukuti Kyala ikumanya indamyo isi tukwaghana nasyo.—Zekariya 2:8.
Tukuya nulusubilo ulwakuti indamyo sikwisa kumalika.—Salimo 37:9-11.
NGIMBA TUBAGHILE UKUSUBILA NALOLI ISI IBAIBOLO LIKUYOBA?
Ena. Nongwa yafiki tukuti ena?
-
Kyala atikuhoboka ni ndamyo nu busita bugholofu. Twinong’onelepo muno Yehova alipilikile akabalilo ka kunyuma bo ababombi bake bikutamiwa. Ibaibolo likuti “alinkubapakisya bo bikulila mbukamandaniwa ubu abalughu babo babingisyemo”—Abalongi 2:18.
Bosa aba bikubatamya abinabo Kyala atikuhoboka nabo. Ibaibolo likuti Kyala akubengile “ukona ilopa lya mundu unsitanongwa.”—Isya Mbupingamu 6:16, 17.
-
Kyala ikutwinong’onela aliwesa pamwene. Uswe tukasimanya kanunu indumbula syitu loli mwene Kyala. Ibaibolo likuti, “Namanga yo yuyuwe wimwene we usimenye indumbula sya bandu.”—2 Syambukulu 6:29, 30.
Mu Bunyafyale bwake, Yehova ikwisa kusosyapo indamyo syosa. (Matai 6:9, 10) PakabaliIo aka, Kyala ikubasubisya mbutolwe bosa aba bikundonda umwene.—Imbombo sya Batumiwa 17:27; 2 Bakorinti 1:3, 4.
AMWINONG’ONELEPO
Nongwa yafiki Kyala ikwitikisya ukuti tutamiweghe?
Ibaibolo likwamula ilalusyo ili pa BAROMA 5:12 na pa 2 PETERI 3:9.
Lumo Mubaghile Ukulonda Ukumanya Isya Nkhani iyi
ESSENTIAL BIBLE TEACHINGS
Nongwa Yafiki Kyala Itikisye Indamyo pa Kisu Kyapasi?
Isi Ibaibolo likuyoba pa nkhani iyi syakukasya kangi syakusubisya.
IKAMPENI YAPADELA
Nongwa Yafiki Mukulondiwa Ukumanyila Ibaibolo?
Ibaibolo likwamula amalalusyo gha bandu amamiliyoni mingi pa kisu kyosa. Ngimba nanumwe mukulonda ukwamuliwa amalalusyo ghinu?
IKAMPENI YAPADELA
Ukumanyila Ibaibolo
Amwande ukumanyila Ibaibolo munjila iyakuyobesania kisita kulipila.
