“Bari . . . esiŋana dɛ̄dɛɛ̄ maāto wa lɛɛ dɛɛ̄, e luh naale elena, ale ekiɛnu, ale to, ale yɔyɔ.”—Mumuuna 21:3, 4, Kpa Baɛbɛl Kaɛ.

Sua mmɛnɛ kɔ Bari naa su mɔna taāŋa i nua loo.—Jemes 1:13.

Gbɔ̄ i nyiɛ lo esua kɔ Bari dā beeloo mmɛnɛ kɛ̄ nu i tɔɔloo doo sɔ̄ i mɔna taāŋa.—Zekaria 2:8.

Bɛābu kɔ dɛ̄dɛɛ̄ mɔna taāŋa gaa le ina kuma.—Le-yɔɔ 37:9-11.

Aiī, a ɛrɛ baɛ nu anua i dap yiga:

• Bari baaloo pɔrɔ biaɛ le sɔ̄ nɛɛ mɔna taāŋa. Naa kɛɛrɛ kɛ̄ a bee tɔɔ̄loo Jɛhova Bari doo sɔ̄ pya ye nɛɛ bu sɔ̄ a bee lu e’ɛm Baibol a, bee lu etuɔŋ wa. Baibol kɔ a bee ye nɛ etɛɛrɛ nyɔnɛbee “pya a bee wa nɛ etɛɛrɛloo sa wa bii kumakɛ̄.”—Pya Biaɛ 2:18, Kpa Baɛbɛl kaɛ.

  Bu Bari biira gbɛnɛ loo pya a doo kɔ pya dɔɔ̄na a mɔna taāŋa. Bu edoba, Baibol kɔ “baɛ bah a egara miī nɛɛ a naa doo pɔrɔ” lu ye saāŋa loo.—Kam 6:16, 17.

• Bari kuūdɛɛ̄loo ziī ziī ii. Naale aba bee ziī ziī nɛɛ “suā a lɛɛ etɛɛrɛ” mɛ Jɛhova suānage!—2 Nu a bee lu edoo 6:29, 30.

  Tɛ̄maloo ye Buɛ̄-mɛnɛ, Jɛhova esaa edoo kɔ taāŋa a sira loo ziī ziī ii a’ina kuma. (Matiu 6:9, 10) Mɛ nyaawo, bu fɛgɛ, a gaa gbɔ nyiɛ pya a ye gbī bu kaāna sīdee.—Doonu 17:27; 2 Pya Kɔrint 1:3, 4.