“[Waaqayyo] imimmaan hundumaa ija isaaniittii in haqa . . . egaa duuni deebi’ee hin argamu, gadduun, iyyuun, waraansis si’achi hin jiru!”—Mul’ata 21:3, 4.

Rakkinni akka nurra ga’u kan godhu Waaqayyo akka hin taane hubatta.—Yaaqoob 1:13.

Waaqayyo rakkinni yommuu nurra ga’u maaltu akka nutti dhaga’amu guutummaatti akka hubatu beekuunkee jajjabina siif argamsiisa.—Zakaariyaas 2:8.

Rakkinni hundi ni bada jettee akka abdattu si gargaara.—Faarfannaa 37:9-11.

Eeyyee, yoo xinnaate sababii lamaan kan ka’e amanuu dandeenya:

• Waaqayyo rakkinaafi jal’ina ni jibba. Yihowaan, sabnisaa warri durii, gara jabinaan yommuu cunqurfamaa turan maaltu akka itti dhaga’ame hubadhu. Macaafni Qulqulluun, Waaqayyo yeroo saboonni kaan ‘isaan rakkisaniifi isaan cunqursan’ dhiphatee akka ture ibsa.—Abboota Firdii 2:18.

  Waaqayyo namoota warra kaan miidhaan akka laayyootti hin ilaalu. Fakkeenyaaf, Macaafni Qulqulluun Inni, “harka dhiiga nama balleessaa hin qabnee dhangalaasu” akka ciigga’u ibsa.—Fakkeenya 6:16, 17.

• Waaqayyo dhuunfaatti nuu yaada. ‘Dhukkubaafi rakkinasaa kan beeku’ abbaasaa qofa utuu hin ta’in, Yihowaanis beeka!—2 Seenaa 6:29, 30.

Yihowaan Mootummaasaatti fayyadamee, yeroo dhihootti rakkina namoota hundaarra ga’u ni balleessa. (Maatewos 6:9, 10) Hanga yeroon sun ga’utti garuu, namoota gargaarsasaa argachuu barbaadaniif jajjabina guddaa kenna.—Hojii Ergamootaa 17:27; 2 Qorontos 1:3, 4.