‘God . . . vin mengi vohogi na mataruara, ko mateana vin hatie, hahagavi vin hatie, tangiana vin hatie, me gagarasi vin hatie.’—A Serelue Lawe Jon 21:3, 4.

Goin le rotove vo gineu hasi nge ram bulus ginde, rai mai te den Hungwe.—Jemis 1:13.

Goin ilo vo Hungwe vage mo rong hesi, tavehe nengo gom rong gagarasi.—Sekaraea 2:8.

Goin lando vin siaga vo lo taro momai, gineu ngere ram vai ginde dam rong gagarasi, rain rovo doluegi. —Ol Sam 37:9-11.

Iyo, huri na leo ngere:

• Hungwe vi le garea te taro vo tangaloi ram rong hasi sevo tangaloi mo vai garasi tangaloi dolue. Gon lando. Tavehe tangaloi ram vai hasisik ngere Isrel tuei, Buku Gogona mo veve vo Hungwe mo hagavire.—Jajes 2:18.

  Hungwe vi rong garea tea tangaloi nge ram saoki na tangaloi dodolue, Buku Gogona mo veve, Hungwe mo lehes na tangaloi nge ram wahe na tangaloi dolue sarvurogi.—Ol Proveb 6:16, 17.

• Hungwe mo legoro ginde. Ginde tangaloi, dam ilo na galegale hasi nge ram vai ginde dam rong hasi. Nge Jehova vage mo ilo na galegale hasi ngerehi.—2 Kronikel 6:29, 30.

  Vinhirimbi tea, Ute Ratahigi noi Jehova vin haravohogi na galegale hasi nge ram vai na tangaloi ram rong hasi. (Matiu 6:9, 10) Taro dam rarai na taro garea mo vomai, i Hungwe mo bului na tangaloi nge ram hingesie, siu mo vai gare lawera.—Lalagogi 17:27; 2 Korin 1:3, 4.