“Dxusaꞌ kĩh nxusniijũwa jxuka nweꞌwena, açaꞌ peena yuꞌ uuwaꞌjmée yuuna. Ũꞌnewaꞌj enwa paꞌjmeena, nxus weꞌwewaꞌjwa paꞌjmeena, akasawa paꞌjmeena.” (Apocalipsis 21:3, 4, DYUS YUWE UꞌSESA, ortografía actualizada).

Jiiyuꞌjnaw isate Dxusaꞌs, kĩhyuwa yuꞌ we meena naa thẽysa ũꞌsak naa kiwete (Santiago 1:13).

Dxusa jiiyuꞌk kweꞌsx pxthayũunxisas txãasane wãtwãt piyan ũꞌs thãasuꞌ (2 Tesalonicenses 1:6).

Eꞌs yuꞌ kĩhwa thẽysa paꞌj meenaꞌ txãas thaꞌw muythãasuꞌ ewsaꞌs (Salmo 37:9-11).

Jeꞌzku tasxii:

• Dxusa açeneꞌ pxthayũunxisas vxite ewmesas. ¿Maꞌwkik yekx, Jeuwa nyafxii ew mee nxuteh txãjx çxhabas? Dxusas seena yaakaneꞌ txãa çxhab pukasu weꞌsx, ewmeꞌ yuun ũꞌste txãa çxhabas (Jueces 2:18, Traducción del Nuevo Mundo).

  Dxusa wẽtmeeneꞌ yekx, vxite nasa ewmeeyũun ũꞌsatxis. Dxusa seena açeneꞌ nasa ikhsatxis (Proverbios 6:16, 17).

• Nasatxis teeçx teeçx neꞌ Dxusa Kũꞌj yaakx. Txaꞌwẽy kweꞌsx çxaa meꞌ thẽysaꞌs jiipun ũꞌsnetkaꞌw “txãa paꞌgatey txãꞌ iꞌkweꞌsxtxi thegsaꞌ naa”, Dxusa kweꞌsxtxiswa puꞌçxhina (1 Pedro 5:7,  DYUS YUWE UꞌSESA, ortografía actualizada).

  Dxus jxkaahnxisa, kweꞌsx pxthayũunxisa jxuka pabanxi neyũuna (Mateo 6:9, 10). Txaꞌwẽy nasa nwẽseꞌjsatxis puꞌçxhina, vxite wedxna ũꞌsna (Hechos 17:27; 2 Corintios 1:3, 4).